Kujombolola 2:22 - Livulu lya Shukulu Kalunga

²² Co njikamumbila a vulili na vaje valingile nendi vupangala, co vakayanda na n̄avava yakama. Ololo njikalinga eci, kuvanga vatenguluke nakutunda ku vyuma vyavivi vije vivalingile nendi.

Kujombolola 2:22 Iomraidhean Croise

Njelemiya 36:3

Amo omo vanu va mu Yunda vakaziva vije vyoshe vyavikalu vije vinjayongwele kunena ali vakevo, amo vakatenguluka kutunda ku vingila vyavo vyavivi. Asinoni njikavasambesa ku kupenga-penga kwavo na ku vivi vyavo.”

Ezekiyele 23:29

Omwo vakevo vakuzinda, vakambata vyuma vyoshe vije viwapangelele, co vakakushulula nakukuseza mushelengwa, ukasholoka ngwe u cikwizi. Mashungu ove na vukwizi vwove

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Zefaniya 3:7

Co njayongwele ngwange amo vanu vange vakasa kunjikomoka nakutava kunangula kwange, ngeci kesi vakevale vilongesa vije vinjavalongesele. Oloni vwasi-vwasi vonwele kulisingimika, co valingile vyuma vyavivi manene kutuvakana muje mwalaja.”

Luka 13:3

Njimileka ngwange, embwe! Oloni kuvanga mutenguluke, nga ngoconi mukanyonga ngwe vakevo lalo.

Luka 13:5

Njimileka ngwange, embwe! Oloni kuvanga mutenguluke, nga ngoconi mukanyonga ngwe vakevo lalo.”

2 Kolinte 12:21

Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.

Kujombolola 17:2

Vimyene va ano asi valingile nendi vupangala, co vanu va mu kaye vapendele mukunwa vinyu vya vupangala vwendi.”

Kujombolola 18:3

Omwo mafuti oshe vananu vinyu vyakulula vya mashungu endi amavi. Vimyene va ano asi vanalingi nendi vupangala, co vaka-kulanda va ano asi vanafuku na vufuko vwa mashungu endi.”

Kujombolola 18:9

Co vimyene va ano asi vaje valingile nendi vupangala na mashungu amavi vakalila nakulinyenga omo vakamona vwisi vulinakukakumuka omo alinakwenya.

Kujombolola 2:5

Anuka kuje kuunawila! Tenguluka ku vivi vyove nakulinga vije viwalingile akulivanga. Nga shove kutenguluka ku vivi vyove, co yange njikaija kuli yove nakutundisa citumbikilo ca ndeya yove mu mwela waco.