Kujombolola 21:2 - Livulu lya Shukulu Kalunga

² Co njamwene Nganda Yakujela, Yelusalema yaiha, ilinakwija kutunda mwilu kuli Njambi, ije inalivwaesela cimweja ngwe shombolwa omwo eta kuli munalume wendi.

Kujombolola 21:2 Iomraidhean Croise

Myaso 87:3

Yelusalema nganda ya Njambi, vyuma vyakukomokesa vanakutumbwilavyo.

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Njelemiya 31:23

Shukulu Kalunga Muka-nzili yoshe, Njambi ya Isalele, alinakwendeka ngwendi, “Omo njikelwisila vanu mu lifuti lyavo, vakendeka lalo mu lifuti lya mu Yunda na mu vinganda vyamwo ngwavo, ‘Shukulu Kalunga avezikise lilundu lyakujela lya Yelusalema, mwela wakujela kuje kwakala.’

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

VaHevelu 11:10

Omo Avilahama wavandamenene nganda ije Njambi yamwinikilile kumutungila, nganda ije ya luvula lwa myaka yoshe.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

VaHevelu 13:14

Omwo kutwesi na nganda yakwishwala ano asi, oloni tulinakukengelela nganda ije ilinakwija.

Kujombolola 1:1

Mu livulu eli vanasonekamo vyuma vije vyajombolwele Yesu Kilistu. Njambi wamwanene kujomboloka oku ngeci avisholole kuli vangamba va Njambi vije vikalingiwa vwasi-vwasi. Kilistu wajombolwele vyuma evi kuli ngamba yendi Yowano akutuma kangelo kendi kuli ikeye,

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 11:2

Oloni kesi ukaseteke vimbanja vyayo vya anja, omwo vanavyana kuli vaka-kujeneka kukulaela vaje vakalyatangela Nganda Yakujela a vingonde makumi awana na vingonde vivali.

Kujombolola 21:10

Co njakele mu Munzinzime, co kangelo wanjitwalele ku shongo ya munkinda waulaja. Co wanjimwesele Yelusalema, Nganda Yakujela, ije yatundile mwilu kuli Njambi,

Kujombolola 21:9

Co kangelo umo wa vaje vatanu na vavali vaje vakele na malonga atanu na avali akushula na tuyando tutanu na tuvali twakumanesela wezile kuli yange wendekele ngwendi, “Ija kuno, co njikakumwesa Shombolwa, munakazi wa Muna Manga.”

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

Kujombolola 22:19

Co nga munu atundisako koma kamo ku majwi a vuka-kwimanena a mu livulu eli, co Njambi akatundisa kuli ikeye vyuma vije vivanasoneka mu livulu eli, vikevyo mutambela wendi wa vushuka vwa muti wa mwonyo na mutambela wendi mu Nganda Yakujela.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.