Kujombolola 7:9 - Livulu lya Shukulu Kalunga

⁹ Munima yevi njakengele, co njamwene mbunga yakama, naumo wai wasele kulava vanu voshe vaje! Vatundile ku miyati yoshe na ku mafuti oshe na ku vanu voshe na ku vindaka vyoshe, co vemanene kulutwe lwa litanda na kulutwe lwa Muna Manga, vazalele vuzalo vwakutoka, co vakwatele minango ya mashakavale mu mavoko avo.

Kujombolola 7:9 Iomraidhean Croise

Kushangumuka 13:16

Njikakwana vatekulwila vavangi vaje naumo wai akasa kuvalava, kuvanga kuli uje asa kulava vinona vyoshe vya livu lya ano asi!

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Myaso 2:8

Njilombe, co njikakwana miyati yoshe kupwa vushwana vwove, co kaye koshe kakapwa vufuko vwove.

Myaso 22:27

Miyati yoshe vakanuka Shukulu Kalunga, mitambela yoshe ya mu kaye vakatengulukila kuli ikeye, co vanu voshe vakamulemesa.

Myaso 76:4

Vumpau vwove vwapwa vwakukomokesa yove Njambi! Yove uwakama, omo utunda ku minkinda kuje kuwafungulwile vitozi vove!

Myaso 77:2

A simbu ya n̄avava njilomba kuli Shukulu Kalunga, vutsiki njijundula mavoko ange nakulombela, oloni kunjalizembelekele.

Myaso 98:3

Co lalo nasholola vushunga vwendi ku miyati, nanuka cizemo cendi cije kucesi kutenguluka, na kulongwa kwendi ku vanu va Isalele, kwamena kwa Njambi yetu vanacimono ano asi oshe.

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Ezekiyele 47:5

Wasetekele mamita akwavo 500, co uje muna ndonga wapwile wa kulova manene, kunjasele kwova. Yapwile yakulova manene kuyijavuka kuvanga kulapa.

Ndanyele 4:1

Mwene Nevukaneza watumine lijwi kuli vanu va ku mafuti oshe na miyati yoshe ya vanu na kuli vanu vaka-kwendeka mu vindaka vyoshe mu kaye mwoshe ngwendi, “Ciindu ceni muvavoshe.

Ndanyele 6:25

Asinoni Mwene Ndalyuse wasonekelele vanu va ka mafuti oshe na miyati yoshe ya vanu na vanu vaka-kwendeka mu vindaka vyoshe va ano asi ngwendi, “Ciindu kuli yeni voshe!

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

VaLevi 23:40

A litangwa lije lyakulivanga mukavuya vushuka vwavuvwa vwa ku miti yeni, co mukambata mashakavale, na minango ya miti ije ili na maputa, co mukashangumuka ciwano ca vunjambi mukusingimika Shukulu Kalunga Njambi yeni.

Zakaliya 10:8

“Njikasana vanu vange nakuvakungulwila amolika. Njikavapatula, co njikavapwisa vavangi ngwe muvapwile laja.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Luka 12:1

Vanu vavangi-vangi vakungulukilile amo, co valilyatangelele, Yesu wendekele akulivanga kuli vandongisi vendi ngwendi, “Nyanyameni ku musima wa vaFaliseo, njilumbununa a civembulu cavo.

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Yowano 12:13

Ngecivene, vatetele minango ya mashakavale vaile nakuliwana nendi, vatambekele ngwavo, “Shangazaleni Njambi! Njambi amuvezikise ou aija mu lizina lya Mwene! Njambi avezikise Mwene ya Isalele!”

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Efeso 6:13

Ngecivene, zaleni vitwa vya Njambi ololo! Co omo litangwa lyalivi liketa, mukase kwimana nakulwisa uje citozi akamilwisa, co omo munalu nakweta ku shongo, mukasa kwimana mbe.

VaHevelu 11:12

Nambe ikeye wakuluvalele manene kuyehi na kutsa, kuli munalume ou umo, kwasemunwininine vatekulwila ngwe vingononosi vya mwilu naumo wai asa kuvilava ngwe vinona vya lishen̄avu lya ku ngenge ya mema a kalunga.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 22:3

Kumukakala lalo cuma cakusinga mu nganda ije embwe. Litanda lya Njambi na lya Muna Manga likakala muje mu nganda, co vangamba vendi vakamulemesa.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.

Kujombolola 5:11

Njakengele lalo, co njazivile tungelo vavangi-vangi mameme! Vemanene nakuzengeleka litanda, na vaje vikashama vawana akuyoya, na vakulunu,

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.

Kujombolola 6:11

Co umo na umo wavo vamwanene cikoveyo cakutoka, vavalekele ngeci vahwime kasimbu lika nakututumwisa, noo nambala yoshe ya vavushoko vwavo na vasamba vavo vanavatsii ngwe muvavatsiile vakevo.

Kujombolola 7:8

co mu naanga ya Zembuloni vaje vavaakele cizivukiso vapwile 12,000, co mu naanga ya Yosefa vaje vavaakele cizivukiso vapwile 12,000, co mu naanga ya Mbenjemani vaje vavaakele cizivukiso vapwile 12,000.