Kujombolola 2:18 - Livulu lya Shukulu Kalunga

¹⁸ “Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.

Kujombolola 2:18 Iomraidhean Croise

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Ndanyele 10:6

Muvila wendi wavyazimine ngwe limanya lya seo. Cihanga cendi cavyazimine ngwe muhyato, co mesho endi alengenyene ngwe tuhya tushukuma. Mavoko endi na mendi endi vyavyazimine ngwe vunengu, co lijwi lyendi lyafwile ngwe muyoyo wa mbunga ya vanu vavangi.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 10:36

Ngeci mwange ni, Tate wanjangwile nakunjituma ano a kaye. Vatijo mwendeka ngweni njilinakushaula Njambi omwo njendekele ngwange nji Muna Njambi?

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 3:18

Uje akulaela kuli Mwana kuvakamuhisa embwe, oloni uje kakulaelele vanamuhisa laja, omwo kakulaelele kuli Muna Njambi umolika.

Yowano 5:25

Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.

Vilinga vya Miluwa 16:14

Umo wavo watuzivile wapwile Lindiya watundile ku Tiyatila, wapwile muka-kulandesa vinanga vyavivwa vyakuvenguluka. Wapwile munakazi muka-kulemesa Njambi, co Mwene washokolwele mbunge yendi kutolilila ku vije vyakele nakwendeka Paulu.

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Loma 1:4

ngwe ku vu Njambi vwendi vwakujela, vamumwesele na nzili yakama kupwa Muna Njambi omo vamusangwile ku vatsi.

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 2:1

Kuli kangelo wa ku cikungulukilo ca mu Efeso soneka ngwove, “Eli likelyo lijwi lyatundu kuli uje nakwata vingongonosi vitanu na vivali mu livoko lyendi lya cilyo, uje alinakwendangana akati ka vitumbikilo vya vindeya vya ngolinde vitanu na vivali.

Kujombolola 2:24

“Oloni vungi vweni muli mu Tiyatila kumwakavangeyeye vilongesa evi vyavivi, yeni kumwalilongesele vije vivanatumbula vakweni veka ngwavo, ‘cisin̄iko ca kulova ca Satana.’ Kunjikamitwiki citele ceka lalo.