Kulava 1:53 - Livulu lya Shukulu Kalunga

⁵³ Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.”

Kulava 1:53 Iomraidhean Croise

1 Mizimbu 23:32

Co vaLevi lalo vavaanene moko yakunyunga Mbalaka Mwakuliwanena na Njuvo ya Shukulu Kalunga, nakukwasa vavushoko vwavo vaka-kukombelela vakutunda kuli Alone, mu Njuvo ya Shukulu Kalunga a simbu yakulemesa.

2 Mizimbu 13:10

“Oloni yetu anga tucili nakupangela Shukulu Kalunga Njambi yetu, kutwamusezele. Vaka-kukombelela va ku naanga ya Alone vakapanga vipangi vyavo, co vaLevi vakavakwasako.

2 Mizimbu 13:11

A mutondo a mutondo na a cingwezi na cingwezi vakamukombelelela insense na vimuna vakwenyeka voshe vamutunu. Co vakana vin̄ombelo vya makende vakawaaka a mesa yakujela, co ku cingwezi na cingwezi vakashwameka vindeya a vitumbikilo vya vindeya vya ngolinde. Co tukalingi vije vyanatushiki Shukulu Kalunga, oloni yeni munamuseza.

Njelemiya 23:15

“Ngecivene, evi vikevyo vinjendeka yange Kalunga Muka-nzili yoshe ali vaka-kwimanena va mu Yelusalema. Njikavalisa vimena vyakulula, nakuvanwisa mwaze omwo vanashandola vuvi mu lifuti mwoshe.”

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

VaLevi 10:6

Asinoni Mosesa wendekele kuli Alone, na kuli vana vendi, Elyazale, na Itamale ngwendi, “Kesi mulikele kusakula vin̄ambu vyeni, co lalo kesi mutavule vuzalo vweni mukumwesa ngeci mulinakulila embwe. Nga yeni mulingamo, co mukatsa, Shukulu Kalunga akaluvala na mbunga yoshe. Oloni vavushoko vweni vaIsalele voshe vanavatavesa kulila a kutsa oku kunalingiwa na tuhya tuje Shukulu Kalunga watumine.

Kulava 1:50

Oloni vaLevi vapwe vaka-kunyunga lika ku Mbalaka Mwakuliwanena na vivala vyamwo vyoshe. Vakevo vakayambata na vivala vyayo, nakuyinyunga, co vakashimbike vimbalaka vyavo kuzengeleka Mbalaka Mwakuliwanena.

Kulava 1:54

Ngecivene, vanu va Isalele valingile vyuma vyoshe vije vyashikile Shukulu Kalunga kuli Mosesa.

Kulava 16:46

Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.”

Kulava 16:9

Kuma munayongola ngweni cinapu cuma cacindondo, omo Njambi ya Isalele namyangununa mu mbunga ya Isalele, ngeci yeni mwase kushwenya kuli ikeye nakupanga vipangi mu Mbalaka Mwakuliwanena nakwimana ku mesho a mbunga nakuvapangela ndi?

Kulava 17:7

Asinoni Mosesa watulikile milamu yoshe mu Mbalaka Mwakuliwanena kulutwe lwa Cikasa ca Cikumiiyo.

Kulava 2:17

“Asinoni vaLevi vakakatuka nakwambata Mbalaka Mwakuliwanena, co vakenda mukati ka vimbunga vivali vyakulivanga na vimbunga vivali vyakumanesela. Co mbunga na mbunga vakenda amo, ngwe muje muvakashimbikila vimbalaka vyavo, co mbunga imo na imo ikakala mwisi ya pandelo yavo.

Kulava 3:23

Cikota ca Ngeleshone vashimbikile cilombo cavo kunima ya Mbalaka mu kangombe ka yambi.

Kulava 3:29

Cikota ca Kohate vatungilile cilombo cavo mu mbwela ya Mbalaka Mwakuliwanena,

Kulava 3:35

Co cikota ca Melali vatungilile cilombo cavo ku kunto ya Mbalaka Mwakuliwanena, co Zulyele muna Avihele wapwile mukulunu wa cikota ca Melali.

Kulava 3:38

Mosesa na Alone na vana vendi vatungilile cilombo cavo kulutwe lwa Mbalaka mu ngangela. Co vakevo vakele na moko yakupanga vipangi vya mu Mwela Wakujela mukwimanenako vanu va Isalele. Munu weka woshe ashwenya kuyehi vapandele kumutsiya.

Kulava 31:30

Co ku litambelo lyasala kuli vije munaana kuli vanu va Isalele, ku makumi atanu ambateniko cinzinda umo, na ku vingombe, na ku vimulu, na ku vimanga, na ku vimembe. Co vyaneni kuli vaLevi vaje vaka-kunyunga Mbalaka ya Shukulu Kalunga.”

Kulava 31:47

Co ku makumi atanu Mosesa wambateleko cinzinda umo, na ku vimuna, ngwe muje mwashikile Shukulu Kalunga, co wavyanene kuli vaLevi vaje vakele nakunyunga Mbalaka ya Shukulu Kalunga.

Kulava 8:19

Ngecivene, njinaana vaLevi kuli Alone na vana vendi kupwa vwana, akati ka vanu va Isalele nakupanga vipangi mu Mbalaka Mwakuliwanena na mukwambesa vanu va Isalele ngeci kesi kukale mushongo wakulitambwisa akati kavo, omo vanu vashwenya kuyehi na Mwela Wakujela.”

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

1 Samwele 6:19

Co Shukulu Kalunga watsiile vanalume makumi atanu na avali va ku Mbete Shemeshe omwo vashumbilile mu Cikasa ca Cikumiiyo. Co vanu valilile omwo Shukulu Kalunga wanenele kutsa kwangacije akati kavo.