Kujombolola 22:5 - Livulu lya Shukulu Kalunga

⁵ Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.

Kujombolola 22:5 Iomraidhean Croise

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Ndanyele 7:18

Oloni vanu va Njambi wa Akamwa ya Akamwa vakatambula vumwene nakuvunyunga ku myaka yoshe.”

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Zakaliya 14:7

nambe lisusulungu, likapwa litangwa lya ceke nameme ku simbu ya vutsiki. Vavenya Shukulu Kalunga ikeye lika azivuka litangwa eli.

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Loma 5:17

Mwa vushunga a vuvi vwa munu umolika kutsa kwashwanene omwo uje munu umolika. Oloni vyuma vije vinasholoka vyanalingi uje munu umolika, ikeye Yesu Kilistu vinahyana manene! Voshe vaje vanatambula kutetela kwa Njambi kwa myaka yoshe vanavapwisa vaka-vushunga ku mesho endi vakashwana mu mwonyo ali Kilistu.

2 Timateo 2:12

Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 18:23

Naumo wai lalo akamona ceke ca ndeya muli yove, nalumo lwai lalo vakaziva lijwi lya shombolwa na vavenya vulo muli yove. Vaka-kulanda vove vapwile vaka-nzili manene mu kaye mwoshe, co wakwisile vanu voshe va mu kaye na manseno ove a makuli!

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 20:6

Kuvwaelela nakuvezika kwakama kuli vaje vakasanguka a cisangukilo cakulivanga. Kutsa kwamucivali kucesi na nzili ali vakevo, vakapwa vaka-kukombelela va Njambi na Kilistu, co vakashwana amo nendi myaka 1,000.

Kujombolola 21:11

co yakele na vumpau vwa Njambi. Nganda ije yavyazimine ngwe limanya lya seo yakama, ngwe limanya lya njasipa, lyatokele to ngwe kilisitale.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.