Kujombolola 2:10 - Livulu lya Shukulu Kalunga

¹⁰ Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 2:10 Iomraidhean Croise

Myaso 31:23

Zemeni Shukulu Kalunga yeni voshe vanu vendi vakujela. Shukulu Kalunga anyunga vaka-kulongwa, oloni ahisa vaka-kulyalesa ngwe ku vilinga vyavo.

Mbimbi 3:57

Wanjikumbulwile nakunjileka ngeci kesi njizive lyova.

Ndanyele 1:12

Co wendekele ngwendi, “Tweseke a matangwa likumi. Twane lika visapa-sapa tulye na mema tunwe.

Ndanyele 1:14

Co uje muka-kunyunga watavele Ndanyele na vasamba vendi kuveseka a matangwa likumi.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mateo 24:13

Oloni woshe uje akakateya na ku shongo akovoka.

Mako 13:13

Co voshe vakamizinda omwo lizina lyange. Oloni woshe uje akakateya na ku shongo akovoka.

Mako 8:35

Omwo munu woshe ashaka kunyunga mwonyo wendi auzimbalesa, oloni munu uje azimbalesa mwonyo wendi omwo lizina lyange na a muzimbu wauvwa akauwana.

Luka 21:12

Omo simbu kanda vyuma evi visholoke, vakamikwata nakumiyandesa, vakamitwala ku masinangonge avo nakukamisompa nakumyaka mu tumenga, co vakamitwala kuli vimyene na kuli vaka-kushwana omwo lizina lyange.

Yowano 12:25

Woshe uje azema mwonyo wendi auzimbalesa, co woshe uje azinda mwonyo wendi mu kaye kano nautulikila ku mwonyo wa myaka yoshe.

Yowano 13:2

Co Yesu na vandongisi vendi vakele kukulya kwa cingwezi. Omo Liyavola te naaka laja muli Yundasa, muna Simoni Isikalyote, viyongola vyakwenda Yesu vungungu.

Yowano 13:27

Aje vene omo Yundasa watambwile lije likende, Satana wakovelele muli ikeye. Yesu wendekele kuli ikeye ngwendi, “Evi unapande kulinga, vilinge vwasi!”

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 21:13

Oloni wakumbulwile ngwendi, “Vikajo mulinakulinga? Kulila nakupokola mbunge yange? Njinalivwaesela cimweja kesi lika kunjikuta mu Yelusalema embwe, oloni nameme kutsila vene muje omwo a lizina lya Mwene Yesu.”

1 Kolinte 9:25

Munu woshe mu vyakweha alilongesa kulyononwesa, alinga ngacije ngeci atambule cilongo cije casa kuvola, oloni yetu tulinakulinga eci ngeci tukatambule cilongo cije cikakala simbu yoshe.

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Efeso 6:12

Omwo kutwesi nakulwa na vanu embwe, oloni tulinakulwa na nzili yavivi vya minzinzime ya a mukambwila na vaka-kushwana na vaka-moko ya kushika na ava vaka-kushwana na nzili mu lisusulungu eli lya myaka ino iliko.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

Kujombolola 13:14

Co wakwisile vanu voshe va ano asi mukulinga vizivukiso na vikomokeso vije vamutavesele kulinga ku mesho a uje cikashama wakulivanga. Uje cikashama wamucivali walekele vanu voshe va ano asi kumunga cifwa ca kamponya kusingimika cikashama uje vavulumwine na moko ya mukwale oloni wayoyele lalo.

Kujombolola 13:2

Co uje cikashama injamwene akumukenga wafwile ngwe ingwe na myanja yendi yalifwile ngwe ya mbeya na kanwa kendi ngwe kanwa ka ndumba. Co uje canza-ngombe waanene nzili yendi na litanda lyendi amo na vukama vwa moko yendi kuli uje cikashama.

Kujombolola 13:7

Co lalo vamutavesele kulwa nzita na vanu va Njambi nakuvafungulula, co lalo vamwanene moko a miyati yoshe ya vanu na vindaka vyoshe na mafuti oshe.

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.

Kujombolola 2:9

Njinazivuka tuyando twove, njinazivuka ngeci yove unapu kautu, oloni mwa vushunga unapu muka-kufuka! Njinazivuka kushaula kuje valinakukushaula vaje valitumbula ngwavo vanapu vaYunda oloni kesi vakevo embwe, vakevo vapwa vaka-munga yakundama kuli Satana!