Kujombolola 4:6 - Livulu lya Shukulu Kalunga

⁶ Co lalo kulutwe lwa litanda lije kwakele mema a kalunga akulifwa ngwe kalikengelo kakutungukwa ngwe kilisitale. Co ku mutambela umo na umo wa litanda, kwazengelekele vikashama vawana vakuyoya vakele na mesho kulutwe na kunima.

Kujombolola 4:6 Iomraidhean Croise

1 Vimyene 7:23

Hulame walingile lizau lya mema lya vunengu lyamuzinguluke lyakupwa mamita 2.2 mu kulova, na mamita 4.4 kutunda kumukulo umo kweta kumukulo ukwavo, lyoshe lyapwile lyamuvundungulu, vukama vwalyo vwapwile mamita 13.2.

Yombi 28:17

Seo yawo yatuvakana ngolinde na kalivanjelo, atuvakana seo ya vyakushoveya na seo ya ngolinde yaivwa.

Kutuuka 38:8

Wafulile mbashiya ya vunengu na lisanda lyayo lya vunengu, lyapwile lya tulikengelo twa vanakazi vakele nakupanga ku cikolo ca Mbalaka Mwakuliwanena.

Ezekiyele 10:12

Mivila yavo, na myongo, na mavoko, na mambava, na mavalo vyakele na mesho.

Ezekiyele 10:14

Cikashama umo na umo wakele na vihanga viwana. Cihanga caakulivanga capwile cihanga ca ngombe wa nkomba, camucivali capwile cihanga ca munu, camucitatu capwile cihanga ca ndumba, co camuciwana capwile cihanga ca ngonga.

Kujombolola 14:3

Vanu vaje vakupwa 144,000 vemanene kukutwe lwa litanda na vikashama vawana vakuyoya na vakulunu, vembile mwaso wauha, uje naumo wai wasele kulilongesawo kuvanga vakevo lika. Vakevo lika vaje vavakulile kutunda akati ka miyati ya vanu voshe.

Kujombolola 15:2

Asinoni njamwene cije cafwile ngwe mema a kalunga a kalikengelo akulikumbasana na tuhya. Co njamwene lalo vaje vahyanene uje cikashama na kamponya kendi, na ali uje lizina lyendi linemanena nambala. Vemanene ku ngenge ya mema a kalunga a kalikengelo, vakwatele tulyalya tuje twavanene Njambi,

Kujombolola 15:7

Co umo wa vaje vikashama vakuyoya vawana wanene vaje tungelo vatanu na vavali malonga a ngolinde atanu na avali aje ashulile na vukalu vwa Njambi, uje wayoya ku myaka na myaka.

Kujombolola 19:4

Co vaje vakulunu makumi avali na vawana na vikashama vawana vakuyoya vawile asi nakulemesa Njambi, uje watumbamene a litanda, vendekele ngwavo, “Ewa! Shangazaleni Njambi!”

Kujombolola 21:11

co yakele na vumpau vwa Njambi. Nganda ije yavyazimine ngwe limanya lya seo yakama, ngwe limanya lya njasipa, lyatokele to ngwe kilisitale.

Kujombolola 21:18

Civumbe vacipangesele na mamanya a njasipa, co nganda vaipangesele na ngolinde yakujela, ije yafwile ngwe kalitalelo kakutungukwa.

Kujombolola 21:21

Co vikolo likumi na vivali vyapwile vya makwalale, cikolo cimo na cimo vacipangesele likwalale limo. Co vitapalo vya ije nganda vavipangesele ngolinde yakujela, yakutungukwa ngwe kalikengelo.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.

Kujombolola 5:11

Njakengele lalo, co njazivile tungelo vavangi-vangi mameme! Vemanene nakuzengeleka litanda, na vaje vikashama vawana akuyoya, na vakulunu,

Kujombolola 5:14

Co vaje vikashama vawana vakuyoya vakumbulwile ngwavo, “Ewa!” Co vaje vakulunu valyumbilile asi nakulemesa.

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.

Kujombolola 5:8

Omo walingile ngacije, co vaje vikashama vawana vakuyoya na vakulunu makumi avali na vawana valyumbilile kulutwe lwa Muna Manga. Co umo na umo wakwatele kalyalya na malonga a ngolinde ashulile na insense, evi vikevyo vyapwa malombelo a vanu va Njambi.

Kujombolola 6:1

Asinoni njamwene Muna Manga atavula kasateso kakulivanga ka tuje tusateso tutanu na tuvali, co njazivile umo wa vaje vikashama vawana vakuyoya endeka na lijwi lyakulifwa ngwe cililimo ngwendi, “Ija!”

Kujombolola 6:6

Co njazivile lijwi litunda mukati ka vaje vikashama vawana vakuyoya ngwalyo, “Lita ya tiliku inapu ngwe fweto ya litangwa lyoshe lyamutunu, co lalo malita atatu a mbale ya maumwa anapu fweto ya litangwa lyoshe lyamutunu. Oloni kesi uviise mazi a olive na mikolovozi ya vushuka vya vinyu!”

Kujombolola 7:11

Co tungelo voshe vemanene kuzengeleka litanda na vakulunu na vaje vikashama vawana vakuyoya. Co valyumbilile asi kulutwe lya litanda na vihanga vyavo vyakwatele mu livulu, co valemesele Njambi,

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”