Kulava 11:16 - Livulu lya Shukulu Kalunga

¹⁶ Co Shukulu Kalunga wendekele kuli Mosesa ngwendi, “Njikungulwile vakulunu va vanu va Isalele makumi atanu na avali vaje vanapumo mukupwa vantwama na vamyata akati ka vanu va Isalele, co ukavatwale kuli yange ku Mbalaka Mwakuliwanena ngeci vakemane amo nove kuje.

Kulava 11:16 Iomraidhean Croise

Kushangumuka 46:27

Yosefa lalo wakakitile vana vavali va vanalume mu Ingito, ngeci naanga yoshe ya Yakomba vapwile makumi atanu na avali vaje vaile ku Ingito.

Kutuuka 18:25

Waangwile vanalume vakunyanyama akati ka vaIsalele voshe. Co wavapwisile vantwama va makulukazi, na ava va viita, na ava va makumi atanu, na ava va likumi.

Kutuuka 24:1

Co Shukulu Kalunga wendekele kuli Mosesa ngwendi, “Lamata kuno ku munkinda kuli yange, yove na Alone, na Nandave, na Avihu, na vantwama va Isalele makumi atanu na avali, co simbu mucili kulyala, tsikameni nakulemesa.

Kutuuka 24:9

Co Mosesa na Alone, na Nandave na Avihu, na vantwama va Isalele makumi atanu na avali valamatele ku munkinda,

Kutuuka 4:29

Ngecivene, Mosesa na Alone vaile ku Ingito vakungulwile vantwama voshe va vaIsalele.

Njelemiya 19:1

Shukulu Kalunga wanjilekele ngwendi, “Njelemiya, ya ukalande njava ya vuma kuli muka-kushonga. Co lalo ya amolika na vakulunu vamo, na vakulunu vamo vakama va vaka-kukombelela,

Ezekiyele 8:11

Vantwama va vaIsalele makumi atanu na vavali vakele kuje, amo na Njazaniya muna Shafane. Munu na munu wakwatele cikango cakwenyekela insense, co vwisi vwa insense vwakele nakukakumuka.

Kulava 11:24

Ngecivene, Mosesa waile nakuleka vanu majwi aje endekele Shukulu Kalunga. Co wakungulwile vantwama makumi atanu na avali, wavemikile kuzengeleka Mbalaka.

Kulava 16:25

Co Mosesa wakatukile waile kuli Ndatane na Avilame, co vantwama va Isalele vamukavele.

Luka 10:1

Munima ya vyuma evi Mwene waangwile lalo vanalume veka makumi atanu na avali na vanu vavali nakuvatuma vavali vavali kulutwe lwendi, ku vinganda vyoshe na ku mitambela yoshe kuje kwashakele kuya ikeye vavenya.

Luka 10:17

Co vaje vanalume makumi atanu na avali na vanu vavali velukile lalo nakujolela kwakama. Vendekele ngwavo, “Mwene, nameme minzinzime yakujwala yatwononokele omwo twaishikile mu lizina lyove!”

Kwituluka mu Mashiko 1:15

Ngecivene, njaangwile vanalume vaka-mana na lutsimo lwaluvwa, vaje vatundile ku miyati yeni, co njavapwisile vantwama veni. Vamo vashikile vanu 1,000, vakwavo vashikile vanu 100, vakwavo vashikile vanu makumi atanu, co vamo vashikile vanu likumi lika, co lalo njangwile vamyata vakwavo va mu miyati yeni.

Kwituluka mu Mashiko 16:18

“Mukemika maako na vamyata mu membo eni oshe aje akamyana Shukulu Kalunga Njambi yeni ngwe ku miyati yeni. Vanalume ava vakasompa vanu mu vushunga.

Kwituluka mu Mashiko 31:28

Co kungululeni vakulunu va miyati yeni yoshe na vamyata veni, ngeci njivaleke vyuma evi, omwo njilisinga ngeci lilu na asi vinapu vukaleo vwange ali yeni.