Kulava 1:3 - Livulu lya Shukulu Kalunga

³ vaje vali na myaka makumi avali nambe kutuvakana, vaje vasa kuya ku nzita.

Kulava 1:3 Iomraidhean Croise

2 Samwele 24:9

Vambulwile kuli mwene vungi vwa vanalume voshe vaje vapandele kupwa mashwalale mu Isalele, vapwile 800,000, co mu Yunda vapwile 500,000.

1 Mizimbu 5:18

Ku miyati ya Luvena, na Ngande, na litambelo lya Manase wa mu ngangela kwakele mashwalale vakupwa 44,760 vakusimpa, vaje vambatele vintelo, na mikwale, na mata a lusipa.

2 Mizimbu 25:5

Mwene Amaziya wakungulwile vanalume voshe va muyati wa Yunda na Mbenjemani, wavaangunwine mu vimbunga vya vushwalale, ngwe ku vikota vyavo, co waakele vamyata ngeci vashike vimbunga vya vanalume vakupwa 1,000, na vimbunga vikwavo vya vanalume vakupwa 100. Eci capwile kupandakanako vanalume voshe vaje vakele na myaka makumi avali nambe kutuvakana, voshe vapwile 300,000. Vapwile mashwalale vakwanguka, vaje valivwaeselele cimweja kulwa nzita, vazivukile kulwisa makunga na vintelo.

Kutuuka 12:17

Nyungeni Ciwano ca Makende Akujeneka Musima omwo a litangwa eli likelyo njatundisile miyati yeni mu Ingito. Eci cikapwa canukiso mu visemwa vyeni vyoshe vya kulutwe.

Kutuuka 30:14

Munu woshe uje valava mukusonekesa oku, woshe uje ali na myaka makumi avali nambe kutuvakana, napande kulambula kuli yange Kalunga.

Kutuuka 38:26

Seteko eyi yapwile ngwe seteko ya vanu vaje valisonekesele, munu na munu wafwetele ngwe muje vasetekele ku vulemu vwa vimbongo vije vishakiwa ku Mbalaka yakujela. Co vapwile vanalume 603,550 vaje vakele na myaka makumi avali nambe kutuvakana vakevo valisonekesele.

Kulava 14:29

Mukatsa, co mivila yeni ikalala muno mu mambo, omwo munalinyenyetela kuli yange, naumo wai uje natuvakana myaka makumi avali akakovela mu lifuti lije.

Kulava 26:2

“Laveni mbunga yoshe ya vanu va Isalele, kushangumukila kuli vaje vali na myaka makumi avali nambe kutuvakana, vaje vasa kupwa mashwalale mu Isalele.”

Kulava 3:15

kulava vikota na naanga ya Levi, kulava vanalume voshe vaje vali na ngonde imo nambe kutuvakana.

Kulava 32:11

‘Mwa vushunga, omwo vanu ava kuvanjononokele na vimbunge vyavo vyoshe, naumo wai wa ali vakevo, uje ali na myaka makumi avali nambe kutuvakana, vaje vatundile mu Ingito, akakovele mu lifuti lije linjakulaesele Avilahama, na Isake, na Yakomba.

Kulava 33:1

Ovu vukevwo vungenzi vwa vanu va Isalele na mazina a mitambela kuje kuvatungilile vilombo vyavo omo vatundile mu Ingito ngwe ku miyati yavo, a simbu ije vavatwamenene kuli Mosesa na Alone.

Kulava 4:3

Laveni vanalume voshe, vaje vali na myaka makumi atatu nakweta kuli vaje vali na myaka makumi atanu, vaje vasa kupanga mu Mbalaka Mwakuliwanena.

Kwituluka mu Mashiko 24:5

“Omo mukwenje nambata munakazi wendi ololo, kesi aye ku nzita embwe nambe ku vipangi vyeka vya mbunga. Vamwane lisesa mwaka woshe wamutunu, ngeci akale embo nakuvwaelela amo na munakazi wendi.

Kwituluka mu Mashiko 3:18

“Co a simbu ije vene, njavanene mashiko awa ngwange, ‘Shukulu Kalunga Njambi yetu namyana lifuti eli lya mu ngangela ku Ndonga ya Yondau ngeci lipwe lyeni. Ololo vanalume voshe vaje vasa kuya ku nzita vajavuke Ndonga ya Yondau, vaye kulutwe ku miyati ya vavushoko vweni vaIsalele, mukavakwase kutambula lifuti lyavo ngeci vakakalemo.