Kujombolola 7:2 - Livulu lya Shukulu Kalunga

² Co njamwene kangelo mukwavo atundilila mu ngangela na kasateso ka Njambi wakuyoya. Watambekele na lijwi lyakama kuli vaje tungelo vawana vaje Njambi waanene nzili yakuviisa asi na mema a kalunga.

Kujombolola 7:2 Iomraidhean Croise

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Myaso ya Solomoni 8:6

Njake mu mbunge yove ngwe cimweso, ngwe cimweso ca ku livoko lyove. Omwo cizemo cakala na nzili ngwe kutsa, lifuwa lyakala na muuka ngwe vukalo vwa vatsi. Vukalu vwaco vwapwa ngwe milangi ya tuhya twakama.

Isaya 41:2

“Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

2 Kolinte 1:22

uje naka cizivukiso cendi ali yetu, ngeci atufuke, uje natwana Munzinzime Wakujela mu vimbunge vyetu ngwe cishimbikiya ca vyoshe vije vyanatutulikila.

Efeso 1:13

Ngecivene, neni lalo mwapwile mu vanu va Njambi omo mwazivile lijwi lya vushunga, Vin̄anda Vyavivwa vije vyaminenele kwovoka. Mwakulaelele muli Kilistu, co Njambi namyaka cizivukiso cakupwa muvendi akumyana Munzinzime Wakujela uje yamikulaesele.

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

Kwituluka mu Mashiko 5:26

Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye?

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 1:3

Kuvwaelela kuli uje alinakulava eli livulu, co lalo kuvwaelela kuli vaje vatolilila ku majwi a muzimbu wa vuka-kwimanena nakwononoka vije vivanasoneka mu livulu eli! Omwo simbu ili muyehi omo vyoshe evi vikalingiwa.

Kujombolola 10:1

Asinoni njamwene lalo kangelo mukwavo wa nzili washulukile kutunda mwilu. Wazalele lishelwa na nkongolo yazengelekele mutwe wendi, co cihanga cendi cafwile ngwe litangwa na myanja yendi yafwile ngwe vimanda vya tuhya.

Kujombolola 10:4

Vwasi-vwasi omo vikeyo vyendekele, aje vene njashakele kusoneka, oloni njazivile lijwi lyendeka kutunda mwilu ngwalyo, “Nyunga mu mbunge yove lika vije viinendeka evi vililimo vitanu na vivali, kesi uvisoneke!”

Kujombolola 16:12

Asinoni kangelo wamucitanu na umo wetilile lilonga lyendi a Ndonga yakama ya Yufuleti. Co ije ndonga yomine cau, mukwana ngila kuli vimyene vaje vatundilila mu ngangela.

Kujombolola 5:2

Co njamwene kangelo wa nzili uje wambulwile nakutambeka na lijwi lyakama ngwendi, “Iyajo nafwila kuvatula otu tusateso nakufukula eli livulu?”

Kujombolola 8:3

Co kangelo mukwavo, uje wakele na lilonga lyakwenyekela insense, wezile nakwimana ku mutula. Vamwanene insense yaingi ngeci awezeleleko ku malombelo a vanu va Njambi voshe nakuwalambula a mutula wa ngolinde uje unemana kulutwe lwa litanda.

Kujombolola 9:14

Co lijwi lyendekele kuli uje kangelo wamucitanu na umo ngwalyo, “Zitula tungelo vawana vaje vavanakutu ku Ndonga yakama ya Yufuleti!”

Kujombolola 9:4

Vavashikile ngeci kesi vaviise mwila nambe miti nambe cuma cimo cakumena, vanapande kuvulumuna lika vanu vaje kuvesi na cizivukiso ca kasateso ka Njambi a maholo avo.

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.