Kulava 10:10 - Livulu lya Shukulu Kalunga

¹⁰ Co a litangwa lyakujolela a Viwano vyeni vya Kutenama kwa Ngonde na a viwano vikwavo vya vunjambi ku simbu ije ivemika, mukaimba malupembo omo mwana milambu yeni ya kwenyeka na milambu yeni ya kulitombola, eci cikapwa canukiso ceni ku mesho a Njambi yeni. Yange Njapwa Kalunga Njambi yeni.”

Kulava 10:10 Iomraidhean Croise

2 Vimyene 4:23

Co munalume wendi wamwihwile ngwendi, “Omwo vikajo ushaka kuya lelo? Lelo kesi Litangwa Lyakuhwima nambe lya Ciwano ca Kutenama Ngonde.” Co munakazi wamukumbulwile ngwendi, “Kukwesi mulonga.”

1 Mizimbu 15:24

Co vaka-kukombelela, Shembaniya, na Njosifate, na Netanela, na Amasai, na Zekaliya, na Mbenaya, na Elyazale, vavaangwile kupwa vaka-kwimba malupembo kulutwe lwa Cikasa ca Cikumiiyo.

1 Mizimbu 15:28

Ngecivene, vaIsalele voshe vatwalele Cikasa ca Cikumiiyo ku Yelusalema na tuwelele twakuvwaelela, nakwoya kwa malupembo, na vimbinga, na vingenjo, na myaso ya a tulyalya.

1 Mizimbu 16:42

Hemane, na Njendutune lalo vakele na moko ya malupembo, na vingenjo, na vyakwimbisa vikwavo vije vakele nakwimba omo vembile myaso yakulemesa. Co vanu vaka-cikota ca Njendutune vakele na moko yakunyunga ku vikolo.

2 Mizimbu 29:26

vaLevi vemanene na visanzi ngwe vije vyapangesele Mwene Ndaviti. Co vaka-kukombelela lalo vemanene kuje na malupembo.

2 Mizimbu 29:28

Vanu voshe vakungulukilile kuje vakele amo nakulemesa, co vaka-kwimba vakele nakwimba visanzi noo vin̄ombelo vya kwenyeka vyahwile.

2 Mizimbu 7:6

Co vaka-kukombelela vemanene mu myela ije ivavaanene, vemanene nakukenga kuli vaLevi, co vashangazalele Shukulu Kalunga na vyakwimbisa vije vyapangele Mwene Ndaviti, vembile mwaso ngwavo, “Cizemo cendi cije kucesi kutenguluka!” Ngwe muje mwavalekele Ndaviti. Co vaka-kukombelela vembile malupembo omo vanu voshe vemanene.

Ezela 3:10

Omo vaka-kutunga vashangumukile kwinda luvula lwa Njuvo ya Shukulu Kalunga, vaka-kukombelela vazalele vikoveyo vyavo vyavilaja vemanene mu mitambela yavo oku vanakwata malupembo mu mavoko avo, co na vaLevi va ku cikota ca Asafe vemanene oku vanakwata vingenjo. Vashangazalele Shukulu Kalunga ngwe ku vilongesa vije vivavaanene tunde ku simbu ya Mwene Ndaviti.

Nehemiya 12:35

Co wakwatako wapwile, Zekaliya, muna Yonatana mutekulu wa Shemaya. (Vakukulwila vendi lalo vapwile Mataniya, na Mikaya, na Zakule, wa ku cikota ca Asafe.)

Myaso 150:3

Mushangazaleni na malupembo! Mushangazaleni na tulyalya na visanzi!

Myaso 81:3

Imbeni lupembo omo ngonde itenama, nameme omo ili mukati, na a litangwa lya viwano vyetu.

Myaso 81:4

Eli likelyo lishiko mu Isalele, oku kukekwo kushika kwakutunda kuli Njambi ya Yakomba.

Myaso 89:15

Yove Shukulu Kalunga, vanavezika vanu vaje vakulemesa na myaso, vanu vaje venda mu ceke cove!

Kutuuka 28:29

“Omo Alone akovela ku Mwela Wakujela, co akazala aka kananga ka a nulo kakutaleka mazina a miyati ya Isalele, ngeci yange Kalunga njikanuke vanu vange visimbu vyoshe.

Kutuuka 30:16

Ukatambula vimbongo vyakwambesa kuli vanu va Isalele, co ukavipangesa mukuvwaesa ku vipangi vya Mbalaka Mwakuliwanena. Co vimbongo evi vikapwe vyakwambesa myonyo yavo, co yange nalumo lwai njikevala vanu vange.”

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

VaLevi 23:24

“Leka vanu va Isalele ngwove, a litangwa lyakulivanga ku ngonde yamucitanu na vivali munapande kunyunga litangwa lyakama lyakuhwima. Co mukakunguluka amo nakulemesa omo malupembo emba.

Kulava 10:9

Omo muli mu nzita mu lifuti lyeni, mukalyamena ku vitozi veni vaje valinakumilwisa, mukaimba malupembo kashashutwiya, co vakamyanuka kuli Shukulu Kalunga Njambi yeni, ngeci akamyamene ku vitozi veni.

Kulava 28:11

“Lambuleni milambu ya kwenyeka kuli Shukulu Kalunga akushangumuka kwa ngonde, vana va vingombe vavali va nkomba, na lijamba lya manga umo, na majamba a vana va vimanga vatanu na vavali va mwaka umolika, voshe vakujeneka kapenga.

Kulava 29:1

“A litangwa lyakulivanga ku ngonde yamucitanu na vivali mukakala na cikungulukilo cakujela, co kesi mukapange. Likelyo litangwa limukaimba malupembo

Mateo 11:28

“Ijeni kuli yange, yeni voshe munajuka nakwambata vyakulema, co njikamihwimisa.

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

1 Kolinte 15:52

vwasi-vwasi, ngwe kukapula kwa lisho, omo lupembo lwakukotoka lukaimba. Omo lupembo lukaimba, co vatsi vakasanguka, kuvakatsi lalo, co yetu voshe tukemuka.

1 Tesalonika 4:16

Kukakala mutambi wa lijwi lyakama lyakushika, lijwi lya kangelo wakama, nakwoya kwa lupembo lwa Njambi, co Mwene ikeye vavenya akashuluka kutunda mwilu. Co vaje vatsile mukukulaela kuli Kilistu vakasangukila ku mwonyo akulivanga,

1 Tesalonika 4:18

Ngecivene, litakameseni umo na mukwavo na majwi awa.

Yoshwa 4:7

Co mukavaleka ngweni, ‘Mema a mu Yondau alikelele kwita omo Cikasa ca Cikumiiyo ca Shukulu Kalunga cajavukile Ndonga ya Yondau. Co mamanya awa anapu canukiso ca ku myaka yoshe ca vanu va Isalele a vyuma vije vyalingiwile kuno.’ ”

Yoshwa 6:4

Co vaka-kukombelela vatanu na vavali vakambata malupembo a vimbinga vya majamba a vimanga atanu na avali, vakatwame kulutwe lwa Cikasa ca Cikumiiyo. Co a litangwa lyamucitanu na avali yove na mashwalale vove mukazenguluka nganda visimbu vitanu na vivali oku vaka-kukombelela valinakwimba malupembo.

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

1 Samwele 20:5

Ndaviti wamukumbulwile ngwendi, “Imene kuli Ciwano ca Kutenama kwa Ngonde, njinapandele kukalya na mwene. Oloni nga utava, co njikaya nakuvanda mu shwata noo indele cingwezi.