Kulava 10:29 - Livulu lya Shukulu Kalunga

²⁹ Asinoni Mosesa wendekele kuli nyali yendi Hovave muna Yetolo kaMindyani ngwendi, “Ololo tulinakushangumuka kuya ku mutambela uje watumbwile Shukulu Kalunga ngwendi akatwanawo. Omwo ikeye wakulaesele vanu va Isalele ngeci vakakale mwamuvwa, ngecivene, tuye mumo nove, co yetu tukakulinga mwamuvwa.”

Kulava 10:29 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Kushangumuka 13:15

Lifuti lyoshe eli ulinakumona, likapwa lyove na vatekulwila vove ku myaka yoshe.

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 17:8

Njikakwana yove na vatekulwila vove lifuti eli muunatumbama ololo kupwa mungenzi. Lifuti lyoshe lya Kanana likapwa lya vatekulwila vove ku myaka yoshe, co yange njikapwa Njambi yavo.”

Kushangumuka 32:12

Anuka ngeci yove wendekele ngwove, ‘Mwa vushunga njikakuvezikisa nakutumisa vatekulwila vove ngeci naumo wai akasa kuvalava. Vakapwa vavangi manene ngwe lishen̄avu.’ ”

Myaso 100:1

Imbileni Shukulu Kalunga nakujolela, yeni vanu voshe muli ano asi!

Myaso 34:8

Kengeni mumone ngeci Shukulu Kalunga wapwa wamuvwa! Navezika munu uje atewela muli ikeye.

Myaso 95:1

Ijeni tushangazale Shukulu Kalunga! Twimbeni nakujolela kuli Njambi uje muka-kutunyunga!

Kutuuka 18:1

Yetolo ishemweno ya Mosesa, wapwile muka-kukombelela wa ku Mindyani, wazivile vyuma vyoshe vije Njambi vyalingile kuli Mosesa na kuli vanu va Isalele omo wavatundisile mu Ingito.

Kutuuka 18:12

Asinoni Yetolo ishemweno ya Mosesa walambwile mulambu wa kwenyeka woshe wamutunu kuli Njambi amo na vin̄ombelo vikwavo. Asinoni Alone na vantwama voshe va Isalele valile amo nendi vyakulya vyakujela ku mesho a Njambi.

Kutuuka 18:27

Asinoni Mosesa walisalesele na ishemweno Yetolo, co Yetolo welukile kwimbo lyavo.

Kutuuka 2:18

Omo velukile kwimbo, co ishavo wavehwile ngwendi, “Omwo vikajo muneluka vwasi litangwa lya lelo?”

Kutuuka 2:21

Ngecivene, Mosesa watavele kukala na Yetolo, co Yetolo wamwanene munendi wa munakazi Zipola ngeci amwambate.

Kutuuka 3:1

Omo Mosesa wakele nakunyunga vutanga vwa ishemweno Yetolo muka-kukombelela wa ku Mindyani, watwalele vutanga kuje kwasikisilile mambo, co wetele ku Sinai munkinda wa Njambi.

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kutuuka 6:4

Co lalo njalikumiiye navo cikumiiyo cange, njavakulaesele kuvana lifuti lya Kanana, mu lifuti muje muvakele omo vapwile vangenzi.

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Njelemiya 50:5

Vakehula ngila yakuya ku Siyone, co vakaya ku mutambela uje vene. Vakalikumiiya nange cikumiiyo ca ku myaka yoshe, co kucikapokoka.

Kulava 10:28

Omu mukemwo muwafwile mangenzi a vanu va Isalele mu vimbunga vyavo, omo vakatukile nakuya.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Vilinga vya Miluwa 7:5

Oloni Njambi te kanda aane Avilahama mutambela umo wa lifuti ngeci lipwe lyendi embwe, nambe kamutambela kakandondo ka livu, oloni Njambi wamukulaesele kumwanalyo ngeci lipwe lyendi na vatekulwila vendi. A simbu ije Njambi walikumiiye cikumiiyo eci, nameme Avilahama te kanda akale na vana.

Kwituluka mu Mashiko 30:5

ngecivene, mukatambule lifuti lije muvakele vakukulwila veni laja. Co akamivezikisa, mukafuka, co mukapwe muvavangi kutuvakana vakukulwila veni.

Kwituluka mu Mashiko 4:40

Ngecivene, ononokeni mashiko endi oshe aje anjinamyana ku litangwa lya lelo, ngeci mukamone vyavivwa, yeni na vatekulwila veni. Co mukakala simbu yoshe mu lifuti lije lyakamyana Shukulu Kalunga Njambi yeni kupwa vushwana vweni ku myaka yoshe.”

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

Maako 1:16

Vatekulwila va ishemweno ya Mosesa, wa kaKeni, valamatele na vanu va Yunda kutunda ku Yeliko, nganda ya mashakavale, nakweta mu lifuti lya mambo mu mbwela ku Alande mu Yunda. Co kuje vakatungile mukati ka vaAmaleke.

Maako 4:11

Co Hevele wa ku muyati wa vaKeni washimbikile mbalaka yendi muyehi na Kendeshe, kuyehi na muti wa Oke ku Zananime. Ikeye walyangunukile na vakwavo vaKeni, va ka naanga ya Hombambi, nyali ya Mosesa.

1 Samwele 15:6

Saulu wanangwile vaKeni, vaje vakukulwila vavo vakele na ngozi na vaIsalele omo vatundile ku Ingito ngwendi, “Teweni museze vaAmaleke, omwo kunjishaka kumitsiya amolika navo.” Ngecivene, vaKeni vatewele.