Kujombolola 5:9 - Livulu lya Shukulu Kalunga

⁹ Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.

Kujombolola 5:9 Iomraidhean Croise

Myaso 144:9

Njikaimba mwaso wauha kuli yove Njambi, njikaimba kalyalya nakukwimbila mwaso.

Myaso 149:1

Shangazaleni Shukulu Kalunga! Imbeni mwaso wauha kuli Shukulu Kalunga, mushangazaleni mu cikungulukilo ca vanu vendi va kulongwa!

Myaso 33:3

Mwimbileni mwaso wauha, imbeni kalyalya na vutongwe, nakutambeka nakujolela!

Myaso 40:3

Wanjilongesele kwimba mwaso wauha, mwaso wakushangazala Njambi yetu. Vavangi vakamona eci, co vakaziva lyova, co vakakulaela kuli Shukulu Kalunga.

Myaso 96:1

Imbileni Shukulu Kalunga mwaso wauha! Imbileni Shukulu Kalunga yeni vaka-kaye voshe!

Myaso 98:1

Imbileni Shukulu Kalunga mwaso wauha, nalingi vyuma vyakukomokesa! Mu nzili yendi nahyana vyoshe.

Isaya 42:10

Imbileni Shukulu Kalunga mwaso wauha, kaye koshe kaimbe nakumushangazala! Mushangazaleni, yeni vaka-kwenda a mema a kalunga, mushangazaleni, yeni vikashama vyoshe vya mu mema a kalunga! Mafuti aje alikulyala, na voshe vaje valimo, vaimbe.

Ndanyele 3:4

Co katumwa ka mwene watambekele manene ngwendi, “Yeni vanu munatundu ku mafuti oshe, co lalo mukendeka mu vindaka vyakuliseza-seza!

Ndanyele 4:1

Mwene Nevukaneza watumine lijwi kuli vanu va ku mafuti oshe na miyati yoshe ya vanu na kuli vanu vaka-kwendeka mu vindaka vyoshe mu kaye mwoshe ngwendi, “Ciindu ceni muvavoshe.

Ndanyele 5:19

Ikeye wapwile wakama manene ngeci vanu va mafuti oshe na miyati yoshe ya vanu na vaka-kwendeka mu vindaka vyeka vamutewele nakumuzivila lyova. Nga ashaka kutsiya munu, aje vene asa kumutsiya, nga ashaka kwamena munu, co aje vene asa kumwamena. Ikeye wasele kusingimika munu nambe kumupopolola.

Ndanyele 6:25

Asinoni Mwene Ndalyuse wasonekelele vanu va ka mafuti oshe na miyati yoshe ya vanu na vanu vaka-kwendeka mu vindaka vyoshe va ano asi ngwendi, “Ciindu kuli yeni voshe!

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 26:28

omwo vinyu evi vinapu maninga ange aje anakolesa cikumiiyo ca Njambi, akwitikila ali vanu vavangi mukuvasambesa ku milonga yavo.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

1 Kolinte 6:20

Omwo wamilandele na ndando. Ngecivene, shangazaleni Njambi mu mivila yeni.

1 Kolinte 7:23

Njambi namilanda na ndando yakama, ngecivene, kesi mupwe mu vindungo va vanu.

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

Efeso 5:19

Endekeni kuli umo na mukwavo na majwi a myaso na myaso ya ku san̄ulu na myaso yakujela, imbeni myaso kuli Mwene nakushangazala mu vimbunge vyeni.

Kolose 1:14

muli ikeye vanatupatula, kukekwo, kusambesa kwa vivi vyetu.

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 11:14

Ava vendeka vyuma evi vasholola mwamuvwa ngeci vashakezekele lifuti lyavo vavenya.

2 Petulu 2:1

Oloni ku san̄ulu kwasholokele vaka-kwimanena va makuli akati ka vanu, co mu cifwa eci vene, valongisi va makuli vakasholoka lalo akati keni. Vakevo vakanena vilongesa vyavivi vyakunyongesa vyakujeneka vushunga, nakuvyana Shukulu yavo uje wavovwele, co vakalinenela vakevo vavenya kunyonga kwa vwasi-vwasi.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.

Kujombolola 10:11

Asinoni vanjilekele ngwavo, “Yove unapande kwambulula lijwi lya Njambi ku mafuti a mangi na ku vanu vavangi na ku vindaka vyavingi na ku vimyene vavangi.”

Kujombolola 11:9

Vanu va ku miyati yoshe na ku vindaka vyoshe na ku mafuti oshe, vakelula vivimbi vyavo a matangwa atatu na litambelo, co kuvakavatava kuvatsinda.

Kujombolola 13:7

Co lalo vamutavesele kulwa nzita na vanu va Njambi nakuvafungulula, co lalo vamwanene moko a miyati yoshe ya vanu na vindaka vyoshe na mafuti oshe.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 14:6

Asinoni njamwene kangelo mukwavo alinakupulula mwilu a mukambwila, na lijwi lya Vin̄anda Vyavivwa vyakwambulula kuli vanu va ano asi na ku mafuti oshe ku miyati yoshe na ku vindaka vyoshe na ku vanu voshe.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 17:15

Co kangelo wendekele lalo kuli yange ngwendi, “Mema aje awamwene, aje anatumbama uje cikwizi, anapu miyati, vanu, mafuti na vindaka.

Kujombolola 4:11

“Mwene yetu na Njambi yetu! Yove wafwila kutambula vumpau na kasingimiko na nzili. Omwo yove watangele vyuma vyoshe, co ku cizango cove vavyanene kuyoya na mwonyo.”

Kujombolola 5:12

co vembile na majwi akukangoka ngwavo, “Wafwila Muna Manga uje ivatsiile kutambula nzili na vufuko na mana na vukama na kasingimiko na vumpau na kushangazala!”

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.