Kulava 11:25 - Livulu lya Shukulu Kalunga

²⁵ Asinoni Shukulu Kalunga washulukile asi mu lishelwa nakwendeka na Mosesa. Co Shukulu Kalunga wanonele ku Munzinzime uje wakele ali Mosesa nakuupangezela ali vaje vantwama makumi atanu na avali. Omo Munzinzime wakele ali vakevo, vambulwile ngwe vaka-kwimanena, oloni kuyapwile simbu yakama.

Kulava 11:25 Iomraidhean Croise

2 Vimyene 2:15

Vaka-kwimanena makumi atanu vatundile ku Yeliko vamwene vije vyalingiwile, vendekele ngwavo, “Nzili ya Elinja ili ali Elisha!” Co vaile nakuliwana nendi, vatsikamene ku mesho endi nakumulemesa,

Nehemiya 9:20

Mu vuvwa vwove wavalongesele vije vapande kulinga, wavalisile maana, co wavanene mema akunwa.

Myaso 99:7

Shukulu Kalunga wendekele kuli vakevo mu manda ya lishelwa, vakevo vononokele vukaleo vwa Shukulu Kalunga na mashiko aje avaanene.

Kutuuka 32:32

Shukulu vasambese ku vuvi vwavo, oloni nga shove, co tundisa lizina lyange mu livulu lije wasoneka mazina a vanu vove.”

Kutuuka 34:5

Shukulu Kalunga washulukilile mu lishelwa, wakwimanene amo na Mosesa, co walitumbwile ikeye vavenya lizina lyendi lyakujela lya Shukulu Kalunga.

Kutuuka 40:38

Co simbu yoshe mu vungenzi vwavo vwoshe vamwene lishelwa lya Shukulu Kalunga akamwa ya Mbalaka a simbu ya mutanya, co tuhya twakele nakushukuma mu lishelwa a simbu ya vutsiki ku mesho a vanu voshe va Isalele.

Isaya 63:11

Oloni vanu vendi vanukile vyuma vyakulaja, a matangwa a Mosesa, ngamba ya Shukulu Kalunga, co vehwile ngwavo, “Shukulu Kalunga ali kulijo ololo, uje waamenene vantwama va vanu vendi ku mema a kalunga? Shukulu Kalunga ali kulijo, uje waanene Munzinzime wendi kuli Mosesa?

Ezekiyele 8:11

Vantwama va vaIsalele makumi atanu na vavali vakele kuje, amo na Njazaniya muna Shafane. Munu na munu wakwatele cikango cakwenyekela insense, co vwisi vwa insense vwakele nakukakumuka.

Kulava 11:17

Co njikashelumuka nakwendeka nove kuje vene, njikavana moko ngeci mukalikwase kwendesa vanu vange kuukavanyungu ove lika embwe.

Kulava 12:5

Asinoni Shukulu Kalunga washelumukilile mu manda ya lishelwa, wemanene ku cikolo ca Mbalaka, wasanene Alone na Milyamu. Co voshe vavali vaile kulutwe.

Kulava 16:25

Co Mosesa wakatukile waile kuli Ndatane na Avilame, co vantwama va Isalele vamukavele.

Kulava 24:2

Omo Mbalame wandwile mesho endi, wamwene vanu va Isalele vanatungu cilombo cavo kupwisa ngwe ku muyati na muyati. Co Munzinzime wa Njambi wezile ali ikeye nakumupangesa,

Kulava 27:18

Ngecivene, Shukulu Kalunga wendekele kuli Mosesa ngwendi, “Sana Yoshwa muna Nune, uje washula na Munzinzime wange, kambeka mavoko ove a mutwe wendi.

Vilinga vya Miluwa 11:28

Umo wavo lizina lyendi Angambase wemanene na nzili ya Munzinzime wambulwile vuka-kwimanena ngwendi njala ya lyangengela ilinakwija ano asi oshe. (Co eci calingiwile omo Kalaundyase wapwile nguvulu.)

1 Kolinte 14:32

Co vwana vwakwambulula lijwi lya Njambi vunapande kukala na moko ya uje endeka,

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

2 Petulu 1:21

Omwo kukwesi lijwi lya vuka-kwimaneana lyezile kutunda ku cizango ca munu, oloni vanu vavatwamenenene kuli Munzinzime Wakujela omo vambulwile lijwi lije lyatundile kuli Njambi.

Maako 3:10

Munzinzime wa Njambi wezile ali ikeye, co wapwile lyaako lya vaIsalele. Otenyele waile ku nzita, co Shukulu Kalunga wakundikile Mwene Kushane Lishataime wa ku Mesopotamya ku mavoko endi.

1 Samwele 10:10

Omo Saulu na ngamba yendi vetele ku Ngimbeya, waliwanene na mbunga ya vaka-kwimanena. Co vwasi-vwasi Munzinzime wa Njambi wezile na nzili ali ikeye, co nendi wambulwile vuka-kwimanena akati kavo.