Kujombolola 7:11 - Livulu lya Shukulu Kalunga

¹¹ Co tungelo voshe vemanene kuzengeleka litanda na vakulunu na vaje vikashama vawana vakuyoya. Co valyumbilile asi kulutwe lya litanda na vihanga vyavo vyakwatele mu livulu, co valemesele Njambi,

Kujombolola 7:11 Iomraidhean Croise

Myaso 45:11

Vuvwa vwove vukavwaelelesa mwene ngeci akuzeme, ikeye napu shukulu yove, ngecivene, unapande kumwononoka.

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

VaHevelu 1:6

Oloni omo Njambi wakele kuyehi nakutuma Munendi wa ntwatwa mu kaye, co wendekele ngwendi, “Tungelo voshe va Njambi vanapande kumulemesa.”

Kujombolola 11:16

Asinoni vaje vakulunu makumi avali na vawana vaje vanatumbama a matanda avo ku mesho a Njambi valyumbilile asi na vihanga vyavo vyakwatele mu livu, co valemesele Njambi,

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”

Kujombolola 22:9

Oloni ikeye wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni vaka-kwimanena na voshe vaje vononoka majwi a mu livulu eli. Lemesa Njambi!”

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.

Kujombolola 4:6

Co lalo kulutwe lwa litanda lije kwakele mema a kalunga akulifwa ngwe kalikengelo kakutungukwa ngwe kilisitale. Co ku mutambela umo na umo wa litanda, kwazengelekele vikashama vawana vakuyoya vakele na mesho kulutwe na kunima.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”