Kujombolola 6:8 - Livulu lya Shukulu Kalunga

⁸ Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.

Kujombolola 6:8 Iomraidhean Croise

Visimo 5:5

Nga umukava, akakushelumwisa kwisi ku vukalo vwa vatsi, ngila yakende ikeyo ngila itwala ku kutsa.

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 16:16

Shukulu Kalunga alinakwendeka ngwendi, “Njikatuma vaka-kuta visi vavangi kwija nakukwata vanu ava. Asina lalo njikatuma viyambi vavangi mukuyomba vanu ava mu minkinda na a malundu, na mu manzenzengoma, na mukati ka mamanya.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 24:10

Njikatuma nzita, na njala ya lyangengela, na mushongo ali vakevo ngeci naumo wai akasalao mu lifuti lije linjanene kuli vakevo na kuli vakukulwila vavo.”

Njelemiya 29:17

Shukulu Kalunga Muka-nzili yoshe alinakwendeka ngwendi, ‘Njilinakunena nzita, na njala ya lyangengela, na mishongo ali vakevo, co njikavapwisa ngwe vushuka vwa mikuyu vuje vwavuvi manene kuvuvwaa kuvulya.

Njelemiya 43:11

Nevukaneza akaija nakufungulula Ingito. Co vanu vaje vanavindama kutsa ku mushongo, vakatsa ku mushongo vene, co vaje vanavindama kuvatwala ku vunzinda, vakavatwala vene ku vunzinda, co vaje vanavindama kuvatsiila mu nzita, vakavatsiila vene mu nzita.

Ezekiyele 29:5

Njikakumbila mu mambo amolika na visi va mu ndonga. Muvila wove ukalala asi kuvakakutsindi. Njikana muvila wove ku tuzila na tusitu kupwa vyakulya vyavo.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Hambakuke 2:5

Vufuko vukakwisa. Vanu vaka-linyanyamena vapwa vaka-kulyalesa, co kuvesi kujuka, ngwe kutsa nakwo kukwesi kujuka. Omu mukemwo vakafungulula muyati na muyati wa vanu.

Zakaliya 6:3

lyamucitatu valikokele tuvalu vakutoka, co lyamuciwana valikokele tuvalu vakuvenguluka.

Mateo 11:23

Co nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi! Omwo vizivukiso vije vyalingiwile muli yove, nga vyalingiwile mu Sondoma, nga nganda ije anga kuyicili nakweta kulelo lino.

Mateo 24:7

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala njala ya lyangengela, na mandunduma ku mitambela yakuliseza-seza.

1 Kolinte 15:55

“Ove Kutsa, kuhyana kwove cilikulijo? Ove Kutsa, nzili yove yakuvulumuna ilikulijo?”

Kujombolola 1:18

Yange muka-kuyoya! Njatsile, oloni kenga, njilinakuyoya ku myaka yoshe. Njili na moko yakutuvakana kutsa na vukalo vwa vatsi.

Kujombolola 12:4

Wakokele mutambela wamucitatu wa vingongonosi na mukila wendi kuvitundisa ku mashelwa nakuvyumbila ano asi. Canza-ngombe wemanene kulutwe lwa uje munakazi washakele kukita, ngeci alye uje mwanike omo asemuka.

Kujombolola 9:15

Ngecivene, vaje tungelo vawana vavazitwile, vanavavwaesela cimweja ku simbu ino ya litangwa lino lya ngonde ino ku mwaka uno mukutsiya litambelo lyamucitatu lya vanu voshe.

Kujombolola 9:18

Co litambelo lyamucitatu lya vanu vavatsiile na tuyando tuje tutatu, tuhya na vwisi na sulufa vije vyatuukile mu tunwa twa vaje tuvalu.