Kujombolola 22:2 - Livulu lya Shukulu Kalunga

² co yetile mukati ka tapalo ya mu nganda. Ku ngenge na ngenge ya ndonga kwakele muti wa mwonyo, uje wakele nakwima vushuka visimbu likumi na vivali a mwaka, lumo a ngonde na ngonde, co maputa awo apwile vumbanda vwakukangwisa miyati ya vanu.

Kujombolola 22:2 Iomraidhean Croise

Kushangumuka 2:9

Co wamenesele miyati yoshe ya miti, ije yapwile yaivwa mukuyikenga na mesho nakwima vushuka vwavuvwa. Co mukati ka lihya mwakele miti ivali, muti wa mwonyo, na muti wa mana akuzivuka vuvwa na vuvi.

Myaso 147:3

Akangwisa vaka-kuzeya mu vimbunge, nakusaka vimbandu vyavo.

Visimo 3:18

Mana anapu ngwe muti wa mwonyo, nsina yakuvwaelela kwa voshe vaje vauvumbatela.

Isaya 6:10

Asinoni wendekele kuli yange ngwendi, “Tengulula mana ava vanu ngeci apwe akuzeya, vapwe tusinda-matwi, vapwe tupuputwa, ngeci kesi vase kumona nambe kuziva nambe kuzivisisa. Nga vapwa vavavwa, co vakatengulukila kuli yange mukuvakangwisa.”

Njelemiya 17:14

Shukulu Kalunga njikangwise, co njikapwa mukangule, njamene, co njikovoka, omwo njikakushangazala!

Ezekiyele 47:1

Co uje munalume wanjiilwisile ku cikolo ca ku Njuvo ya Shukulu Kalunga. Mema akele nakusheluka mwisi ya cikolo akele nakuya mu ngangela, kuje kuyakengele Njuvo ya Shukulu Kalunga. Co mema ashelukile mwisi ya mutambela wa mu mbwela ya Njuvo ya Shukulu Kalunga, nakuya ku mutambela wa mu mbwela ya mutula.

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Zakaliya 14:8

Omo litangwa lije likaija, mema akutonola njenje akatuuka kutunda mu Yelusalema, co litambelo lyawo limo likaya ku Lishali lya Kutsa, co litambelo likwavo lalo likaya ku Lishali lya Menditelenyani. Co akaita myaka yoshe, cisika na ndombo akakalako simbu yoshe.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.

Kujombolola 21:21

Co vikolo likumi na vivali vyapwile vya makwalale, cikolo cimo na cimo vacipangesele likwalale limo. Co vitapalo vya ije nganda vavipangesele ngolinde yakujela, yakutungukwa ngwe kalikengelo.

Kujombolola 21:24

Miyati ya vanu voshe va mu kaye vakenda mu ceke camwo, co vimyene va ano asi vakanenamo vufuko vwavo.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:14

Vanavezika vaje vakusha vuzalo vwavo ngeci vujele, co vali na moko yakulya ku vushuka vwa muti wa mwonyo nakukovela mu vikolo vya mu nganda.

Kujombolola 22:19

Co nga munu atundisako koma kamo ku majwi a vuka-kwimanena a mu livulu eli, co Njambi akatundisa kuli ikeye vyuma vije vivanasoneka mu livulu eli, vikevyo mutambela wendi wa vushuka vwa muti wa mwonyo na mutambela wendi mu Nganda Yakujela.