Kujombolola 4:1 - Livulu lya Shukulu Kalunga

¹ Munima yevi njakele na cimona cikwavo, co njamwene cikolo cakushokoloka mwilu. Co lijwi lya cililimo lyakulifwa ngwe lupembo, lijwi lije njazivile lyendekele kuli yange akulivanga, lyendekele ngwalyo, “Ija kuno kwilu, co njikakumwesa vyuma vikasholoka munima yevi.”

Kujombolola 4:1 Iomraidhean Croise

Kutuuka 1:1

Awa akewo mazina a vana va Yakomba va vanalume vaje vaaile navo ku Ingito, munu na munu na naanga yendi, mazina avo,

Kutuuka 19:24

Co Shukulu Kalunga wamukumbulwile ngwendi, “Shelumuka asi ukeje na Alone kuno. Oloni vaka-kukombelela na vanu kuvapandele kujomboka nginga nakulamata kuno kuli yange embwe, kutewa njikavahisa.”

Kutuuka 24:12

Co Shukulu Kalunga wendekele kuli Mosesa ngwendi, “Lamata a munkinda wije kuno kuli yange, co simbu yove ucili kuno, njikakwana vitale vivali vije vili na mashiko na vilongesa vije vinjasonekele ngeci ukavalongesevyo.”

Visimo 25:7

Cinapu cuma cacivwa nga mwene ikeye vavenya akwana mwela wa kasingimiko, kutuvakana yove kushauka ku mesho a vamyata va mwene.

Ezekiyele 1:1

A litangwa lyamucitanu ku ngonde yamuciwana ku mwaka wamumakumi atatu, yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi.

Mateo 3:16

Omwo Yesu vamumbwitikile, vwasi-vwasi omo watumukile mu mema, co mwilu mwashokolokele, co wamwene Munzinzime wa Njambi watongamene ali ikeye ngwe katela.

Mako 1:10

Co vwasi-vwasi omo watumukile mu mema, wamwene lilu linashokoloka, co Munzinzime watundile mwilu watongamene ali ikeye ngwe katela.

Luka 3:21

Omo nambwitika laja vanu voshe, co na Yesu lalo vamumbwitikile. Omo Yesu wakele nakulombela, mwilu mwashokolokele,

Yowano 16:13

Omo Munzinzime akaija, uje akasholola vushunga vwa Njambi, akamitwamenena mu vushunga vwoshe. Omwo kakendeka mu nzili yendi embwe, oloni akendeka vije aziva nakumileka vyuma vikaija kulutwe.

Vilinga vya Miluwa 10:11

Co wamwene lilu linashokoloka na cuma cimo cakulifwa ngwe nanga yakama cazezumukilile asi cakukuta ku vimbango viwana.

Vilinga vya Miluwa 7:56

Wendekele ngwendi, “Kengeni! Njinamono lilu linashokoloka na Muna Munu nemana ku livoko lya cilyo lya Njambi!”

Kujombolola 1:10

A litangwa lya Mwene njakele mu Munzinzime, co njazivile lijwi lyakama, lyalifwile ngwe cililimo ca lupembo, lyendekele munima yange.

Kujombolola 1:12

Njatengulukile nakukenga kunima kumona iyajo uje wakele nakwendeka nange, co njamwene vitumbikilo vya vindeya vya ngolinde vitanu na vivali,

Kujombolola 1:19

Ngecivene, soneka vyuma vyoshe vije umona, vyoshe vyuma vije viliko ololo, na vyuma vije vikakalako kulutwe munima yevi.

Kujombolola 11:12

Asinoni vaje vaka-kwimanena vavali vazivile lijwi lyakama lyakutunda mwilu lyendekele kuli vakevo ngwalyo, “Ijeni kuno kwilu!” Co valondele mwilu mu lishelwa oku vitozi vavo vanavakengelela.

Kujombolola 11:19

Asinoni Njuvo ya Shukulu Kalunga ya mwilu yashokolokele, na Cikasa ca Cikumiiyo vacimwene muje. Asinoni kwakele kuvyakula kwa mihyato na mikalateto nakujaja kwakama kwa kaye na cililimo na nyonzi yakama ya mamanya.

Kujombolola 16:17

Asinoni kangelo wamucitanu na vavali wetilile lilonga lyendi mu lihunzi. Co lijwi lyakama lyatundile ku litanda lya mu Njuvo ya Shukulu Kalunga lyendekele ngwalyo, “Kunau!”

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Kujombolola 22:6

Co kangelo wendekele kuli yange ngwendi, “Majwi awa anapu a vushunga, co vasa kuwakulaela. Co Shukulu Kalunga Njambi, uje muka-kwana Munzinzime wendi kuli vaka-kwimanena, natumu kangelo kendi mukumwesa vangamba vendi vije vikalingiwa ololo.”