Kujombolola 22:11 - Livulu lya Shukulu Kalunga

¹¹ Woshe uje alinga vuvi acitwaleo kulinga vuvi, co woshe uje alinga vya vunyengwe acitwaleo vene kulinga vya vunyengwe, woshe uje alinga vuvwa acitwaleo kulinga vuvwa, co woshe uje najele acitwaleo kupwa wakujela.”

Kujombolola 22:11 Iomraidhean Croise

Yombi 17:9

Vaje valitumbula kupwa vaka-vulemu, vanavetesa kupwa vaka-vushunga.

Myaso 81:12

Ngecivene, njavatavele kulinga vizango vyavo.

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Visimo 4:18

Ngila ivakende vaka-vushunga inapu ngwe kutuuka kwa litangwa lije litwa ceke noo lyalondo njamba.

Muka-kwambulula 11:3

Kuje kuwila muti kukekwo vene kuukalala. Omwo mashelwa anatimiiya, co nyonzi inyoka.

Ezekiyele 3:27

Asinoni, omo njikendeka lalo kuli yove nakukwilwisila nzili yakwendeka, co ukavaleka evi vinjendeka yange Kalunga wa Akamwa ya Vyoshe. Vamo vakakutolilila, oloni vakwavo kuvakakutolilila, omwo vanapu muyati wakutengulukila.”

Ndanyele 12:10

Vanu vavangi vakavajelesa. Oloni vaje vaka-kupenga-penga kuvakazivisisa vyuma evi, anga vakalinga vene vuvi, kuvanga lika vaje vali na mana vakevo vakazivisisa.

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Mateo 21:19

Wamwene muti wa mukuyu kumukulo wa ngila, co waileko, oloni kawaneneko vushuka kuvanga maputa lika. Ngecivene, wendekele ku muti uje ngwendi, “Tunde ano kesi ukaime lalo vushuka!” Co aje vene uje muti womine cau.

Mateo 25:10

Co omo vambanda vakweva vaile nakulanda mazi, co vavenya vulo wetele, na vaje vambanda vatanu valivwaeselele cimweja vakovelele amo nendi ku ciwano ca vushombolwa, co vashokele lipito.

Mateo 5:45

ngeci mupwe vana va Ishweni ali mwilu. Omwo ikeye akatuwisila litangwa lyendi a vanu vavavi na ali vanu vavavwa, co akanyokesa nyonzi ali vaka-vushunga na ali vaka-vuvi.

Mateo 5:6

“Vanavezika vaje vaka-kuziva njala na lihwila vya vushunga, omwo Njambi akavakutisa!

Yowano 8:21

Yesu wendekele lalo kuli vakevo ngwendi, “Njilinakuya, co mukanjishakezeka, oloni mukatsa mu vivi vyeni. Kumwasa kuya kuje kunjiya.”

Efeso 5:27

ngeci akemike cikungulukilo ku mesho endi mu vuvwa vwaco vwoshe, cakujela nakujeneka mulonga, nambe kapenga kamo, nambe ka mucinya nambe ka cuma keka kakucijwalesa.

Kolose 1:22

Oloni ololo, a kutsa kwa Munendi, Njambi namipwisa mu vasamba vendi, ngeci aminene ku mesho endi kupwa vanu vakujela nakulambasa nakujeneka mulonga.

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,

Kujombolola 16:21

Nyonzi yakama ya mamanya yanyokele, limanya limo na limo akulipeselesa lyapwile ngwe makilo makumi atanu, atundile mwilu nakuwila a vanu, vaje vashawile Njambi omwo tuyando twa nyonzi ya mamanya, omwo kayando kaje kapwile kakukomokesa manene.

Kujombolola 22:3

Kumukakala lalo cuma cakusinga mu nganda ije embwe. Litanda lya Njambi na lya Muna Manga likakala muje mu nganda, co vangamba vendi vakamulemesa.