Kulava 10:33 - Livulu lya Shukulu Kalunga

³³ Omo vanu va Isalele vatundile ku Sinai, munkinda wa Shukulu Kalunga, vendele matangwa atatu, co Cikasa ca Cikumiiyo ca Shukulu Kalunga cavatwamenenene kulutwe nakuvawanena mutambela wakutungila cilombo cavo.

Kulava 10:33 Iomraidhean Croise

Myaso 95:11

Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo.’ ”

Kutuuka 19:3

Co Mosesa walamatele a munkinda nakuliwana na Njambi. Shukulu Kalunga wamusanene oku ali a munkinda wamulekele akendeke kuli vaIsalele, vatekulwila va Yakomba ngwendi,

Kutuuka 3:1

Omo Mosesa wakele nakunyunga vutanga vwa ishemweno Yetolo muka-kukombelela wa ku Mindyani, watwalele vutanga kuje kwasikisilile mambo, co wetele ku Sinai munkinda wa Njambi.

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Isaya 28:12

Namihwimisa muvavoshe nakumyana kwoloka, oloni yeni mwavyanene kumutolilila.

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Njelemiya 3:16

Asinoni omo munapu muvavangi mu lifuti, co vanu kuvakendeka vya Cikasa ca Cikumiiyo cange. Kuvakaciyongola lalo nambe kucanuka, kuvakacishaka lalo nambe kulinga lalo ceka.

Njelemiya 31:2

Njamwesele mema ku mbunge mu mambo kuli vanu vaje vaputumukile ku kutsa. Omo vanu va Isalele vashakele kuhwima,

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Ezekiyele 20:6

Njavakulaesele kuvatundisa mu Ingito nakuvatwamenena ku lifuti lije njavaangwilile, lifuti lya vufuko na vwilo, lifuti lyalivwa manene kutuvakana mafuti oshe.

Kulava 10:12

co vanu va Isalele vashangumukile vungenzi vwavo vwakutunda mu mambo ya Sinai. Co lishelwa lyemanene mu mambo ya Palane.

Kwituluka mu Mashiko 1:33

uje simbu yoshe watwamene kulutwe lweni nakumiwanena mutambela wakutungila cilombo cendi, nakumisholwela ngila. Co ikeye watwamene kulutwe lweni mu manda ya tuhya ku vutsiki, na mu manda ya lishelwa ku mutanya.

Kwituluka mu Mashiko 31:26

“Ambateni livulu eli lya mashiko a Njambi, co lyakeni kumukulo wa Cikasa ca Cikumiiyo ca Shukulu Kalunga Njambi yeni, ngeci likale kuje kupwa vukaleo ali vanu vendi.

Kwituluka mu Mashiko 9:9

Co omo njalamatele ku munkinda nakutambula vije vitale vya mamanya, vitale vya cikumiiyo cije walikumiiye Shukulu Kalunga, njakele kuje ku munkinda makumi awana a matangwa mutanya na vutsiki, co kunjalile vyakulya nambe kunwa mema.

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

Yoshwa 4:7

Co mukavaleka ngweni, ‘Mema a mu Yondau alikelele kwita omo Cikasa ca Cikumiiyo ca Shukulu Kalunga cajavukile Ndonga ya Yondau. Co mamanya awa anapu canukiso ca ku myaka yoshe ca vanu va Isalele a vyuma vije vyalingiwile kuno.’ ”

Maako 20:27

Co vaIsalele vehwile cihula kuli Shukulu Kalunga, omwo Cikasa ca Cikumiiyo ca Njambi cakele kuje ku Mbetele mu matangwa aje,

1 Samwele 4:3

Omo mashwalale vaje vasaleleo ku nzita velukile ku cilombo, co vantwama va Isalele vendekele ngwavo, “Omwo vikajo Shukulu Kalunga natwecelela ngeci vaFilisitiya vatufungulule ku litangwa lya lelo? Tuyeni tukashake Cikasa ca Cikumiiyo ca Shukulu Kalunga ku Shilo, ngecivene, akuye netu amo, co akatwamene ku vitozi vetu.”