Kulava 10:9 - Livulu lya Shukulu Kalunga

⁹ Omo muli mu nzita mu lifuti lyeni, mukalyamena ku vitozi veni vaje valinakumilwisa, mukaimba malupembo kashashutwiya, co vakamyanuka kuli Shukulu Kalunga Njambi yeni, ngeci akamyamene ku vitozi veni.

Kulava 10:9 Iomraidhean Croise

Kushangumuka 8:1

Oloni Njambi wanukile Nowa na tusitu voshe na vimuna voshe vaje vakele amo nendi mu vwato, co Njambi wauwisile lihunzi asi, mema ashangumukile kuuvuluka.

2 Mizimbu 13:12

Co kengeni, Njambi vavenya ikeye wapwa ntwama yetu, na vaka-kukombelela vendi tuli navo vakevo vali na malupembo avo akwimba kashashutwiya nakutuleka ngeci tulwe neni. Yeni vanu va Isalele kesi mulwise Shukulu Kalunga Njambi ya vakukulwila veni! Kumukahyana embwe!”

2 Mizimbu 13:14

Omo vaYunda valikenukile, vamwene ngeci vanavazengeleka. Co vatambekele kuli Shukulu Kalunga ngeci avakwase, co vaka-kukombelela vembile malupembo.

Myaso 106:4

Yove Shukulu Kalunga njanuke, omo umwesa ngozi kuli vanu vove, nange lalo njanuke omo wamena vanu vove.

Myaso 106:42

Vitozi vavo vavayandesele, co vavafungulwile.

Myaso 136:23

Ikeye katwivalele omo vatufungulwile, omwo cizemo cendi cije kucesi kutenguluka cakala ku myaka yoshe.

Isaya 18:3

Tolilileni, yeni vanu voshe muli ano asi! Kengeleleni cimweso ca pandelo vaimika akamwa ya minkinda! Tolilileni lupembo lwimba!

Isaya 58:1

Shukulu Kalunga alinakwendeka ngwendi, “Tambekeni manene ngwe mumunasela! Lekeni vanu vange va Isalele a vuvi vwavo!

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Njelemiya 4:21

Visimbu vingaijo njikamona vipandelo vya vitozi, nakuziva kusika kwa malupembo?

Njelemiya 4:5

Imbeni lupembo mu lifuti mwoshe! Tambekeni manene, ngeci vamizive! Lekeni vanu va mu Yunda na vanu va mu Yelusalema vashatukile ku vinganda vya mu cimpaka.

Njelemiya 49:2

Oloni simbu ilinakwija omo njikatuma vanu va nganda yakama ya Lamba kwakumilwisa, co lifuti lyeni likapwa vingundu na membo amwo oshe akenya njwa. Co Isalele akatambula lalo lifuti lyendi kuli vaje valitambwile.

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Njelemiya 6:17

Asinoni Shukulu Kalunga wemikile vaka-kwimanena kunangula vanu vya vushonde, oloni vendekele ngwavo, “Kutukatolililako.”

Ezekiyele 7:14

Lupembo lukaimba, co vanu voshe vakalivwaesela cimweja. Oloni naumo wai lalo akaya ku nzita, omwo vukalu vwa Njambi vukawila ali vanu voshe mu cifwa cimo.

Hoziya 5:8

Imbeni malupembo a nzita mu Ngimbeya! Imbeni mwondo wa nzita mu Lama! Tambekeni mutambi wa nzita mu Mbetele! Koveleni mu nzita yeni vanalume va Mbenjemani!

VaLevi 23:24

“Leka vanu va Isalele ngwove, a litangwa lyakulivanga ku ngonde yamucitanu na vivali munapande kunyunga litangwa lyakama lyakuhwima. Co mukakunguluka amo nakulemesa omo malupembo emba.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Zefaniya 1:16

litangwa lya muyoyo wa malupembo a nzita na mutambi wa mashwalale vaje valwisa vimpaka vya vinganda na tuposhi twatulaja.

Kulava 31:6

Mosesa wavatumine ku nzita amo na muka-kushika Finehase muna Elyazale muka-kukombelela. Finehase ikeye wambatele vivala vyakujela, amo na malupembo akwimba kashashutwiya.

1 Kolinte 14:8

Co nga munu kasa kwimba mwamuvwa lupembo lwakusana, iyajo alivwaesela kulwa nzita?

Kwituluka mu Mashiko 20:1

“Omo mukaya ku nzita nakulwa na vitozi veni, mukamona, matemba avo, na tuvalu twavo, na nzita yakama kutuvakana yeni, oloni kesi mukavazivile lyova embwe, omwo Shukulu Kalunga Njambi yeni uje wamitundisile mu Ingito, ali amo neni.

Yoshwa 6:5

Asinoni vaka-kukombelela vakaimbe lupembo simbu yakama, co omo mukaziva kwoya kwa lupembo olu, co vanalume voshe vakatambeke manene mutambi wa nzita, co civumbe ca nganda cikalundumuka. Co lishwalale na lishwalale akakovelele mu nganda aje anashungama.”

Maako 10:12

na vaSindone, na vaAmaleke, na vaMowavi, vamiyandesele kunima, co mwalililile kuli yange. Kuma kunjamyamenene kuli vakevo ndi?

Maako 10:8

Vayandesele nakupangesa vaIsalele voshe myaka likumi na itanu na itatu vaje vakele mu lifuti lya vaAmoli, mu ngangela musambwa ya Ndonga ya Yondau mu Ngilyande.

Maako 2:18

Oshe aje Shukulu Kalunga aana vaIsalele lyaako, co Shukulu Kalunga wakele amo na lyaako, nakuvamena ku mavoko a vitozi vavo kutwala ku matangwa oshe akuyoya kwa uje lyaako. Shukulu Kalunga wavazivilile mema ku mbunge omo vakele nakukemanga ku mesho a vaje vavapakesele nakuvayandesa.

Maako 3:27

Omo wetele mu lifuti lya malundu lya Efalime, co wembile lupembo mukusana vanu va Isalele mukulwa nzita, asinoni ikeye wavatwamenenene nakushelumuka kutunda ku lifuti lya malundu.

Maako 6:34

Co Munzinzime wa Shukulu Kalunga wezile ali Ngilyone, co Ngilyone wembile lupembo mukusana vanalume va ku cikota ca Aviyezele ngeci vamukave.

Maako 6:9

Yange njamyamenene kuli vaka-Ingito na kuli voshe vaje vamilwisile mu lifuti lino. Co njavashekele ngwe omo yeni mwakele nakuya kulutwe nakumyana lifuti lyavo.

1 Samwele 10:18

co wendekele kuli vakevo ngwendi, “Shukulu Kalunga, Njambi ya Isalele, nendeka ngwendi, ‘Yange njamitundisile ku Ingito, njamipatwile kuli vaka-Ingito na kuli vanu voshe vaje vakele nakumiyandesa.