Kulava 10:1 - Livulu lya Shukulu Kalunga

¹ Shukulu Kalunga wendekele kuli Mosesa ngwendi,

Kulava 10:1 Iomraidhean Croise

Kushangumuka 42:13

Vakevo vendekele ngwavo, “Yetu vangamba vove twapwile mu vundolome vwetu likumi na vavali. Tuvavoshe tu vana va munu umo mu lifuti lya Kanana. Ndolome yetu umo watsa, co mutinikila wetu nasala na tate.”

Kushangumuka 46:15

Ava vakevo vana va vanalume vakitile Leya kuli Yakomba ku Mesopotamya, amo na munendi wa munakazi Ndaina. Voshe vatekulwila vendi kuli Leya vapwile makumi atatu na vatatu.

2 Samwele 6:15

Ngecivene, Ndaviti na vaIsalele voshe vatwalele Cikasa ca Cikumiiyo ku Yelusalema, vatwile tuwelele twakuvwaelela nakwimba malupembo.

2 Vimyene 11:14

Co wamwene mwene wamuhwa nemana ku manda ku cikolo ca Njuvo ya Shukulu Kalunga, ngwe ku futisi yavo. Vamyata na vaka-kwimba malupembo vamuzengelekele, co vanu voshe vatambekele nakujolela nakwimba malupembo. Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Mizimbu 23:13

Co wamwene mwene wamuhwa nemana ku manda ya vumwene ku cikolo ca Njuvo ya Shukulu Kalunga, ngwe ku futisi yavo, co vamyata va mbunga ya mashwalale na vaka-kwimba malupembo vamuzengelekele. Co vanu voshe vatambekele nakujolela nakwimba malupembo, vaka-kwimba va mu Njuvo ya Shukulu Kalunga na vyakwimbisa vyavo vatwamenenene ciwano. Co Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Mizimbu 5:12

Co vaLevi voshe vaje vapwile vaka-kwimba, Asafe, na Hemane, na Njendutune, na vanu va ku vikota vyavo, vazalele vuzalo vwa linyu. Co vaLevi vemanene ku mutambela wa mu ngangela kuyehi na mutula vakwatele vingenjo, na tulyalya, amo na vaka-kukombelela vakupwa 120 vaje vakele nakwimba malupembo.

2 Mizimbu 7:6

Co vaka-kukombelela vemanene mu myela ije ivavaanene, vemanene nakukenga kuli vaLevi, co vashangazalele Shukulu Kalunga na vyakwimbisa vije vyapangele Mwene Ndaviti, vembile mwaso ngwavo, “Cizemo cendi cije kucesi kutenguluka!” Ngwe muje mwavalekele Ndaviti. Co vaka-kukombelela vembile malupembo omo vanu voshe vemanene.

Ezela 3:10

Omo vaka-kutunga vashangumukile kwinda luvula lwa Njuvo ya Shukulu Kalunga, vaka-kukombelela vazalele vikoveyo vyavo vyavilaja vemanene mu mitambela yavo oku vanakwata malupembo mu mavoko avo, co na vaLevi va ku cikota ca Asafe vemanene oku vanakwata vingenjo. Vashangazalele Shukulu Kalunga ngwe ku vilongesa vije vivavaanene tunde ku simbu ya Mwene Ndaviti.

Myaso 47:5

Njambi aya ku litanda lyendi lya vumwene! Kuli mitambi yakujolela nakwimba malupembo, omo Shukulu Kalunga alamata kwilu!

Myaso 81:3

Imbeni lupembo omo ngonde itenama, nameme omo ili mukati, na a litangwa lya viwano vyetu.

Myaso 98:6

Imbeni malupembo na vimbinga, co tambekeni nakujolela kuli Shukulu Kalunga, mwene yetu.

Kulava 1:52

Co vanu va Isalele vakashimbike vimbalaka vyavo, munu na munu na mbunga yendi, mwisi ya pandelo yendi.

Kulava 10:2

“Fula malupembo avali akupameyeya na siliva akewo akusanesa mbunga amolika nakujalwisa cilombo.

Kulava 29:1

“A litangwa lyakulivanga ku ngonde yamucitanu na vivali mukakala na cikungulukilo cakujela, co kesi mukapange. Likelyo litangwa limukaimba malupembo

Kulava 7:2

Asinoni vantwama, vaje vapwile va miyati ya Isalele, vakevo vanu vamolika vaje vakele na moko ya vaje vavalavele,

Kulava 9:23

Omo Shukulu Kalunga avashika, co vatumbamene mu cilombo, co omo Shukulu Kalunga avashika lalo, co vajalukilemo, co vononokele lishiko lije lyashikile Shukulu Kalunga kuli Mosesa.

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Yoshwa 6:4

Co vaka-kukombelela vatanu na vavali vakambata malupembo a vimbinga vya majamba a vimanga atanu na avali, vakatwame kulutwe lwa Cikasa ca Cikumiiyo. Co a litangwa lyamucitanu na avali yove na mashwalale vove mukazenguluka nganda visimbu vitanu na vivali oku vaka-kukombelela valinakwimba malupembo.

Kujombolola 8:2

Asinoni njamwene tungelo vaje vatanu na vavali vaka-kwimana ku mesho a Njambi, co vavaanene malupembo atanu na avali.

Maako 7:20

Co vimbunga vije vitanu vakwatele mitetango mu mavoko avo a ku cimoshwe na malupembo mu mavoko avo a ku cilyo, co vatambekele ngwavo, “Mukwale wa Shukulu Kalunga nou wa Ngilyone!”