Kujombolola 7:3 - Livulu lya Shukulu Kalunga

³ Co kangelo wendekele ngwendi, “Kesi uviise asi, nambe mema a kalunga, nambe miti, noo tunaka cizivukiso ca kasateso ka Njambi yetu a maholo a vangamba vendi.”

Kujombolola 7:3 Iomraidhean Croise

Kutuuka 12:13

Maninga aa vipamba anapu cizivukiso ca cimweso mu vinjuvo evi mulinakukala. Omo njikamonao maninga, co njikamijomboka, kunjikamivulumuna omo njikahisa vaka-Ingito.

Kutuuka 12:23

Omo Shukulu Kalunga akaita mu Ingito nakutsiya vaka-Ingito, co ikeye akamona maninga a cipamba ca cikolo ca njuvo, co kakatavesa uje Kangelo Muka-kutsiya kukovela mu vinjuvo vyeni nakumitsiya.

Isaya 27:8

Shukulu Kalunga wahisile vanu vendi akuvatuma ku vunzinda. Wavashekele na lihunzi lyakushaluka lya mu ngangela.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Isaya 65:8

Shukulu Kalunga alinakwendeka ngwendi, “Kesi munyongese mikolovozi ya vushuka vwa vinyu, vasa kulingako vinyu. Nambe kunjikanyongesa vanu vange voshe, njikaamena vaje valinakunjipangela.

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Ezekiyele 9:6

Tsiyeni vakulunu, na vakwenje, na vambanda, na vainavo, na vana. Oloni kesi mukwate uje ali na cizivukiso a luholo lwendi. Shangumukileni vene kuno ku Njuvo yange.” Ngecivene, vashangumukilile kuli vantwama vaje vemanene ku Njuvo ya Shukulu Kalunga.

Ndanyele 3:17

Nga Njambi ou itwapangela asa kutwamena mu litende lya tuhya na ku nzili yove, co asa vene.

Ndanyele 3:26

Ngecivene, Nevukaneza waile ku cikolo ca litende lya tuhya, wasanene ngwendi, “Shandelaki! Meshake! Ambendenengo! Vasamba va Njambi wa Akamwa ya Akamwa! Tuukenimo!” Co aje vene vatuukilemo.

Ndanyele 6:16

Ngecivene, mwene washikile ngeci vakatwale Ndanyele nakumumbila mu mbulu ya vindumba. Co wendekele kuli Ndanyele ngwendi, “Njambi yove, uje iwapangela simbu yoshe na kulongwa, akwamene.”

Zefaniya 2:3

Ilukeni kuli Shukulu Kalunga yeni voshe vaka-kulilumbilisa va mu lifuti, vaje valinakwononoka mashiko endi. Lingeni vije vya vushunga, co lilumbiliseni ku mesho a Shukulu Kalunga. Amo mukaputumuka ku cihiso a litangwa lije omo Shukulu Kalunga akasholola vukalu vwendi.

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 3:33

Oloni woshe atambula muzimbu wendi amwesa ngeci Njambi wapwa muka-vushunga.

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

Kujombolola 13:16

Uje cikashama wasindiiye vanu voshe, vavandondo na ava vakama, vaka-kufuka na tuutu, ndungo na vaka-kupatuka, kukala na cizivukiso cakwaka ku mavoko avo a cilyo na a maholo avo.

Kujombolola 13:17

Naumo wai asa kulanda nambe kulandulula kwakujeneka eci cizivukiso, cikeco lizina lya uje cikashama nambe nambala ije inemanena lizina lyendi.

Kujombolola 14:1

Asinoni njakengele, co kuje kwakele Muna Manga wemanene a Munkinda wa Siyone, wemanene na vanu vakupwa 144,000 vaje vavasonekele lizina lyendi na lizina lya Ishe a maholo avo.

Kujombolola 14:9

Co kangelo wamucitatu wakavele uje wamucivali, wendekele na lijwi lyakama ngwendi, “Woshe uje alemesa cikashama na kamponya kendi nakutambula cizivukiso nakucaka ku luholo lwendi nambe ku livoko lyendi,

Kujombolola 19:2

Kusompa kwendi kwapwa kwakuvwa na vushunga! Nahisa cikwizi wakama uje waviisile kaye na vupangala vwendi. Njambi namunyanyamesa omwo watsiile vangamba vendi.”

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 22:4

Vakamona cihanga cendi, co lizina lyendi vakalisoneka a maholo avo.

Kujombolola 6:6

Co njazivile lijwi litunda mukati ka vaje vikashama vawana vakuyoya ngwalyo, “Lita ya tiliku inapu ngwe fweto ya litangwa lyoshe lyamutunu, co lalo malita atatu a mbale ya maumwa anapu fweto ya litangwa lyoshe lyamutunu. Oloni kesi uviise mazi a olive na mikolovozi ya vushuka vya vinyu!”

Kujombolola 7:1

Munima yevi njamwene tungelo vawana vemanene ku vimbango viwana vya ano asi, vemikile lihunzi mu vimbango viwana ngeci kesi lihuwe asi, nambe a mema a kalunga, nambe ku muti woshe-iwoshe.

Kujombolola 7:2

Co njamwene kangelo mukwavo atundilila mu ngangela na kasateso ka Njambi wakuyoya. Watambekele na lijwi lyakama kuli vaje tungelo vawana vaje Njambi waanene nzili yakuviisa asi na mema a kalunga.

Kujombolola 9:4

Vavashikile ngeci kesi vaviise mwila nambe miti nambe cuma cimo cakumena, vanapande kuvulumuna lika vanu vaje kuvesi na cizivukiso ca kasateso ka Njambi a maholo avo.