Kujombolola 22:6 - Livulu lya Shukulu Kalunga

⁶ Co kangelo wendekele kuli yange ngwendi, “Majwi awa anapu a vushunga, co vasa kuwakulaela. Co Shukulu Kalunga Njambi, uje muka-kwana Munzinzime wendi kuli vaka-kwimanena, natumu kangelo kendi mukumwesa vangamba vendi vije vikalingiwa ololo.”

Kujombolola 22:6 Iomraidhean Croise

Kushangumuka 41:32

Co omo mwene naloto njozi luvali, eci cinanunguluka ngeci vin̄anda evi wavivwaesele laja Njambi ngeci ikeye akavipwisemo, vili muyehi nakulingiwa.

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Ndanyele 6:22

Njambi yange ikeye natumine kangelo kendi kushoka tunwa twa vindumba ngeci kuvasele kunjivulumuna. Ikeye nalingi eci omwo nazivuka ngeci kunjesi na mulonga ku mesho endi, co lalo kunjaviisile cuma cimo kuli yove shukulu.”

Mateo 13:41

Muna Munu akatuma tungelo twendi, co vakakungulula vyuma vyoshe vije vikanene vuvi na vaje voshe vaka-kulinga vuvi nakuvatundisa mu Vumwene vwendi.

Luka 1:70

Wakulaesele laja muli vaka-kwimanena vendi vakujela

Luka 16:16

“Lishiko lya Mosesa na visoneka vya vaka-kwimanena vyakele na nzili kweta a simbu ya Yowano Muka-kumbwitika, oloni tunde a simbu ije Vin̄anda Vyavivwa vya Vumwene vwa Njambi valinakuvyambulula, co munu na munu alinakulicikinina ngeci akakovelamo.

Vilinga vya Miluwa 12:11

Asinoni Petulu wanangukile cuma cije calingiwile kuli ikeye, co wendekele ngwendi, “Ololo njinazivuka ngwange cinapu ca vushunga! Kuma Mwene natumu kangelo kendi kuli yange nakunjitundisa ku nzili ya Helonde na ku vyoshe vije vaYunda vashakele ngeci vilingiwe.”

Vilinga vya Miluwa 3:18

Njambi wavisholwele laja kuli vaka-kwimanena voshe ngwendi Wakuvwavesa wendi akayanda, co capwile ca vushunga mu ngila eyi.

Loma 1:2

Vin̄anda Vyavivwa vavikulaesele ku san̄ulu kuli Njambi muli vaka-kwimanena vendi, ngwe muvanasoneka mu Visoneka Vyakujela.

1 Kolinte 14:32

Co vwana vwakwambulula lijwi lya Njambi vunapande kukala na moko ya uje endeka,

1 Kolinte 7:29

Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

2 Tesalonika 1:7

co ikeye akamihwimisa yeni mulinakuyanda, co na kuli yetu lalo. Akalinga eci omo Mwene Yesu akasholoka kutunda mwilu na tungelo twendi va nzili,

VaHevelu 12:9

Mu cisemwa cetu ca ano asi, vatatetu valinakutunyanyamesa, co tulinakuvasimika. Ngecivene, cinatuvakana manene kwononoka kuli Tatetu mu munzinzime ngeci tuyoye!

2 Petulu 1:21

Omwo kukwesi lijwi lya vuka-kwimaneana lyezile kutunda ku cizango ca munu, oloni vanu vavatwamenenene kuli Munzinzime Wakujela omo vambulwile lijwi lije lyatundile kuli Njambi.

2 Petulu 3:2

Njishaka mwanuke majwi aje vendekele laja vaka-kwimanena vakujela, na lishiko lyakutunda kuli Mwene na Muyoyesi lije livamyanene miluwa veni.

Kujombolola 1:1

Mu livulu eli vanasonekamo vyuma vije vyajombolwele Yesu Kilistu. Njambi wamwanene kujomboloka oku ngeci avisholole kuli vangamba va Njambi vije vikalingiwa vwasi-vwasi. Kilistu wajombolwele vyuma evi kuli ngamba yendi Yowano akutuma kangelo kendi kuli ikeye,

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 19:9

Co kangelo wendekele kuli yange ngwendi, “Soneka ngwove, vanavezika vaje vavanalanya ku ciwano ca vulo vwa Muna Manga.” Co kangelo wendekele lalo ngwendi, “Awa akewo majwi a vushunga a Njambi.”

Kujombolola 21:5

Co uje watumbamene a litanda wendekele ngwendi, “Ololo njikalinga vyuma vyoshe vipwe yaviha!” Ikeye wendekele lalo kuli yange ngwendi, “Soneka evi, omwo majwi awa anapu a vushunga, vasa kuwakulaela.”

Kujombolola 21:9

Co kangelo umo wa vaje vatanu na vavali vaje vakele na malonga atanu na avali akushula na tuyando tutanu na tuvali twakumanesela wezile kuli yange wendekele ngwendi, “Ija kuno, co njikakumwesa Shombolwa, munakazi wa Muna Manga.”

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”

Kujombolola 22:7

Yesu alinakwendeka ngwendi, “Tolilileni! Njilinakwija vwasi! Vanavezika vaje vononoka majwi a vuka-kwimanena a mu livulu eli!”

Kujombolola 4:1

Munima yevi njakele na cimona cikwavo, co njamwene cikolo cakushokoloka mwilu. Co lijwi lya cililimo lyakulifwa ngwe lupembo, lijwi lije njazivile lyendekele kuli yange akulivanga, lyendekele ngwalyo, “Ija kuno kwilu, co njikakumwesa vyuma vikasholoka munima yevi.”