Kulava 11:12 - Livulu lya Shukulu Kalunga

¹² Kesi yange njavatangele nambe kuvakita! Omwo vikajo wendekele ngwove vambate a nulo yove ngwe ndezi akambata mbututu a mavoko endi, uvatwale ku lifuti lije liwakulaesele kwana kuli vakukulwila vavo?

Kulava 11:12 Iomraidhean Croise

Kushangumuka 13:15

Lifuti lyoshe eli ulinakumona, likapwa lyove na vatekulwila vove ku myaka yoshe.

Kushangumuka 24:7

Shukulu Kalunga, Njambi wa lilu, uje wanjitundisile ku njuvo ya tate, na ku lifuti lya vavushoko vwange, ikeye walisingile nakunjikulaesa ngeci akana lifuti eli kuli vatekulwila vange. Ikeye akatuma kangelo kendi kulutwe lwove, ngeci ukase kuwana munakazi wa munange kuje.

Kushangumuka 26:3

Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama.

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

2 Vimyene 10:1

Ahave wakele na vatekulwila makumi atanu na avali vakele mu nganda ya Samaliya. Yehu wasonekele mikanda, waitumine ku Samaliya kuli vaka-kushwana va mu Njezelele, na kuli vakulunu na kuli vaje valelele vatekulwila va Ahave. Co ije mikanda waisonekele ngwendi,

2 Vimyene 10:5

Ngecivene, mwata wa ku lipela na mwata wa mu nganda na vakulunu na vaje valelele vatekulwila va mwene vatumine majwi awa kuli Yehu ngwavo, “Yetu tunapu tu vangamba vove, tukalinga vyuma vyoshe viwendeka. Oloni yetu kutwasa kwangula mwene embwe, linga mwoshe muunayongwela.”

Kutuuka 13:11

“Shukulu Kalunga akamitwala mu lifuti lya vaKanana, lije lyalisingile nakumikulaesalyo, yeni na vakukulwila veni. Omo akamyanalyo,

Kutuuka 13:5

Omwo Shukulu Kalunga akamitwala mu lifuti lya vaKanana, na vaHiti, na vaAmoli, na vaHivi, na vaNjevushi, lifuti lije lyalisingile na vakukulwila veni kumyanalyo, lifuti lije lyalivwa, nevi vyakujenekamo vyai, co mukanyunga ciwano eci a mwaka na mwaka ku ngonde yakulivanga.

Kutuuka 33:1

Shukulu Kalunga wendekele kuli Mosesa ngwendi, “Tundeni ku mwela uno, yove na vanu vove vaje watundisile mu Ingito, yeni ku lifuti lije njalisingile na Avilahama, na Isake, na Yakomba kulyana kuli vatekulwila vavo.

Kutuuka 6:8

Co njikamitwala mu lifuti lije njakulaesele kulyana kuli Avilahama, na Isake, na Yakomba, co njikalyana kuli yeni kupwa vushwana vweni. Yange njapwa Kalunga.’ ”

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 49:15

Ngecivene, Shukulu Kalunga wakumbulwile ngwendi, “Kuma munakazi kasa kwivala munendi uje ajamwa ndi? Kuma asa kuzinda munendi uje yakitile ndi? Nameme nga vaina ya munu vevala munavo, oloni yange kunjikamivala.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Ezekiyele 34:23

Asinoni njikavana kanyungi umolika, ikeye ngamba yange Ndaviti, ikeye akavanyunga, co akapwa kanyungi kavo.

Yowano 10:11

“Yange kanyungi wamuvwa, kanyungi wamuvwa ali na cizango cakutsila vimanga.

1 Kolinte 4:15

Omwo nameme muli na valongisi vakupwa 10,000, muli Yesu, oloni muli na ishweni umolika. Omwo mukuyoya kweni muli na Kilistu Yesu yange njinapu nji ishweni akuminenela Vin̄anda Vyavivwa.

Ngalatiya 4:19

Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

Kwituluka mu Mashiko 1:31

na mu mambo lalo. Co munamono muje Shukulu Kalunga Njambi yeni wamyendesele mu vungenzi vweni vwoshe kweta na ku mutambela uno, ngwe muje munu mwakalele munendi.’

1 Tesalonika 2:7

nambe ngwe miluwa va Kilistu twasele kumyana citele. Oloni twapwile tu vaka-lyovwa-ovwa omo twakele neni amo, ngwe lyovwa-ovwa lya cisemi wa munakazi omo alinakulela vana vendi vene.