Kujombolola 8:8 - Livulu lya Shukulu Kalunga

⁸ Asinoni kangelo wamucivali wembile lupembo lwendi. Cuma cimo cakulifwa ngwe munkinda wakama ulinakwenya vacumbilile mu mema a kalunga. Co litambelo lyamucitatu lya mema a kalunga lyemukile maninga,

Kujombolola 8:8 Iomraidhean Croise

Njelemiya 51:25

Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Ezekiyele 14:9

“Nga muka-kwimanena akumbulula vya makuli, yange Kalunga njinamulingisa ngeci akumbulule vya makuli. Co njikamutundisa ku vanu va Isalele.

Amose 7:4

Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti.

Zakaliya 13:8

co mu lifuti mwoshe matambelo avali ku matambelo atatu a vanu vakatsa.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Mako 11:23

Mwa vushunga njimileka ngwange woshe uje akendeka ku lilundu eli ngwendi katuka ulyumbile mu mema a kalunga, co kalingi vimata mu mbunge yendi, oloni akulaela lika ngeci vije alinakwendeka vikalingiwa, vakamulingilavyo.

Kujombolola 11:6

Vali na moko yakuvindika mashelwa ngeci nyonzi kesi inyoke simbu vacili nakwambulula lijwi lya Njambi. Vali lalo na moko a mema a tuvwelu-vwelu, kuwatengulula ngeci apwe maninga, vali lalo na moko yakuviisa kaye na miyati yoshe ya tuyando mwoshe-imwoshe muje muvashaka kulinga.

Kujombolola 12:4

Wakokele mutambela wamucitatu wa vingongonosi na mukila wendi kuvitundisa ku mashelwa nakuvyumbila ano asi. Canza-ngombe wemanene kulutwe lwa uje munakazi washakele kukita, ngeci alye uje mwanike omo asemuka.

Kujombolola 8:7

Kangelo wakulivanga wembile lupembo lwendi, co kwanyokele nyonzi ya mamanya na tuhya, vyakukumbasana na maninga vyetikilile asi, co litambelo lyamucitatu lya asi lyenyele njwa na litambelo lyamucitatu lya mwila woshe wakuzivuluka lyenyele njwa.

Kujombolola 9:15

Ngecivene, vaje tungelo vawana vavazitwile, vanavavwaesela cimweja ku simbu ino ya litangwa lino lya ngonde ino ku mwaka uno mukutsiya litambelo lyamucitatu lya vanu voshe.

Kujombolola 9:18

Co litambelo lyamucitatu lya vanu vavatsiile na tuyando tuje tutatu, tuhya na vwisi na sulufa vije vyatuukile mu tunwa twa vaje tuvalu.