Kujombolola 21:23 - Livulu lya Shukulu Kalunga

²³ Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.

Kujombolola 21:23 Iomraidhean Croise

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Isaya 2:10

Vakavanda mu manzenzengoma mu malundu a mamanya, nambe kwinda viteke mu livu nakuvanda ku vukalu vwa Shukulu Kalunga nakuvanda ku nzili ya vumpau vwendi!

Isaya 2:19

Omo Shukulu Kalunga akaija nakuningangesa kaye, vanu vakavanda mu manzenzengoma mu malundu a mamanya, nambe kwinda viteke kutewa vukalu vwa Shukulu Kalunga nakuvanda ku nzili ya vumpau vwendi.

Isaya 2:21

Omo Shukulu Kalunga akaija nakuningangesa kaye, vanu vakavanda mu viteke na mu manzenzengoma mu malundu a mamanya, kutewa vukalu vwa Shukulu Kalunga nakuvanda ku nzili ya vumpau vwendi.

Isaya 24:23

Ngonde ikatsitsivala, co litangwa kulikatu ceke, Shukulu Kalunga Muka-nzili yoshe ikeye akapwa mwene. Akashwana mu Yelusalema a Munkinda wa Siyone, co vantwama va vanu vakamona vumpau vwendi.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Hambakuke 3:3

Njambi alinakwija kutunda ku Endome, Njambi wakujela alinakwija kutunda ku malundu a Palane. Vumpau vwendi vwafwiki melu, co asi oshe anashulu nakumushangazala.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mako 8:38

Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Luka 2:32

ceke cakujombolola cizango cove kuli ava kesi vaYunda, nakunena vumpau kuli vanu vove va Isalele.”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 1:4

Lijwi likelyo lyapwile nsina ya mwonyo, co mwonyo ou ukewo wanenele ceke kuli vanu.

Yowano 1:9

Eci cikeco capwile ceke ca vushunga, ceke cije cilinakwija mu kaye nakutwila ali vanu voshe.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Vilinga vya Miluwa 22:11

Co njapwile nji kapuputwa omwo ya cije ceke cakuvyazima, co vaje njendele navo vanjikwatele ku livoko nakunjitwala ku Ndamasiku.

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.

Kujombolola 18:1

Munima yevi njamwene kangelo watundile mwilu. Wakele na moko yakama, co asi a vyazimine na vumpau vwendi.

Kujombolola 21:11

co yakele na vumpau vwa Njambi. Nganda ije yavyazimine ngwe limanya lya seo yakama, ngwe limanya lya njasipa, lyatokele to ngwe kilisitale.

Kujombolola 21:25

Co vikolo vya mu nganda ije vikapwa vyakushokoloka litangwa lyoshe, naumo wai akavishoka, omwo kumukakala lalo vutsiki muje.

Kujombolola 22:5

Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”