Kujombolola 3:19 - Livulu lya Shukulu Kalunga

¹⁹ Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.

Kujombolola 3:19 Iomraidhean Croise

2 Samwele 7:14

Co yange njikapwa nji ishe, na ikeye lalo akapwa munange. Omo akalinga mwamuvi, co njikamunyanyamesa ngwe ishe ya munu mwakanyanyamesa munendi.

Yombi 5:17

Kenga, navezika munu uje Njambi amulongesa! Ngecivene, kesi uyeluwise kulongesa kwa Njambi.

Myaso 39:11

Yove ukahisi vuvi vwa munu akumwendekela, co ukanyongesa vufuko vwendi ngwe mwakavunyongesa kanembulu. Mwa vushunga munu napu wangoco ngwe lihunzi!

Myaso 6:1

Shukulu Kalunga, kesi unjipaye nambe kunjihisa omo uluvala!

Myaso 69:9

Cizemo cange ku Njuvo yove, yove Njambi, cilinakushukuma muli yange ngwe tuhya, co kushaula kuje vakushawile kuli ali yange.

Myaso 94:10

Ikeye akanyanyamesa vanu, co kuma kasa kuvahisa ndi? Ikeye wapwa mulongisi wa vanu voshe, kuma kasa kuzivuka ndi?

Visimo 15:10

Nga ulinga vya kupenga-penga, co vakakuhisa manene, nga kuutava kukunangula, co ukatsa.

Visimo 15:32

Nga uvyana kulilongesa, ulinakuliyeluwisa lika yove vavenya, oloni nga utava kukunangula, co ukapwa muka-kunyanyama.

Visimo 22:15

Vulema vukasata mu vimbunge vya vanike, oloni kuvapupanga vivanzi vyakuvalongesa, co civutundisamo.

Isaya 26:16

Shukulu Kalunga, omo wahisile vanu vove, mu tuyando twavo valombelele kuli yove.

Njelemiya 10:24

Njilongese yove Shukulu Kalunga oloni kesi na vukalu vwove embwe, kutewa njikanyonga.

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 31:18

“Njazivi vanu vaIsalele valinyenga ngwavo ‘Shukulu Kalunga, twafwile ngwe tusitu vakujeneka kwononwesa, oloni watulongesele kwononoka. Twilwise, co tukeluka kuli yove, Shukulu Kalunga Njambi yetu.

Njelemiya 7:28

Ukavaleke ngwove muyati wavo kuvesi nakunjononoka yange Kalunga, Njambi yavo, nambe kulilongesa omo njavanyanyamesele. Vushunga vunahu kuvesi nakuvusimutwiya lalo.

Zefaniya 3:2

Kuyatolililile kuli Shukulu Kalunga nambe kutava kunangula kwendi. Kuyakulaelele kuli Shukulu Kalunga nambe kulomba vukwasi vwendi.

Mateo 25:7

Asinoni vaje vambanda voshe vendukile nakushwameka vindeya vyavo.

Yowano 2:17

Vandongisi vendi vanukile ngeci visoneka vyendekele ngwavyo, “Yove Njambi, cizemo cange ku Njuvo yove, cilinakushukuma muli yange ngwe tuhya.”

Loma 12:11

Pangeni manene na nzili kesi mupwe volwa. Pangeleni Mwene nakulyakako na mbunge yoshe.

1 Kolinte 11:32

Oloni Mwene alinakutuhisa nakutunyanyamesa, ngeci kesi vakatuhise amo na vaka-kaye.

2 Kolinte 6:9

ngwe vanu kuvatuzivuka, kuma voshe vatuzivuka, ngwe tunatsi vene, oloni, tulinakuyoya. Nambe valinakutunyanyamesa, oloni kuvasa kututsiya,

2 Kolinte 7:11

Kengeni Njambi vati nalingi na vusiwa vweni ovu, vati vunamilingisa ngeci munyanyame manene! Nakusholola sholovya yakulishungamesa na vukaleo vwavuvwa na cizemo na mukulikundika nakuzambula kunyanyamesa vilinga vyavivi! Co munalisholola yeni vavenya ngeci munajeneka mulonga mu vyuma vyoshe.

Ngalatiya 4:18

Co ololo, mwamuvwa kukala na sholovya yakama ya cifwa cangacije nga vutumbe vunapu vwavuvwa, simbu yoshe eci cinapu ca vushunga, co kesi mukemwo lika omo yange njili amo neni.

Kwituluka mu Mashiko 8:5

Zivukeni mu vimbunge vyeni ngweni ngwe cisemi anyanyamesa vana vendi, mukemwo vene mwaminyanyamesa Shukulu Kalunga Njambi yeni.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

Kujombolola 2:5

Anuka kuje kuunawila! Tenguluka ku vivi vyove nakulinga vije viwalingile akulivanga. Nga shove kutenguluka ku vivi vyove, co yange njikaija kuli yove nakutundisa citumbikilo ca ndeya yove mu mwela waco.