Kujombolola 5:5 - Livulu lya Shukulu Kalunga

⁵ Asinoni umo wa vaje vakulunu wendekele kuli yange ngwendi, “Kesi ulile. Kenga! Ndumba wakutunda ku muyati wa Yunda, naanga yakama ya kuli Ndaviti, ikeye nahyana, co asa kuvatula tusateso otu tutanu na tuvali nakufukula eli livulu.”

Kujombolola 5:5 Iomraidhean Croise

1 Vimyene 10:20

co vimweso vya vindumba likumi na vavali vyemanene kumukulo umo na umo ku vindendelo vije vitanu na imo, co kukwakele litanda lyakulifwa na lije mu vumwene vweka lalo.

2 Mizimbu 9:18

Lije litanda lyakele na vindendelo vitanu na imo, na vulyatelo vwa mendi vwakufwika na ngolinde. Ku mutambela umo na umo wa litanda kwakele vyakukambeka mavoko, co ku mutambela umo na umo wa litanda kwakele cimweso ca ndumba.

Yombi 41:15

Mwongo wendi vaulinga na mavanda a vintelo, alikutila amolika, co akola ngwe limanya.

Isaya 11:1

Cikota ca vumwene vwa Ndaviti cinalifu ngwe muti wakushinja, oloni minango yaiha ijovelela ku cimbundi, ngecivene, mwene wamuhwa akatunda akati ka vatekulwila va Ndaviti.

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Njelemiya 31:16

Likele kulila, lisikumune misozi. Vyoshe vije walingilile vana vove, kuvikai mwangoco kujeneka cikandelela embwe, vakeluka kutunda mu lifuti lya citozi.

Ndanyele 7:16

Ngecivene, njaile kuli umo wa vaje vemanene kuje nakumwihula ngeci anjilumbunwine vyuma vyoshe. Co wanjilumbunwininevyo.

Kulava 24:9

Muyati wakulifwa na ndumba wa nkomba wa nzili, nambe ngwe ndumba wa lwavo, iya akamushangumuna nakumwindula omo nalala? Woshe uje avezikisa Isalele nendi lalo vakamuvezikisa, co woshe uje asinga Isalele nendi lalo vakamusinga.”

Luka 23:28

Yesu watengulukilile kuli vakevo wendekele ngwendi, “Eni vanakazi va mu Yelusalema! Kesi mulilile yange, oloni lilileni yeni vavenya na vana veni!

Luka 7:13

Omo Mwene wamumwene, co wamuzivilileko mema ku mbunge, co wendekele kuli ikeye ngwendi, “Kesi ulile.”

Luka 8:52

Vanu voshe kuje valilile nakulinyenga ali uje mwanike. Co Yesu wendekele kuli vakevo ngwendi, “Kesi mulile, ou mwanike katsile embwe, oloni nalala lika tulo!”

Yowano 20:13

Vamwihwile ngwavo, “Munakazi, vika ulinakulilila?” Wavakumbulwile ngwendi, “Vanambata Mwene yange, co kunjizivuka oku vanamwaka!”

Loma 1:3

Vinapu vya Munendi, Mwene yetu Yesu Kilistu, ngwe ku cisemwa cendi ca vunu, wasemukile ku naanga ya Ndaviti,

Loma 15:12

Co lalo Isaya endeka ngwendi, “Mutekulwila wa Njesi akasholoka, akaija mukushwana vaje kesi vaYunda, co vakaka cinyangavili cavo muli ikeye.”

VaHevelu 7:14

Omwo tunazivuka mwamuvwa ngwetu mwene yetu wasemukile ku muyati wa Yunda, co Mosesa kendekele a muyati uje omo wendekele vya vaka-kukombelela.

Kujombolola 1:1

Mu livulu eli vanasonekamo vyuma vije vyajombolwele Yesu Kilistu. Njambi wamwanene kujomboloka oku ngeci avisholole kuli vangamba va Njambi vije vikalingiwa vwasi-vwasi. Kilistu wajombolwele vyuma evi kuli ngamba yendi Yowano akutuma kangelo kendi kuli ikeye,

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.

Kujombolola 5:4

Co njalilile manene nakusikoka omwo kuvasele kuwana umo uje nafwila kufukula lije livulu nameme kukengamo.

Kujombolola 6:1

Asinoni njamwene Muna Manga atavula kasateso kakulivanga ka tuje tusateso tutanu na tuvali, co njazivile umo wa vaje vikashama vawana vakuyoya endeka na lijwi lyakulifwa ngwe cililimo ngwendi, “Ija!”

Kujombolola 7:13

Co umo wa vaje vakulunu wanjihwile ngwendi, “Veya ava vanu vanazala vuzalo vwakutoka, co vanatundu kuli?”