Kujombolola 2:14 - Livulu lya Shukulu Kalunga

¹⁴ Oloni kuli vyuma vyavindondo njalinyenge ali yove, kuvali vamo akati keni vaje vacikavangeya kulongesa kwa Mbalame, uje walongesele Mbalake kutwamenena vanu va Isalele kulinga vuvi akuvasindiya kulya vyakulya vije vanakombelela ku tumponya nakulinga vupangala.

Kujombolola 2:14 Iomraidhean Croise

Isaya 57:14

Shukulu Kalunga alinakwendeka ngwendi, “Eceleni vanu vange veluke kuli yange. Tundiseni mingowa mu ngila ya vanu vange! Sheveni tapalo nakuyivwaesela cimweja!

Njelemiya 6:21

Ngecivene, njikatanukisa vanu ava ngeci vawe. Vaishavo na vana vavo vakatsa, vasamba na vandambo vakatsa lalo.”

Ezekiyele 3:20

“Nga muka-vushunga alinga vuvi, nga njimwakela citanukiso ngeci awe, ikeye atsa nga kuumunangula, atsa omwo vuvi vwendi, co kunjikanuka lalo vilinga vyendi vyavivwa vije vyalingile, oloni mulonga wa kutsa kwendi ukakala ali yove.

Ezekiyele 44:12

Oloni omwo valingisile vanu va Isalele kulemesa tumponya, co mu ngila eyi vene vatwamenenene vanu mu vuvi, yange Kalunga wa Akamwa ya Vyoshe, njalikumiiya nakulisinga ngwange vanapande kuvanyanyamesa.

Kulava 24:14

Co Mbalame wendekele kuli Mbalake ngwendi, “Ololo kenga njilinakwiluka kuli vavushoko vwange, oloni omo kanda njiye, njilinakukunangula vije vivakalinga vaIsalele kuli vanu vove kulutwe.”

Kulava 31:16

Anukeni ngweni ava vakevo vanakazi vaje vakavangeyeye vilongesa vya Mbalame ku Peole vakevo vene vashongangeyeye vanu va Isalele ngeci vonwele kulemesa Shukulu Kalunga. Eci cikeco cuma canenesele mushongo wakulitambwisa akati ka vanu va Shukulu Kalunga.

Kulava 31:8

amo na vimyene vatanu va vaMindyani, Mwene Evi, na Mwene Lekeme, na Mwene Zule, na Mwene Hule, na Mwene Lemba. Co vatsiile lalo na Mbalame muna Mbeole na moko ya mukwale.

Mateo 18:7

Kayando ka ano a kaye omwo ali vyuma vilinakutanukisa ngeci kesi vakulaele! Vyuma evi simbu yoshe vinapande kulingiwa, oloni kayando ka munu uje avilinga!

Vilinga vya Miluwa 15:29

kesi mulye vyakulya vije vyakukombelela ku tumponya, kesi mulye maninga, kesi mulye kasitu wakutikinya, co litengeni ku vupangala. Mukakala mwamuvwa nga mulinyunga nakujeneka kulinga vyuma evi. Viindu vyeni.”

Vilinga vya Miluwa 21:25

Oloni ali vaje kesi vaYunda vanapu vaka-kukulaela, tunavatumina laja mukanda wakuvaleka ngwetu tunayongola ngwetu kuvapandele kulya vyakulya vije vanakombelela ku tumponya, nambe maninga, nambe kasitu wakutikinya, co vanapande kulitenga ku vupangala.”

Loma 11:9

Co Ndaviti alinakwendeka ngwendi, “Viwano vyavo vipwe myeto, co vatsemo, vanapande kuwa, vanapande kuvanyanyamesa!

Loma 14:13

Ngecivene, kesi tulihise umo na mukwavo. Oloni unapande kuyongola ngeci kesi wake citanukiso mu ngila ya mukweni nambe cakumuwisa.

Loma 14:21

Cuma cacivwa kulinga cinapu kujeneka kulya situ nakunwa vinyu, nambe kulinga cuma cimo ceka cije citanukisa mukweni.

Loma 9:32

Omwo vikajo? Omwo kuvajendamenene akukulaela oloni vajendamenene a vije vivalingile. Co vatanukile a “limanya lyakutanukisa”

1 Kolinte 1:23

Oloni yetu, tulinakwambulula Kilistu wakushukika a cilindakano, muzimbu uje unapu citanukiso kuli vaYunda na vulema kuli vaje kesi vaYunda,

1 Kolinte 7:2

Oloni omwo kuli vupangala manene, munalume woshe napande kukala na munakazi wendi, na munakazi woshe napande kukala na munalume wendi.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Yoshwa 24:9

Asinoni mwene wa vaMowavi, Mbalake muna Zipole, wamilwisile. Ikeye watumine lijwi kuli Mbalame muna Mbeole ngeci amisinge.

1 Petulu 2:8

Co visoneka vikwavo vyendeka ngwavyo, “Eli linapu limanya lyakutanukisa vanu, likelyo limanya lije likavawisa.” Vatanukile omwo kuvakulaelele ku lijwi, eci capwile cizango ca Njambi kuli vakevo.

2 Petulu 2:15

Vanaseza ngila yakushungama, co vanazimbalesa ngila yavo, vanakavangeya ngila yakavele Mbalame muna Mbeole, uje wazemene vimbongo vije vyakawana a vilinga vyavivi,

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.

Kujombolola 2:20

Oloni kuli cimo njalinyenge ali yove, unecelela uje munakazi Njezevele, uje alinakulitumbula ikeye vavenya ngwendi muluwa wa Njambi. Kulongesa kwendi kulinakutwamenena vangamba vange kulinga vupangala nakulya vyakulya vyakukombelela ku tumponya.

Kujombolola 2:4

Oloni kuli cuma cimo njalinyenge ali yove, kuwesi nakunjizema ngwe muje muwanjizemene akulivanga.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.