Kujombolola 5:6 - Livulu lya Shukulu Kalunga

⁶ Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.

Kujombolola 5:6 Iomraidhean Croise

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ndanyele 8:3

co kuje vene ku ngenge ya ndonga njamwene kunemana lijamba lya manga. Ikeye wakele na vimbinga vivali vyavilaja, imo yapwile yailaja, co lalo yapwile yaiha kutuvakana mbinga ikwavo.

Mika 4:13

Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”

Hambakuke 3:4

Alinakwija nakuvyazima kwa muhyato, ceke cilinakuvyazima mu livoko lyendi, mukemwo mwavanda nzili yendi.

Zakaliya 3:9

Njaka limanya limo kulutwe lwa Yoshwa lije likakala na mitambela itanu na ivali. Njikolao masona a cimweso, co mu litangwa limolika njikatundisa vuvi vwa lifuti eli.

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Kulava 7:39

Wakombelelele lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

Kulava 7:57

Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka.

Luka 1:69

Natwana Muyoyesi wa nzili, mutekulwila wa ngamba yendi Ndaviti.

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 1:36

co omo wamwene Yesu alinakwija kuje, co wendekele ngwendi, “Kengeni, Muna Manga wa Njambi!”

Vilinga vya Miluwa 8:32

Co majwi a mu visoneka alavele akewo awa, “ Wafwile ngwe manga uje vatwala nakumutsiya, ngwe muna manga uje oloka kuluu kuli vaka-kumuteula, oloni wolokele kuluu.

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 14:1

Asinoni njakengele, co kuje kwakele Muna Manga wemanene a Munkinda wa Siyone, wemanene na vanu vakupwa 144,000 vaje vavasonekele lizina lyendi na lizina lya Ishe a maholo avo.

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 21:22

Co kunjamwene Njuvo ya Shukulu Kalunga mu nganda, omwo Shukulu Kalunga Njambi Muka-nzili yoshe na Muna Manga vapwa Njuvo yamwo.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:3

Kumukakala lalo cuma cakusinga mu nganda ije embwe. Litanda lya Njambi na lya Muna Manga likakala muje mu nganda, co vangamba vendi vakamulemesa.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”

Kujombolola 5:11

Njakengele lalo, co njazivile tungelo vavangi-vangi mameme! Vemanene nakuzengeleka litanda, na vaje vikashama vawana akuyoya, na vakulunu,

Kujombolola 5:12

co vembile na majwi akukangoka ngwavo, “Wafwila Muna Manga uje ivatsiile kutambula nzili na vufuko na mana na vukama na kasingimiko na vumpau na kushangazala!”

Kujombolola 5:13

Co njazivile vyakutanga vyoshe vili mwilu na asi na mwisi lya kaye na mu mema a kalunga na vyakuyoya vyoshe vya kaye, co vikevyo vyembile ngwavyo, “Kuli uje natumbama a litanda na kuli Muna Manga, kukale kushangazala na kasingimiko na vumpau na nzili, ku myaka yoshe!”

Kujombolola 5:14

Co vaje vikashama vawana vakuyoya vakumbulwile ngwavo, “Ewa!” Co vaje vakulunu valyumbilile asi nakulemesa.

Kujombolola 6:16

Co vasanene minkinda na mamanya ngwavo, “Ijeni mutuwile nakutufwika kutunda ku mesho a uje natumbama a litanda na ku vukalu vwa Muna Manga!

1 Samwele 2:10

“Vitozi va Shukulu Kalunga vakavanyongesa, akavahyatwila mihyato mwilu. Shukulu Kalunga akasompa kaye koshe, ikeye akana nzili kuli mwene yendi, akahyanesa mwene uje yanalyangwila.”