Kujombolola 3:2 - Livulu lya Shukulu Kalunga

² Ngecivene, induka, co kolesa vije viwulinavyo simbu kanda vicitsililile vyoshe. Omwo njinawana ngeci vije viwunalingi kanda vicipwe vyakutungukwa ku mesho a Njambi yange.

Kujombolola 3:2 Iomraidhean Croise

1 Vimyene 11:4

omo Solomoni wakuluvalele, vanakazi vendi vatangwile mbunge yendi mukukava vinjambi veka nakuvalemesa. Kapwile lalo wa kulongwa kuli Shukulu Kalunga Njambi yendi, ngwe mwalingile ishe Ndaviti.

1 Vimyene 15:3

Ikeye walingile vuvi ngwe mwalingile lalo ishe, co kapwile wa kulongwa kuli Shukulu Kalunga Njambi yendi, ngwe mwapwile kukulwila yendi Ndaviti.

2 Mizimbu 25:2

Walingile vije vyavwaelelesele Shukulu Kalunga, oloni kavilingile na mbunge yendi yoshe embwe.

Yombi 16:5

Njasa kumitakamesa nakuminangula, nakwendeka kuli yeni nakumizembeleka.

Isaya 35:3

Koleseni mavoko aje anazeye, co takameseni mavuli aje akuvotsiya.

Isaya 56:10

Ikeye alinakwendeka ngwendi, “Vantwama voshe, vaje vapandele kunangula vanu vange, vanapu tupuputwa! Nacimo cai vazivuka. Vanapu ngwe tutali vaje vakanyungu vyuma oloni kuvesi kuvwoza, vakakala lika, vazema lika kulala nakulota!

Isaya 57:12

Mulinakuyongola ngweni evi mulinakulinga vinapu vyavivwa, oloni yange njikamizivisa shwamwa a vilinga vyeni, co tumponya tweni kuvakamikwasa.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ndanyele 5:27

kupeselesa, vanakupeselesa a cipeseleso, co vanawana ngeci uwamwehu manene,

Zakaliya 11:16

Njinemika kanyungi mukunyunga vutanga vwange, oloni ikeye kakanyungu mwamuvwa vimanga vaje vashaka kutsa, nambe kushakezeka vaje vanazimbala, nambe kusaka vaje vanavulumuka, nambe kulisa vaje vanasalao. Oloni ikeye akali lika situ ya vaje vimanga vakununa nakuvatavozola lika vimbemba vyavo.

Mateo 23:5

Vakevo vakalingi vyuma vyoshe ngeci vanu vavamone. Kengeni mikanda ije ili na visoneka ije vakakutiiya ku maolo avo na a mavoko avo, kengeni vukama vwavyo! Kengeni lalo kulaa kwa tundombe twa vuzalo vwavo!

Mateo 25:13

Co Yesu wamanesele kwendeka ngwendi, “Nyanyameni omwo kumuzivuka litangwa nambe simbu.

Mateo 25:7

Asinoni vaje vambanda voshe vendukile nakushwameka vindeya vyavo.

Vilinga vya Miluwa 18:23

Munima yakukala navo simbu, watundileko waile mu mutambela wa Ngalatiya na mu Filingiya nakutakamesa vaka-kukulaela voshe.

Kwituluka mu Mashiko 3:28

Oloni shika Yoshwa, mukolese nakumusimpisa, omwo ikeye akatwamenena vanu ava nakuvajavwisa musambwa nakushwana lifuti lije liwunamono.’

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

Kujombolola 16:15

“Tolilileni! Njilinakwija ngwe mwizi! Navezika uje atumbama nakukengelela nakunyunga vuzalo vwendi, ngeci kesi ende mushelengwa nakuziva shwamwa ku mesho a vanu!”

Kujombolola 2:4

Oloni kuli cuma cimo njalinyenge ali yove, kuwesi nakunjizema ngwe muje muwanjizemene akulivanga.

Kujombolola 3:1

“Kuli kangelo wa ku cikungulukilo ca mu Salendisiya soneka ngwove, “Eli likelyo lijwi lyatundu kuli uje ali na minzinzime ya Njambi itanu na ivali na vingongonosi vitanu na vivali. Njinazivuka vije viwulinakulinga, njinazivuka ngeci uli na lizina ngeci ulinakuyoya, nameme ngoco unatsi laja.

Kujombolola 3:3

Ngecivene, anuka vije vivakulongesele na vije viwazivile, vyononoke, co tenguluka ku vivi vyove. Nga shove kwinduka, njikaija kuli yove ngwe mwizi, co kuukazivuka nameme simbu ije njikaija kuli yove.