Kujombolola 8:7 - Livulu lya Shukulu Kalunga

⁷ Kangelo wakulivanga wembile lupembo lwendi, co kwanyokele nyonzi ya mamanya na tuhya, vyakukumbasana na maninga vyetikilile asi, co litambelo lyamucitatu lya asi lyenyele njwa na litambelo lyamucitatu lya mwila woshe wakuzivuluka lyenyele njwa.

Kujombolola 8:7 Iomraidhean Croise

Myaso 105:32

Njambi watumine nyonzi ya mamanya na mihyato ije yakele nakuhyahyata mu lifuti lyavo.

Kutuuka 9:33

Asinoni Mosesa wasezele mwene, watuukile mu nganda, wajundwile mavoko endi mukulombela kuli Shukulu Kalunga. Co cililimo, na nyonzi ya mamanya, vyoshe vyalikelele, co nyonzi kuyanyokele.

Isaya 28:2

Shukulu Kalunga ali na munu uje muka-nzili manene nakutakama nalivwaesela cimweja kuvalwisa, uje akaija ngwe nyonzi ya mamanya, ngwe nyonzi ya lihunzi lyakama, ngwe mema a livazi lya muta wakama, aje ashulisa lifuti lyoshe.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 30:30

Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Isaya 32:19

Nameme nyonzi ya mamanya ikawisa miti mu shwata na vinganda vikasiwuka.

Ezekiyele 38:22

Njikahisa Ngonge na mushongo wakulitambwisa na kutsa. Co njikanyokesa nyonzi ya mingole na nyonzi ya mamanya, amolika na tuhya na sulufa, co aketikila ali ikeye na a mashwalale vendi, na a miyati yaingi vaje vali ku mutambela wendi.

Njwele 2:30

“Njikalinga vikomokeso mwilu na ano asi, kukakala kwitila maninga, tuhya, na mashelwa a vwisi.

Yakomba 1:11

Omo litangwa lituuka na misha yalyo ya ntwima nakujujwamesa mwila, co vishani vyakwo vitotomoka na vuvwa vwavyo vunyonga. Ngecivene, mu cifwa cimo vene muka-kufuka akanyonga omwo acitwalelelao mu vilinga vyendi.

Yoshwa 10:11

Omo vaAmoli vatewele kushelumukila mu ngila ya Mbete Holone kutunda ku nzita ya vaIsalele, co Shukulu Kalunga wavanyokeselele nyonzi yakama ya mamanya a ngila yoshe nakweta ku Azeka. Vavangi vatsile ku nyonzi ya mamanya kutuvakana vaje vavatsiile vaIsalele.

1 Petulu 1:24

Ngwe muvyendeka visoneka ngwavyo, “Vanu voshe vanapu ngwe mwila, co vumpau vwavo vwoshe vunapu ngwe vishani. Mwila ujujwama na vishani vitotomoka,

Kujombolola 12:4

Wakokele mutambela wamucitatu wa vingongonosi na mukila wendi kuvitundisa ku mashelwa nakuvyumbila ano asi. Canza-ngombe wemanene kulutwe lwa uje munakazi washakele kukita, ngeci alye uje mwanike omo asemuka.

Kujombolola 16:2

Ngecivene, kangelo wakulivanga waile wetilile lilonga lyendi asi. Co vimbandu vyakukomokesa vyakuvavala manene vyasholokele ali vaje vakele na cizivukiso ca uje cikashama na ali vaje valemesele kamponya kendi.

Kujombolola 16:21

Nyonzi yakama ya mamanya yanyokele, limanya limo na limo akulipeselesa lyapwile ngwe makilo makumi atanu, atundile mwilu nakuwila a vanu, vaje vashawile Njambi omwo tuyando twa nyonzi ya mamanya, omwo kayando kaje kapwile kakukomokesa manene.

Kujombolola 6:8

Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.

Kujombolola 7:1

Munima yevi njamwene tungelo vawana vemanene ku vimbango viwana vya ano asi, vemikile lihunzi mu vimbango viwana ngeci kesi lihuwe asi, nambe a mema a kalunga, nambe ku muti woshe-iwoshe.

Kujombolola 9:15

Ngecivene, vaje tungelo vawana vavazitwile, vanavavwaesela cimweja ku simbu ino ya litangwa lino lya ngonde ino ku mwaka uno mukutsiya litambelo lyamucitatu lya vanu voshe.

Kujombolola 9:18

Co litambelo lyamucitatu lya vanu vavatsiile na tuyando tuje tutatu, tuhya na vwisi na sulufa vije vyatuukile mu tunwa twa vaje tuvalu.

Kujombolola 9:4

Vavashikile ngeci kesi vaviise mwila nambe miti nambe cuma cimo cakumena, vanapande kuvulumuna lika vanu vaje kuvesi na cizivukiso ca kasateso ka Njambi a maholo avo.