Kulava 11:1 - Livulu lya Shukulu Kalunga

¹ Vanu va Isalele vashangumukile kulinyenyetela kuli Shukulu Kalunga a vukalu vwavo. Co omo Shukulu Kalunga wazivileko, waluvalele, co watumine tuhya ali vanu. Co twashukumine mukati kavo twenyekele mutambela umo wa cilombo cavo nakweta ku shongo yaco.

Kulava 11:1 Iomraidhean Croise

Kushangumuka 38:10

Ngecivene, vyuma evi vyalingile Onane vyapwile vyavivi ku mesho a Shukulu Kalunga, co Shukulu Kalunga wamutsiile lalo.

2 Samwele 11:27

Omo simbu yakulila yahwile, Ndaviti wanenele Mbateshemba mu lipela lyendi, wapwile munakazi wendi, co wakitile mwana wa munalume. Oloni Shukulu Kalunga kavwaelelele a vije vyalingile Ndaviti.

2 Vimyene 1:12

Elinja wamukumbulwile ngwendi, “Nga yange njinapu nji munu wa Njambi, mwilu mutunde tuhya twakwenyeke yove na vanu vove!” Co aje vene tuhya twa Njambi twatundile mwilu twenyekele uje mwata na vanu vendi.

Yombi 1:16

Omo kanda acimanese kwendeka, co kanganda mukwavo wezile nakuleka Yombi ngwendi, “Muhyato unatsii vimanga amo na tunyungi, kuvanga ange lika njinaputumukao ngeci njinaija nakukuleka.”

Myaso 106:18

Tuhya lalo twezile ali vakevo, co twenyekele vaka-vuvi voshe.

Myaso 78:21

Ngecivene, Shukulu Kalunga waluvalele omo wavazivile, walwisile vanu vendi na tuhya, co vukalu vwendi vwakele ali vakevo,

Myaso 78:63

Vakwenje vavatsiilile mu nzita, co vambanda kuvashombokele.

Kutuuka 16:7

Ku mutondo mukamona vumpau vwakuvyazima vwa ku mesho a Shukulu Kalunga. Ikeye nazivi kutatoka kweni kumulinakumutatwesa. Omwo vikajo mulinyengela kuli yetu! Yetu veyajo? Yetu tunapu vaka-kunyunga kushika kwendi lika.”

Kutuuka 16:9

Mosesa wendekele kuli Alone ngwendi, “Leka mbunga yoshe vaije nakwimana ku mesho a Shukulu Kalunga, omwo ikeye nazivi kulinyenga kwavo.”

Isaya 10:17

Njambi, ceke ca Isalele, akemuka tuhya. Njambi wakujela wa Isalele, akemuka mulangi wa tuhya, uje ukenyeka vyuma vyoshe a litangwa lyangongo, nameme mambimbo na mishwena.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Mbimbi 3:39

Vikajo tulinakulinyenyetela omo Shukulu Kalunga atunyanyamesa omwo vuvi vwetu simbu tucili nakuyoya?

Ezekiyele 20:36

Njikamisompa ngwe muje munjasompele vakukulwila veni mu mambo ya Sinai, mukemwo mwalinakwendeka Shukulu Kalunga wa Akamwa ya Vyoshe.

VaLevi 10:2

Aje vene Shukulu Kalunga watumine tuhya, twavenyekele nakuvatsiila kuje vene ku mesho a Shukulu Kalunga.

Nahumi 1:5

Minkinda ininganga ku mesho a Shukulu Kalunga, malundu asangunuka kulutwe lwendi. Asi aninganga omo Shukulu Kalunga asholoka, Kaye na vanu vamwo voshe valijajela.

Hambakuke 3:5

Ikeye atuma mishongo kulutwe lwendi, co ashika kutsa ngeci kumukave.

Kulava 10:33

Omo vanu va Isalele vatundile ku Sinai, munkinda wa Shukulu Kalunga, vendele matangwa atatu, co Cikasa ca Cikumiiyo ca Shukulu Kalunga cavatwamenenene kulutwe nakuvawanena mutambela wakutungila cilombo cavo.

Kulava 11:18

Co leka vanu va Isalele ngwove, ‘Lijeleseni nakulivwaesela cimweja omwo imene mukalya situ. Shukulu Kalunga nazivi kulinyenyeta kweni ngweni mushaka kulya situ ngwe omo mwakele nakuyilya ku Ingito. Ngecivene, Shukulu Kalunga akamyana situ, co mukailya vene.

Kulava 12:2

Co vendekele ngwavo, “Kuma Shukulu Kalunga wendekele muli Mosesa lika ndi? Kuma kendekele lalo na muli yetu ndi?” Co Shukulu Kalunga wazivile vije vendekele.

Kulava 14:2

Co valinyenyetelele kuli Mosesa na Alone. Asinoni mbunga yoshe vendekele ngwavo, “Tawe! Nga capwile mwamuvwa manene kutsila mu Ingito nambe ngano muno mu mambo!

Kulava 14:22

naumo wai wa ali vanu ava akamona lifuti lije. Vakevo vamwene ceke ca vumpau vwa ku mesho ange na vikomokeso vije njalingile mu Ingito na mu mambo, oloni vanjesekele visimbu likumi, co vavyanene kunjononoka.

Kulava 14:27

“Visimbu vingai ava vanu vaka-vuvi vakalinyenyetela kuli yange? Njazivi kulinyenyeta kwavo!

Kulava 14:28

Valeke ngwove, ‘Mwa vushunga njilisinga omwo yange njayoya, njikalinga kuli yeni ngwe muje mumunalombo. Yange Kalunga, njinendekamo.

Kulava 16:11

Ngecivene, yove na mbunga yove yoshe mwalikungulwile nakutengulukila Shukulu Kalunga, cooni Alone ikeye iyajo ngeci mulinyenyetele kuli ikeye?”

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Kulava 17:5

Co mulamu wa munalume uje injikaangula ukajovelela. Mu ngila eyi njikamanesa kulinyenyeta kwa vanu va Isalele kuje vakalinyenyetela kuli yeni.”

Kulava 21:5

co valinyenyetele nakutengulukila Njambi na Mosesa ngwavo, “Vikajo mwatutundisilile mu Ingito ngeci tutsile muno mu mambo? Omwo muno kumwesi vyakulya nambe mema ayi. Yetu tunenukwa na vyakulya vy acifwa cangacije!”

1 Kolinte 10:10

Nambe kutwapandele kulinyenga, ngwe muvalingile vamo vavo, co vavanyongesele kuli Kangelo wa Kutsa.

Kwituluka mu Mashiko 25:18

Vakevo kuvazivile lyova lya Njambi embwe. Vamilwisile mu ngila omo yeni mwajukile nakuzeya, co vatsiile voshe vaje vakele munima ya cendo.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.

Kwituluka mu Mashiko 9:22

“Co yeni lalo mwaluvalesele Shukulu Kalunga Njambi yeni omo mwakele ku Tambela, na ku Masa, na ku Kimbelote-Hatava.

VaHevelu 12:29

omwo Njambi yetu mwa vushunga wapwa tuhya twakunyongesa.

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!

Yunda 1:16

Vanu ava simbu yoshe vaka-kungunguta nakwana mulonga vakwavo, vakakavangeya mashungu avo amavi, vaka-kulishasha nakwendeka majwi a kulyalesa kuli vakwavo ngeci vapange vizango vyavo.