Kujombolola 9:5 - Livulu lya Shukulu Kalunga

⁵ Vaje vimbimba mikumbi kuvavatavesele kutsiya vanu ava embwe, oloni kuvayandesa lika vingonde vitanu. Co kuvavala kwakuyandesa kwavo kunapu ngwe munu nashumuwa ku linyewe.

Kujombolola 9:5 Iomraidhean Croise

2 Mizimbu 10:11

Valeke lalo ngwove, ‘Tate wamitwikile vitele vyakulema, oloni yange njikamilemuwisa manene. Tate wamipupisile civanzi, oloni yange njikamipupisa civanzi ca mambimbo!’ ”

2 Mizimbu 10:14

ngwe muje muvamunangwile vaje vakwenje. Wendekele ngwendi, “Tate wamitwikile vitele vyakulema, yange njikamilemuwisa manene. Tate wamipupisile civanzi, oloni yange njikamipupisa civanzi ca mambimbo!”

Yombi 2:6

Ngecivene, Shukulu Kalunga walekele Satana ngwendi, “Kenga, ololo ali mu mavoko ove, oloni kesi umutsiye embwe.”

Ezekiyele 2:6

“Oloni yove, muna munu, kuwapandele kuvazivila lyova nambe kuziva lyova lya vije vendeka. Vakevo vakakuleulula nakukuyeluwisa, cikapwa ngwe ulinakukala akati ka manyewe. Nameme ngoco, kesi ukazive lyova lya vaje vaka-kunjitengulukila nambe kuziva lyova lya vije vendeka.

Ndanyele 7:6

Omo njakengele, njamwene cikashama mukwavo lalo wafwile ngwe ingwe, oloni a mwongo wendi akele mambava awana ngwe a kazila, co lalo wakele na mitwe iwana. Co vamwanene moko yakushwana.

Yowano 19:11

Yesu wakumbulwile ngwendi, “Yove uli na moko ali yange omwo Njambi nakwanayo. Ngecivene, munalume ou nanjinena kuli yove ali na mulonga wa vuvi vwakutuvakana.”

Kujombolola 11:7

Omo vanamanesa kwambulula lijwi lyavo, cikashama uje akatuuka muje mu mbulu ije kuyesi naa masima akalwa nzita navo. Akavahyana nakuvatsiya,

Kujombolola 13:5

Co uje cikashama vamutavesele kwendeka vyuma vyakushaula Njambi, co vamwanene moko ya vingonde makumi awana na vingonde vivali.

Kujombolola 13:7

Co lalo vamutavesele kulwa nzita na vanu va Njambi nakuvafungulula, co lalo vamwanene moko a miyati yoshe ya vanu na vindaka vyoshe na mafuti oshe.

Kujombolola 9:10

Vakevo vali na mikila na mambimbo akufwa ngwe aje a manyewe, co na mikila yavo vali na nzili yakuvulumuna nayo vanu a vingonde vitanu.

Kujombolola 9:3

Vimbimba mikumbi vatuukile muje mu vwisi nakushandokela ano asi, co vavaanene nzili ngwe manyewe.