Kujombolola 7:16 - Livulu lya Shukulu Kalunga

¹⁶ Vakevo kuvakazivi lalo njala nambe lihwila, co lalo litangwa nambe lihunzi lya ntwima kulikavenyeka embwe,

Kujombolola 7:16 Iomraidhean Croise

Myaso 121:5

Shukulu Kalunga ikeye muka-kukunyunga, ali kuyehi nove mukukunyunga.

Myaso 121:6

Litangwa kulikakwenyeka ku simbu ya mutanya, na ngonde lalo kuyikakuvulumuna ku simbu ya vutsiki.

Myaso 143:6

Njolwela mavoko ange kuli yove mukulombela, omwo mwonyo wange ukuzivila lihwila, ngwe lifuti lyakuminina livandamena nyonzi.

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 63:1

Yove Njambi, yove unapu u Njambi yange, njikulemesa, mbunge yange ishakezeka yove, yange njikushakezeka ngwe munjikashakezeka mema mu mambo.

Myaso ya Solomoni 1:6

Kesi munjikenge omo njapwa njiwakuzivala, omwo litangwa lyazivalesa cikonde cange, vandolome vange valuvalele nange, co vanjipangesele mu citungu ca mikolovozi ya vushuka vwa vinyu. Co kunjakele na simbu yakulivwaesa.

Isaya 25:4

Tuutu na vaka-kujeneka vatewelele kuli yove, co vanakala mwamuvwa a simbu ya tuyando. Wavanene mwakuvandela lihunzi, na munzinze ngeci vavande ntwima ya litanya. Vaka-muuka vakalu ngwe lihunzi lya cisika,

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Yona 4:8

Co omo litangwa lyatuukile, Njambi watumine lihunzi lya mu ngangela lyakushaluka. Ngecivene, Yona washakele kulezumuka ku ntwima ya litanya lije lyamutwililile mu mutwe wendi. Co walombelele ngeci atse kutuvakana kuyoya.

Mateo 13:21

Oloni kulyesi na mizi muli vakevo yai, co likala kasimbu kakandondo lika. Co omo tuyando twija nambe mapakeso omwo lijwi, co aje vene valikela.

Mateo 13:6

Oloni omo litangwa lyatuukile nakutwa litanya, co vije vimbuto vyajujwamene, omwo mizi yavyo kuyakovelele manene mu livu, co vije vimbuto vyomine vwasi cau.

Mateo 5:6

“Vanavezika vaje vaka-kuziva njala na lihwila vya vushunga, omwo Njambi akavakutisa!

Mako 4:17

Co kulyesi na mizi muli vakevo, co kuvasa kwishwala embwe. Ngecivene, omo tuyando nambe mapakeso vija omwo lijwi, aje vene veluka munima.

Mako 4:6

Co omo litangwa lyatuukile, nakutwa litanya, co vije vimbuto vyajujwamene, omwo mizi yavyo kuyakovelele manene mu livu, co vije vimbuto vyomine vwasi cau.

Luka 1:53

Nakutisa vaje vali na njala na vyuma vyavivwa, co vaka-kufuka navasheke mavoko-voko.

Luka 6:21

“Mwavezika yeni muli na njala ololo, omwo mukakuta! “Mwavezika yeni mulinakulila ololo, omwo mukajolela!

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yakomba 1:11

Omo litangwa lituuka na misha yalyo ya ntwima nakujujwamesa mwila, co vishani vyakwo vitotomoka na vuvwa vwavyo vunyonga. Ngecivene, mu cifwa cimo vene muka-kufuka akanyonga omwo acitwalelelao mu vilinga vyendi.

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”