Kujombolola 3:11 - Livulu lya Shukulu Kalunga

¹¹ Njilinakwija vwasi-vwasi. Nyunga mwamuvwa vije viwulinavyo, ngeci kesi kukale umo akunyeke cilongo cove cakuhyana.

Kujombolola 3:11 Iomraidhean Croise

Zefaniya 1:14

Litangwa lije omo Shukulu Kalunga akasompa vanu lili muyehi-yehi, lilinakwija vwasi-vwasi! Litangwa lije likapwa lya vusiwa manene, nameme mashwalale vakusimpa vakalila nakutendeka cinyangavili cakutambula vukwasi!

1 Kolinte 9:25

Munu woshe mu vyakweha alilongesa kulyononwesa, alinga ngacije ngeci atambule cilongo cije casa kuvola, oloni yetu tulinakulinga eci ngeci tukatambule cilongo cije cikakala simbu yoshe.

Filipu 4:5

Mweseni kalemeso kuli vanu voshe. Mwene alinakwija ololo.

2 Timateo 2:5

Muka-kushatuka kasa kutambula vwana kuvanga ononoke mashiko.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

Yakomba 5:9

Kesi mulinyenge umo na mukwavo, vasamba vange, ngeci Njambi kesi akamisompe. Lyaako ali kuyehi, ololo vene asholoka.

Kujombolola 1:3

Kuvwaelela kuli uje alinakulava eli livulu, co lalo kuvwaelela kuli vaje vatolilila ku majwi a muzimbu wa vuka-kwimanena nakwononoka vije vivanasoneka mu livulu eli! Omwo simbu ili muyehi omo vyoshe evi vikalingiwa.

Kujombolola 16:15

“Tolilileni! Njilinakwija ngwe mwizi! Navezika uje atumbama nakukengelela nakunyunga vuzalo vwendi, ngeci kesi ende mushelengwa nakuziva shwamwa ku mesho a vanu!”

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.

Kujombolola 2:25

Oloni munapande kukakateya mbe kuli vije mulinavyo noo njikaija.

Kujombolola 22:12

Yesu alinakwendeka ngwendi, “Tolilileni! Njilinakwija vwasi! Njilinakwija na cikandelela cakwana kuli munu na munu ngwe ku vilinga vyendi.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!

Kujombolola 22:7

Yesu alinakwendeka ngwendi, “Tolilileni! Njilinakwija vwasi! Vanavezika vaje vononoka majwi a vuka-kwimanena a mu livulu eli!”

Kujombolola 3:3

Ngecivene, anuka vije vivakulongesele na vije viwazivile, vyononoke, co tenguluka ku vivi vyove. Nga shove kwinduka, njikaija kuli yove ngwe mwizi, co kuukazivuka nameme simbu ije njikaija kuli yove.

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.