Kulava 11:23 - Livulu lya Shukulu Kalunga

²³ Co Shukulu Kalunga wamukumbulwile ngwendi, “Kuma nzili yange yakala naa ayahwila ndi? Cooni ololo ukamona nga evi njinendeka vikalingiwa nambe kuvikalingiwa!”

Kulava 11:23 Iomraidhean Croise

Kushangumuka 18:14

Kuma kuli cuma cimo cacikalu kuli Shukulu Kalunga ndi? Ngwe vene munjinendeka, a simbu ino vene mungolosika njikeluka kuli yove, co Sala akakita mwana wa munalume.”

2 Vimyene 4:43

oloni ngamba yendi ikeye wamukumbulwile ngwendi, “Kuma unayongola ngwove vyakulya evi vinapumo ku vanalume vakupwa 100 ndi?” Co Elisha wamulekele ngwendi, “Vaane valye, omwo Shukulu Kalunga nendeka ngwendi, ‘Vakalya, co vikasalao vimo lalo.’ ”

2 Vimyene 7:2

Co uje katumwa ka mwene wendekele kuli Elisha ngwendi, “Eci kucikalingiwa embwe, nameme vene nga Shukulu Kalunga atuma nyonzi yakama a simbu ino!” Co Elisha wamukumbulwile ngwendi, “Ukacimona omo cikalingiwa, oloni yove kuukaliko vimo ku vyakulya vije.”

Myaso 78:41

Vatengulukile lalo nakweseka Njambi, co vashangumwine Njambi Wakujela wa Isalele.

Kutuuka 6:1

Asinoni Shukulu Kalunga wendekele kuli Mosesa ngwendi, “Ololo oni ukamona vinjikalinga kuli mwene, omwo njikamusindiya ecele vanu vange vaye. Njikamusindiya ngeci akavasheke mu lifuti lyendi.”

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 59:1

Kesi muyongole ngweni Shukulu Kalunga wapwa wakuzeya manene mukumyamena, nambe wapwa kasinda-matwi manene mukuziva malombelo eni ngeci amikwase embwe!

Njelemiya 14:9

Omwo vikajo unapu ngwe munu ivanakasumuna, nambe ngwe lishwalale najeneka nzili mukulyamena? Mwa vushunga Shukulu Kalunga yove uli netu! Yetu tu vanu vove kesi utuseze embwe.’ ”

Njelemiya 32:17

“Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

Njelemiya 32:27

“Yange Kalunga, Njambi wa vanu voshe. Kukwesi cuma cimo cacikalu kuli yange cai.

Ezekiyele 12:25

Yange Kalunga, njikendeka kuli vakevo, co vije vinjikendeka vikalingiwa. Kwishwala kucikakalako lalo embwe. Mu simbu yakuyoya kweni kwoshe, yeni vaka-kutengulukila, njikalinga vije vinjaminangwile ngeci njikavilinga. Yange njinendekamo,” mwalinakwendeka Shukulu Kalunga wa Akamwa ya Vyoshe.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ndanyele 6:20

Omo washwenyele kuyehi, watambekele na lijwi lya vusiwa ngwendi, “Ndanyele, ngamba ya Njambi wakuyoya! Njambi uje iwapangela na kulongwa manene nakwamena ku tunwa twa vindumba ndi?”

Mika 2:7

Kuma mwayongola ngeci vanu va mu Isalele vali mu cisingo ndi? Kuma Shukulu Kalunga kasa kuvandamena ndi? Kuma asa kulinga vyuma vyangacije ndi? Kuma kesi kwendeka mwamuvwa kuli vaje vaka-kulongwa ndi?”

Kulava 11:22

Kuma vakavatsiila matanga a vingombe na vimanga ngeci vapwisemo, nambe vakavakungulwile visi voshe va mu mema a kalunga ngeci vakapwisemo ndi?”

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Mateo 19:26

Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Mateo 24:35

Lilu na asi vikaita, oloni majwi ange kuwakaiti embwe.

Luka 1:37

Omwo cuma nacimo cai cahonwa Njambi kulinga.”