Kujombolola 4:11 - Livulu lya Shukulu Kalunga

¹¹ “Mwene yetu na Njambi yetu! Yove wafwila kutambula vumpau na kasingimiko na nzili. Omwo yove watangele vyuma vyoshe, co ku cizango cove vavyanene kuyoya na mwonyo.”

Kujombolola 4:11 Iomraidhean Croise

Kushangumuka 1:1

Akulivanga Njambi watangele lilu na kaye.

2 Samwele 22:4

Njitambeka kuli Shukulu Kalunga, co ikeye anjamena ku vitozi vange. Shangazaleni Shukulu Kalunga!

Nehemiya 9:5

VaLevi ava, Njeshuwa, na Kandimyele, na Mbani, na Hashambeneya, na Sheleviya, na Hondiya, na Shembaniya, na Petahiya, vendekele ngwavo, “Imaneni mushangazale Shukulu Kalunga Njambi yeni, mushangazaleni ku myaka yoshe. Munu woshe ashangazale lizina lyendi lya vumpau. Naumo wai asa kushangazala vukama vwendi.”

Yombi 36:3

Kuzivuka kwange cinatuvakana, njipangesa vije njizivuka, mukumwesa ngeci Njambi, Ishamatanga wange wapwa wa vushunga.

Myaso 18:3

Njitambeka kuli Shukulu Kalunga, co ikeye anjamena ku vitozi vange. Shangazaleni Shukulu Kalunga!

Myaso 68:34

Ambululeni nzili ya Njambi, vumpau vwendi vuli mu Isalele, nzili yendi ili mwilu lya melu.

Kutuuka 20:11

Omwo a matangwa atanu na limo, yange Kalunga njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Isaya 40:26

Anduleni mesho eni kwilu! Iyajo watangele vingongonosi vije mulinakumona? Uje avitwamenena ngwe mashwalale, ikeye azivuka vungi vwavyo, co avisana vyoshe a mazina avyo! Nzili yendi yapwa yakama manene, naimo ngongonosi yai yazimbalao!

Isaya 40:28

Kuma kumuzivuka ndi? Kuma kuvamilekele ndi? Shukulu Kalunga ikeye Njambi wa ku myaka yoshe, ikeye watangele kaye koshe. Kesi kujuka nambe kuzeya. Naumo wai asa kuzivisisa viyongola vyendi.

Njelemiya 10:11

(Yeni vanu munapande kuvaleka ngweni vinjambi vaje kuvatangele kaye na lilu vakanyonga. Nakumo kwai kuvakakala ano asi.)

Njelemiya 32:17

“Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Vilinga vya Miluwa 17:24

Njambi uje watangele kaye na vyoshe vilimo, ikeye Mwene wa lilu na asi, co kesi kuyoya mu njuvo yakutunga na mavoko a vanu.

Loma 11:36

Omwo ikeye watangele vyuma vyoshe, co vyuma vyoshe vilinakuyoya muli ikeye na ali ikeye. Kuli Njambi kukale vumpau ku myaka yoshe! Ewa.

Efeso 3:9

nakumwesa vanu voshe muje vutumbe vwa cisin̄iko ca Njambi vukalingiwa. Njambi uje Ishamatanga wa vyuma vyoshe, washwekele cisin̄iko cendi ku myaka yoshe ya kunima,

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

VaHevelu 1:10

Co ikeye wendekele lalo ngwendi, “Yove, Shukulu Kalunga avushangumukilo watangele kaye, co melu anapu vipangi vya mavoko ove.

VaHevelu 1:2

oloni a matangwa ano akukotokela nendeka kuli yetu ali Munendi, uje yanapwisa shwana ya vyuma vyoshe, co ali ikeye lalo watangele vyuma vyoshe.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.

Kujombolola 10:6

co walisingile mu lizina lya Njambi, uje wayoya ku myaka na myaka, uje watangele lilu na asi na mema a kalunga na vyuma vyoshe vilimo. Co kangelo wendekele ngwendi, “Vyuma evi kuvyapandele kwishwala embwe!

Kujombolola 14:7

Co wendekele na lijwi lyakama ngwendi, “Komokeni Njambi, co shangazaleni vukama vwendi! Omwo simbu inete ngeci asompe vanu voshe. Lemeseni uje watangele lilu na asi na mema a kalunga na masima a mema a tuvwelu-vwelu!”

Kujombolola 19:1

Munima yevi njazivile cilumo cakufwa ngwe lijwi lya mbunga yakama ya vanu vali mwilu, lyendekele ngwalyo, “Shangazaleni Njambi! Kwamena na vumpau na nzili vyakundama kuli Njambi yetu!

Kujombolola 5:12

co vembile na majwi akukangoka ngwavo, “Wafwila Muna Manga uje ivatsiile kutambula nzili na vufuko na mana na vukama na kasingimiko na vumpau na kushangazala!”

Kujombolola 5:2

Co njamwene kangelo wa nzili uje wambulwile nakutambeka na lijwi lyakama ngwendi, “Iyajo nafwila kuvatula otu tusateso nakufukula eli livulu?”

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.