Kujombolola 5:13 - Livulu lya Shukulu Kalunga

¹³ Co njazivile vyakutanga vyoshe vili mwilu na asi na mwisi lya kaye na mu mema a kalunga na vyakuyoya vyoshe vya kaye, co vikevyo vyembile ngwavyo, “Kuli uje natumbama a litanda na kuli Muna Manga, kukale kushangazala na kasingimiko na vumpau na nzili, ku myaka yoshe!”

Kujombolola 5:13 Iomraidhean Croise

1 Mizimbu 29:11

Yove wapwa uwakama, wa nzili, na vumpau, na vuvwa, na vumwene vwove vwapwa vwakama. Vyuma vyoshe vya mwilu nevi vya asi vyapwa vyove, co yove wapwa mwene, yove wapwa muka-kushwana vyoshe.

Isaya 24:14

Vaje vakasalao vakaimba nakujolela. Vaje vali mu kangombe ka yambi vakambulula vukama vwa Shukulu Kalunga,

Isaya 42:10

Imbileni Shukulu Kalunga mwaso wauha, kaye koshe kaimbe nakumushangazala! Mushangazaleni, yeni vaka-kwenda a mema a kalunga, mushangazaleni, yeni vikashama vyoshe vya mu mema a kalunga! Mafuti aje alikulyala, na voshe vaje valimo, vaimbe.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Loma 11:36

Omwo ikeye watangele vyuma vyoshe, co vyuma vyoshe vilinakuyoya muli ikeye na ali ikeye. Kuli Njambi kukale vumpau ku myaka yoshe! Ewa.

Loma 16:27

Kuli Njambi umolika, uje ikeye lika muka-mana oshe, kukale vumpau ali Yesu Kilistu ku myaka yoshe! Ewa.

Loma 9:5

vanapu vatekulwila va vakukulwila va vaHevelu va lutsimo, na Kilistu, akupwa munu, nakundama ku cisemwa cavo. Njambi uje muka-kushwana vyuma voshe, vamushangazale myaka yoshe! Ewa.

Efeso 3:21

kuli Njambi kukale vumpau mu cikungulukilo na muli Kilistu Yesu ku simbu yoshe, ku myaka yoshe! Ewa.

Filipu 2:10

Ngecivene, vyuma vyoshe vili mwilu, nevi vili ano asi, nevi vili mwisi ya kaye, vikatsikama a mavuli, mukwana kalemeso lizina lya Yesu,

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

1 Petulu 5:11

Kuli ikeye kukale nzili ku myaka yoshe! Ewa.

Yunda 1:25

kuli Njambi umolika Muyoyesi wetu, ali Yesu Kilistu Mwene yetu, kukale vumpau na vukama na nzili na moko kutunda ku myaka ya ku san̄ulu na kulelo lino na ku myaka na myaka! Ewa.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 5:1

Co njamwene livulu lyakuzenga mu livoko lya cilyo lya uje watumbamene a litanda, lije livasoneka anja na mukati, co valishokele na tusateso tutanu na tuvali.

Kujombolola 5:12

co vembile na majwi akukangoka ngwavo, “Wafwila Muna Manga uje ivatsiile kutambula nzili na vufuko na mana na vukama na kasingimiko na vumpau na kushangazala!”

Kujombolola 5:3

Oloni naumo wai ivawanene mwilu, nameme ano asi, nameme mwisi lya kaye, uje asa kufukula lije livulu nakukenga vili mukati kalyo.

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.

Kujombolola 6:16

Co vasanene minkinda na mamanya ngwavo, “Ijeni mutuwile nakutufwika kutunda ku mesho a uje natumbama a litanda na ku vukalu vwa Muna Manga!