Kujombolola 6:12 - Livulu lya Shukulu Kalunga

¹² Co njamwene Muna Manga avatula kasateso kamucitanu na kamo. Co kenga, kwakele mandunduma akama manene, litangwa lyazivalele ngwe cikeleya cakuzivala na ngonde yemukile lalo yakuvenga ngwe maninga.

Kujombolola 6:12 Iomraidhean Croise

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 34:4

Litangwa, na ngonde, na vingongonosi vikanyongolokota. Lilu vakalizenga ngwe livulu, co vingongonosi vikawa ngwe maputa atotomoka ku mukolovozi wa vushuka vwa vinyu nambe ku muti wa mukuyu.

Isaya 50:3

Njasa kutengulula lilu kupwa lyakuzivala, ngwe vikeleya vije mukazala, omo mulila vatsi.”

Njwele 2:10

Asi oshe aninganga omo valinakwija, co lilu lijaja. Litangwa na ngonde vizivala vwii, na vingongonosi kuvitu ceke.

Njwele 3:15

Litangwa na ngonde vikazivala, co vingongonosi kuvikatu ceke lalo.

Amose 1:1

Awa akewo majwi a Amose, kanyungi ku limbo lya Tekowa. Njambi washolwele vyuma vyoshe evi kuli Amose ali Isalele a myaka ivali simbu kanda lifuti lijaje, omo Uziya wapwile mwene wa mu Yunda, co Yelovowame muna Yehowashe wapwile mwene wa mu Isalele.

Amose 8:9

Simbu ikaija omo litangwa likazivala akati ka mutwe, co njikatengulula mutanya kuupwisa lisusulungu. Yange Kalunga wa Akamwa ya Vyoshe, njinendekamo.

Zakaliya 14:5

Co yeni mukatewela mu cimbongo eci caangununa munkinda mu mitambela ivali. Mukatewa ngwe muvatewele vakukulwila veni omo lifuti lyajajele a simbu ya Mwene Uziya wa mu Yunda. Shukulu Kalunga Njambi yange akaija, akaija amo na tungelo twendi vakujela.

Mateo 11:21

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vazalele vikeleya nakulikwita lito kumwesa ngeci vanatenguluka ku vivi vyavo!

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Mateo 24:7

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala njala ya lyangengela, na mandunduma ku mitambela yakuliseza-seza.

Mateo 27:45

Kushangumuka akati ka mutwe, kwakele lisusulungu mu lifuti lyoshe, a maola atatu.

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Mateo 28:2

Vwasi-vwasi kwakele mandunduma, omwo kangelo ka mwene washulukile mwilu, watundisile limanya, co watumbameneo.

Mako 15:33

Co omo litangwa lyakele akati ka mutwe, kwakele lisusulungu mu lifuti lyoshe a maola atatu.

Kujombolola 11:13

Co a simbu ije vene kwakele mandunduma akama, mutambela wamulikumi wa nganda wasiwukile, co vanu vakupwa 7,000 vatsile, vaje vasaleleo vazivile manene lyova, co vashangazalele vukama vwa Njambi wa mwilu.

Kujombolola 16:18

Co kwakele mihyato na cililimo na mikalateto na mandunduma akama a kaye. Kukwakele mandunduma akama ngwe awa anga vatangelele munu ano asi, awa akewo apwile mandunduma akama manene kutuvakana oshe!

Kujombolola 16:8

Asinoni kangelo wamuciwana wetilile lilonga lyendi a litangwa, co valitavesele ngeci lyenyeke vanu na ntwima ya tuhya twalyo.

Kujombolola 8:12

Asinoni kangelo wamuciwana wembile lupembo lwendi. Co litambelo lyamucitatu lya litangwa valipupile na litambelo lyamucitatu lya ngonde na litambelo lyamucitatu lya vingongonosi, ngeci ceke cavyo cizimbalese litambelo lyamucitatu lyakuvyazima kwaco, co kukwakele ceke a simbu ya litambelo lyamucitatu lya mutanya na litambelo lyamucitatu lya vutsiki.

Kujombolola 8:5

Asinoni kangelo wanonele lilonga lyakwenyekela insense, walishulile na tuhya twakutunda ku mutula, co walyumbilile asi. Co kwakele mikalateto na cililimo cakama na milangi ya mihyato na mandunduma akama.