Kujombolola 3:21 - Livulu lya Shukulu Kalunga

²¹ Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 3:21 Iomraidhean Croise

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 25:21

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Luka 22:30

Yeni mukalya nakunwa nange mu Vumwene vwange, co mukatumbama a matanda nakusompa miyati likumi na ivali ya Isalele.

Yowano 13:32

Co nga vumpau vwa Njambi vavusholola muli ikeye, asinoni Njambi akasholola vumpau vwa Muna Munu muli ikeye, co akalinga eci a simbu imolika.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

2 Timateo 2:12

Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 20:6

Kuvwaelela nakuvezika kwakama kuli vaje vakasanguka a cisangukilo cakulivanga. Kutsa kwamucivali kucesi na nzili ali vakevo, vakapwa vaka-kukombelela va Njambi na Kilistu, co vakashwana amo nendi myaka 1,000.

Kujombolola 5:10

Co unavapwisa vumwene vwa vaka-kukombelela mukupangela Njambi yetu, co vakashwana ano asi.”

Kujombolola 6:2

Njakengele, co kwakele kavalu wakutoka. Uje walondeleo wakwatele vuta vwa lusipa, co vamwanene cilongo. Wakatukile ngwe muka-kuhyana aya mukuhyana.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”