Kujombolola 2:3 - Livulu lya Shukulu Kalunga

³ Unapu u muka-kusimpa vene, unayanda na n̄avava omwo lizina lyange, co kuwaombwanesele embwe.

Kujombolola 2:3 Iomraidhean Croise

Myaso 37:7

Simpa nakuvandamena Shukulu Kalunga ngeci apange, kesi ushote mbunge ali vaje vanafuku, nambe vaje valinakuya kulutwe a matumbe avo a vuvi.

Myaso 69:7

Omwo a lizina lyove vananjishaula, ngeci njili na shwamwa.

Mika 7:9

Tunavulumwina Shukulu Kalunga. Ngecivene, tunapande kuyanda omwo kuluvala kwendi noo atwamena.

Mako 15:21

Co a ngila valiwanene na munalume umo lizina lyendi Simoni, uje wezile ku nganda kutunda kwimbo, co mashwalale vamusindiiye ngeci ambate cilindakano ca Yesu. (Simoni watundile ku Silene ishe ya Alekizanda na Lufuse.)

Luka 14:27

Co woshe uje kambata cilindakano cendi nakunjikava kasa kupwa ndongisi yange embwe.

Luka 18:1

Yesu wavatelelele cisimo eci cakuvalongesa ngeci simbu yoshe vanapande kulombela nakujeneka kuzeya.

Luka 21:19

Koleseni, co mukaamena myonyo yeni.

Luka 5:5

Simoni wamukumbulwile ngwendi, “Shukulu tunaundangana vutsiki vwoshe oloni nakamo tunakwata kai. Oloni omo unendekamo, co tuta manimbwa.”

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Yowano 15:21

Oloni vakalinga vyuma vyoshe evi kuli yeni omwo yeni mwapwa muvange, omwo kuvazivuka uje wanjitumine.

Loma 12:12

Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.

Loma 16:12

Viindu vyange kuli Talafaena na kuli Talafosa vaje vapanga mu vipangi vya Mwene, na kuli musamba wange Pelesise, uje nalingi manene vipangi vya Mwene.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

Loma 8:25

Oloni nga tuli na cinyangavili ca vije kutwamwene, tucivandamena nakusimpa.

1 Kolinte 13:7

Cizemo kucesi kwonwa, co kukulaela kwaco, kukengelela na lukakateya kuvyesi kwonwa embwe.

1 Kolinte 16:16

kaveni vuntwama vwa vanu va cifwa ngwe ava, co na cifwa ca vanu veka lalo vaje valinakupanga nakuundangana amo navo.

2 Kolinte 10:15

Ngecivene, kutwasa kulyalesa a vipangi vya veka vije vivanalingi nakutuvakana seteko ije yanatwimikila Njambi. Oloni tuli na cinyangavili ngeci kukulaela kweni cikakula, co ngeci tukase kupanga vipangi vyakama manene akati keni, oloni simbu yoshe tulinakupanga mu seteko eyi yanatwimikila Njambi.

2 Kolinte 11:23

Vanapu vangamba va Kilistu ndi? Njinapu ngwe munu wakuzaluka, oloni njinapu ngamba wamuvwa kutuvakana vakevo! Omwo njinaundangana manene, vanjakele mu kamenga visimbu vyavingi kutuvakana vakevo, co vanjipupile manene kutuvakana vakevo, co visimbu vyavingi njetele kuyehi na kutsa vene kutuvakana vakevo.

2 Kolinte 4:1

Njambi mukutetela kwendi natwana vipangi evi, ngecivene, kutwasa kujuka.

2 Kolinte 4:16

Omwo cuma eci kutwasa kwombwa nambe muvila wetu ulinakunyonga, oloni munu wetu wa mukati akatulingisa vuhwa a litangwa na litangwa.

2 Kolinte 5:9

Kutuvakana manene vene, nameme ngoco, tushaka kumuvwaelelesa ikeye, nambe mu njuvo yetu kuno nambe kuje.

2 Kolinte 6:5

Vatupupile, vatwakele mu kamenga na mukulwa na mukuundangana, co twakele lalo mu cilavu-lavu nakujeneka vyakulya.

Ngalatiya 6:2

Likwaseni kulyambatela vitele umo na mukwavo, co mu ngila eyi mukononoka lishiko lya Kilistu.

Ngalatiya 6:9

Ngecivene, kesi tujuke mukulinga mwamuvwa embwe, omwo nga kutujuka, simbu ikaija omo tukateja.

Filipu 2:16

omo muvambulwila lijwi lya mwonyo. Nga mulinga ngacije, njikakala na cuma cakulyalesela ali yeni a Litangwa lya Kilistu, omwo eci cikasholoka ngeci nzili yange yoshe na vipangi vyange kuvyaile mwangoco embwe.

Filipu 4:3

Co nove lalo, muka-kupanga amo nange wa kulongwa, njishaka ukwase ava vanakazi, omwo vakevo vanapanga amo nange manene mukushandola muzimbu wauvwa, amolika na Kelemente na voshe veka vaka-kupanga amo nange, vaje mazina avo ali mu livulu lya Njambi lya vaka-kuyoya.

Kolose 1:11

Mupwe vaka-kukola na nzili yoshe yakutunda ku vumpau vwa nzili yendi, ngeci mukase kukakateya mu vyuma vyoshe na kusimpa.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Tesalonika 2:9

Mwa vushunga vene anukeni, vakwetu, vati twapangele nakuundangana! Twapangele vutsiki na mutanya ngeci kesi tupwe citele kuli yeni omo twambulwile Vin̄anda Vyavivwa vyakutunda kuli Njambi.

1 Tesalonika 5:12

Vakwetu, tumilomba ngwetu aneni kasingimiko kakavwa kuli vaje valinakupanga akati keni, vaje vamitwamenena nakuminangula mukuyoya kwa vuka-Yesu.

2 Tesalonika 3:13

Oloni yeni, vakwetu, kumwapandele kujuka kulinga mwamuvwa.

2 Tesalonika 3:5

Mwene atwamenene vimbunge vyeni mukuzivisisa cizemo ca Njambi na lukakateya luje lwanamyana Kilistu.

2 Tesalonika 3:8

Kutwatambwile vukwaso vumo kuli munu umo kwakujeneka kumwilwisila lalo vyeka. Oloni twapangele nakuundangana, mutanya na vutsiki twatwaleleo nakupanga ngeci kesi tumitwike citele cimo.

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

1 Timateo 5:17

Vakulunu vaje valinakupanga mwamuvwa ngwe vantwama vanapande kuvayongola na kasingimiko kakama, vunene kuli vaje valinakuundangana mukwambulula nakulongesa.

VaHevelu 10:36

Munapande kupwa vaka-kusimpa, ngeci mulinge cizango ca Njambi, co mukatambula vije vyanakulaesa.

VaHevelu 12:1

Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

VaHevelu 13:13

Ngecivene, ijeni tuye kuli ikeye anja ya cilombo ngeci tukazivile shwamwa yendi amo.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

VaHevelu 6:12

Kutushaka mupwe volwa embwe, oloni mupwe ngwe vaje vaka-kukulaela nakusimpa, co mutambule vije vyanamikulaesa Njambi.

VaHevelu 6:15

Co Avilahama wasimpile, co watambwile vije vyamukulaesele Njambi.

2 Petulu 1:6

co ku mana eni wezeleleniko kulinyunga, co ku kulinyunga kweni wezeleleniko lukakateya, co ku lukakateya lweni wezeleleniko vuNjambi,

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.