Kujombolola 20:2 - Livulu lya Shukulu Kalunga

² Co wakwatele canza-ngombe, linyoka wa ku san̄ulu, ikeye Liyavola nambe Satana, co wamukutile malyenge myaka 1,000.

Kujombolola 20:2 Iomraidhean Croise

Kushangumuka 3:1

Oloni linyoka wapwile wakunyanyama manene kutuvakana tusitu voshe vaje Shukulu Kalunga Njambi watangele, co wehwile munakazi ngwendi, “Kuma mwa vushunga vene Njambi namileka ngwendi kesi mulye ku vushuka vwa ku muti woshe-iwoshe wamuno mu lihya ndi?”

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Yombi 1:7

Shukulu Kalunga wehwile Satana ngwendi, “Unakala kuli?” Co Satana wamukumbulwile ngwendi, “Njinakala nakwendangana oku noku, kwendangana-endangana ano a kaye oshe.”

Isaya 24:22

Njambi akaka mbunga ya vimyene mu citeke ngwe vinzinda. Akavashokela mu kamenga noo simbu ya kusompa kwove inete.

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Ezekiyele 47:5

Wasetekele mamita akwavo 500, co uje muna ndonga wapwile wa kulova manene, kunjasele kwova. Yapwile yakulova manene kuyijavuka kuvanga kulapa.

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Mako 4:15

Co vanu vamo vanapu ngwe vimbuto vije vyawililile kumukulo wa ngila, vwasi-vwasi omo vakevo vaziva lijwi, co Satana aija nakulitundisa.

Mako 5:7

co wakangokele na lijwi lyakama ngwendi, “Vika ushaka kulinga nange ove Yesu, Muna Njambi wa Akamwa ya Vyoshe? Omwo a lizina lya Njambi, njikulomba ngwange, kesi unjihise embwe!” (

Yowano 12:31

Ololo simbu yakusompa inaija kuli vaka-kaye, ololo muka-kushwana kano kaye vakamusheka.

Yowano 16:11

nakuvavayesa a cihiso omwo muka-kushwana wa ano a kaye vanamuhisa laja.

Loma 16:20

Asinoni Njambi, nsina yetu ya kwoloka, ololo akatsena Satana mwisi ya myanja yeni. Kutetela kwa Mwene yetu Yesu kukale amo neni.

VaHevelu 2:14

Ngecivene, omo vana vanatambula ku situ na maninga, Yesu nendi lalo walipwisile ngwe vakevo watambwile cisemwa cavo ca vunu vwa ano asi. Ikeye walingile eci ngeci a kutsa anyongese uje wakele na nzili ya kutsa, ikeye vene Liyavola.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

2 Petulu 2:4

Omwo Njambi katetelele tungelo vaje valingile vuvi, oloni wavombilile mu mbulu ya tuhya muje vanavakutiiya mu malyenge mu lisusulungu, nakuvandamena Litangwa Lyakusompa.

Yunda 1:6

Anukeni tungelo vaje kuvanyungile myela yavo na moko yavo, oloni vasezele mwela wavo, vanavakutiiya na malyenge a myaka yoshe mu lisusulungu lya kwisi, kuje kwanavanyungila Njasmbi noo ku Litangwa lije lyakama omo vakavahisa.

Kujombolola 12:13

Omo uje canza-ngombe wamwene ngeci vanamumbila ano asi, co washangumukile kukava uje munakazi wakitile mwana wa munalume.

Kujombolola 12:15

Uje canza-ngombe washanjele mema akutunda mu kanwa kendi ngwe livazi lya ndonga kukava uje munakazi, ngeci livazi lya mema aje likakupule uje munakazi.

Kujombolola 12:17

Co uje canza-ngombe waluvalele manene na uje munakazi, co welukile mukukalwisa naanga ya uje munakazi vaje vasaleleo, vaje voshe vononoka mashiko a Njambi na kulongwa ku vushunga vuje vwajombolwele Yesu.

Kujombolola 12:3

Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.

Kujombolola 12:4

Wakokele mutambela wamucitatu wa vingongonosi na mukila wendi kuvitundisa ku mashelwa nakuvyumbila ano asi. Canza-ngombe wemanene kulutwe lwa uje munakazi washakele kukita, ngeci alye uje mwanike omo asemuka.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:2

Co uje cikashama injamwene akumukenga wafwile ngwe ingwe na myanja yendi yalifwile ngwe ya mbeya na kanwa kendi ngwe kanwa ka ndumba. Co uje canza-ngombe waanene nzili yendi na litanda lyendi amo na vukama vwa moko yendi kuli uje cikashama.

Kujombolola 13:4

Munu woshe walemesele uje canza-ngombe omwo wanene moko yendi kuli uje cikashama. Valemesele uje cikashama lalo vendekele ngwavo, “Iyajo walifwa na cikashama? Iyajo asa kumulwisa?”

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.

Kujombolola 20:7

Munima ya myaka 1,000, Satana vakamushokolola mu kamenga.

Kujombolola 9:11

Vali na mwene muka-kuvashika, ikeye kangelo muka-mbulu ije kuyesi naa masima. Lizina lyendi mu ciHevelu lyapwa Ambandoni, co mu ciNgiliki ngwavo Apolyoni (kulumbununa ngwavo “Muka-kunyongesa”).