Kujombolola 4:7 - Livulu lya Shukulu Kalunga

⁷ Cikashama wakulivanga walifwile ngwe ndumba, wamucivali walifwile ngwe muna ngombe, wamucitatu wakele na cihanga ngwe ca munu, co wamuciwana walifwile ngwe ngonga wakupulula.

Kujombolola 4:7 Iomraidhean Croise

Kushangumuka 49:9

Yunda napu ngwe ndumba, atsiya evi akwata, elukila lalo ku mbulu yendi. Alyolola nakulala naumo wai asimpa ngeci amukasumune.

2 Samwele 1:23

“Saulu na Yonatana, vapwile vaka-cizemo cakukomokesa manene, mu mwonyo na mu kutsa kuvalyangunukile, ku lumbisi vahyanene vingonga, co ku nzili vahyanene vindumba.

Visimo 28:2

Omo lifuti valitengulukila likala na vaka-kushwana vavangi, oloni nga muli vaka-kushwana vakunyanyama na mana mukala kwoloka.

Isaya 40:31

Oloni vaje vakulaela kuli Shukulu Kalunga mukuvakwasa, vakawana nzili yaiha. Vakapulula a mambava ngwe vingonga, vakashatuka oloni kuvakajuka, vakenda oloni kuvakazeye.”

Ezekiyele 1:10

Cikashama umo na umo wakele na vihanga viwana vya kulifwa, cihanga ca munu kulutwe, ku cilyo kwakele cihanga ca ndumba, ku cimoshwe kwakele cihanga ca ngombe wa nkomba, kunima kwakele cihanga ca ngonga.

Ezekiyele 1:8

Kuwezelela ku vihanga vyavo viwana, na mambava avo awana, voshe umo na umo wakele na mavoko awana a vunu, limo na limo lyakele mwisi ya limbava.

Ezekiyele 10:14

Cikashama umo na umo wakele na vihanga viwana. Cihanga caakulivanga capwile cihanga ca ngombe wa nkomba, camucivali capwile cihanga ca munu, camucitatu capwile cihanga ca ndumba, co camuciwana capwile cihanga ca ngonga.

Ezekiyele 10:21

Umo na umo wavo wakele na vihanga viwana, na mambava awana, na livoko lya vunu mwisi ya limbava limo na limo.

Ndanyele 7:4

Cikashama wakulivanga wafwile ngwe ndumba, oloni wakele na mambava ngwe a ngonga. Omo njakengeleko, co aje mambava ashutukile. Co uje cikashama vamwimikile, co wemanene lwi ngwe munu. Co vamwanene mana a vunu.

Ovandiya 1:4

Nameme upulwila mwilu ngwe ngonga, nakutungila njuvo yove akati ka vingongonosi, oloni nambe ngoco njikakuwisila asi.

Kulava 23:24

Kenga! Muyati wa Isalele unalifu ngwe ndumba wa lwavo, amotoka ngwe ndumba wa nkomba. Kasa kuvutama lalo, noo nali situ ije yanakwata, nakunwa maninga a vaje vanatsii.”

Kulava 24:9

Muyati wakulifwa na ndumba wa nkomba wa nzili, nambe ngwe ndumba wa lwavo, iya akamushangumuna nakumwindula omo nalala? Woshe uje avezikisa Isalele nendi lalo vakamuvezikisa, co woshe uje asinga Isalele nendi lalo vakamusinga.”

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.

Kujombolola 4:6

Co lalo kulutwe lwa litanda lije kwakele mema a kalunga akulifwa ngwe kalikengelo kakutungukwa ngwe kilisitale. Co ku mutambela umo na umo wa litanda, kwazengelekele vikashama vawana vakuyoya vakele na mesho kulutwe na kunima.

Kujombolola 6:3

Asinoni Muna Manga wavatwile kasateso kamucivali, co njazivile cikashama wakuyoya wamucivali endekele ngwendi, “Ija!”

Kujombolola 6:5

Asinoni Muna Manga wavatwile lalo kasateso kamucitatu, co njazivile cikashama wakuyoya wamucitatu endeka ngwendi, “Ija!” Njakengele, co kuje kwakele kavalu wakuzivala. Uje walondeleo wakwatele cipeseleso mu livoko lyendi.

Kujombolola 6:7

Asinoni Muna Manga wavatwile lalo kasateso kamuciwana, co njazivile cikashama wakuyoya wamuciwana andeka ngwendi, “Ija!”