Kujombolola 3:17 - Livulu lya Shukulu Kalunga

¹⁷ Omwo wendeka ngwove, ‘Yange nji muka-kufuka njapwisamo, vyoshe njitonda njilinavyo.’ Oloni yove kuuzivuka vuutu na tuyando ulinatwo! U kautu, uli na vuzu, co lalo u kapuputwa.

Kujombolola 3:17 Iomraidhean Croise

Kushangumuka 3:7

Omo vanali laja, co vakele na mana, valimwene vali mutotototo, ngecivene, vatongele maputa a muti wa mukuyu nakuwazala.

Kutuuka 32:35

Ngecivene, Shukulu Kalunga watuminine vanu mushongo wakulitambwisa omwo vasindiiye Alone kuvamungila muna ngombe wa nkomba wa ngolinde.

Visimo 13:7

Vanu vamo vakalipwisa ngwe vaka-kufuka, oloni kuvesi na vufuko, co vamo vakalipwisa ngwe vaka-kuutwa, oloni vali na vufuko vwavungi.

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Isaya 42:19

Kwali umo kapuputwa natuvakana ngamba yange? Nambe kasinda-matwi uje natuvakana muluwa wange injatumu?

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Hoziya 12:8

Vendeka ngwavo, ‘Tunapu vaka-kufuka. Tunavezika. Co naumo wai akatwana mulonga a vufuko ovu vwoshe tunawana mu ngila ya makuli.’

Zakaliya 11:5

Vavenyavo vakavatsii, oloni kuvesi kuvanyanyamesa. Vakalandesa situ nakwendeka ngwavo, ‘Shangazaleni Shukulu Kalunga! Tunafuku oni!’ Nameme tunyungi twa vaje vimanga kuvesi kuvatetela embwe.”

Mateo 5:3

“Vanavezika vaka-kuutwa mu munzinzime, omwo Vumwene vwa mwilu vunapu vwavo!

Mateo 9:12

Oloni omo Yesu wazivileko, co wendekele navo ngwendi, “Vakangule kuvesi kusetela cimbanda embwe, oloni kuvanga vaka-kuvinja lika.

Luka 1:53

Nakutisa vaje vali na njala na vyuma vyavivwa, co vaka-kufuka navasheke mavoko-voko.

Luka 6:24

“Oloni tuyando tweni yeni munafuku ololo, omwo mwatambula laja kuyoya kwakuvwa!

Loma 11:20

Eci cinapu ca vushunga. Vavajokweleko omwo kuvakulaelele, oloni yeni munatumbama mu mwela weni omwo munakulaela. Oloni kesi mulyalese a viyongola evi, munapande kuziva lyova.

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

Loma 7:24

Yange munu wakuvindama! Iyajo akanjamena ku muvila ou wa kutsa?

2 Petulu 1:9

Oloni nga kumwesi navyo, munapu tupuputwa, kumwasa kumona, co munevala ngeci vanamijelesa ku vuvi vweni vwalaja.

Kujombolola 16:15

“Tolilileni! Njilinakwija ngwe mwizi! Navezika uje atumbama nakukengelela nakunyunga vuzalo vwendi, ngeci kesi ende mushelengwa nakuziva shwamwa ku mesho a vanu!”

Kujombolola 2:9

Njinazivuka tuyando twove, njinazivuka ngeci yove unapu kautu, oloni mwa vushunga unapu muka-kufuka! Njinazivuka kushaula kuje valinakukushaula vaje valitumbula ngwavo vanapu vaYunda oloni kesi vakevo embwe, vakevo vapwa vaka-munga yakundama kuli Satana!

Kujombolola 3:16

Oloni omwo wapwa u wa ngwinye-ngwinye, kesi uwakushaluka nameme uwakutonola, njikakukunja nakukujekula mu kanwa kange!