Kujombolola 2:1 - Livulu lya Shukulu Kalunga

¹ Kuli kangelo wa ku cikungulukilo ca mu Efeso soneka ngwove, “Eli likelyo lijwi lyatundu kuli uje nakwata vingongonosi vitanu na vivali mu livoko lyendi lya cilyo, uje alinakwendangana akati ka vitumbikilo vya vindeya vya ngolinde vitanu na vivali.

Kujombolola 2:1 Iomraidhean Croise

Ezekiyele 46:10

Mwene napande kukovela mukati omo vanu vakovela mukati, co napande kutuuka omo vanu vatuuka

Mateo 18:20

Omwo kuje kunangulukila vanu vavali nameme vatatu mu lizina lyange, nange lalo njili akati kavo.”

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Vilinga vya Miluwa 18:19

Co wetele mu Efeso, kuje Paulu wasezele Pilisila na Akwila. Wakovelele mu sinangonge nakusimutwiya na vaYunda.

Vilinga vya Miluwa 18:21

Oloni wavalekele omo wavasezele ngwendi, “Nga eci cinapu cizango ca Njambi, co njikeluka lalo kuli yeni.” Co wakovelele mu vwato watundile ku Efeso.

Vilinga vya Miluwa 19:1

Omo Apolo wakele mu Kolinte, Paulu wendele mu mutambela wa lifuti lije, co wetele mu Efeso. Kuje wawaneneko vandongisi vamo,

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Kujombolola 1:16

Ikeye wakwatele vingongonosi vitanu na vivali mu livoko lyendi lya cilyo, co mu kanwa kendi mwatuukile moko ya mukwale ya vuvela kuvali. Cihanga cendi cavyazimine ngwe misha ya litangwa lya akati ka mutwe.

Kujombolola 1:20

Eci cikeco kulumbunuka kwa cisin̄iko ca vingongonosi vitanu na vivali vije unamono mu livoko lyange lya cilyo, na vitumbikilo vya vindeya vya ngolinde vitanu na vivali, vingongonosi vitanu na vivali vinapu tungelo va vije vikungulukilo vitanu na vivali, co vitumbikilo vya vindeya vitanu na vivali vinapu vije vikungulukilo vitanu na vivali.”

Kujombolola 12:1

Asinoni cizivukiso cakama casholokele mwilu. Kwakele munakazi, cikoveyo cendi capwile litangwa, co ngonde yakele mwisi ya myanja yendi na cilongo ca vingongonosi likumi na vivali cakele a mutwe wendi.

Kujombolola 2:12

“Kuli kangelo wa ku cikungulukilo ca mu Pelengamu soneka ngwove, “Eli likelyo lijwi lyatundu kuli uje ali na moko ya mukwale ya vuvela kuvali.

Kujombolola 2:18

“Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 3:1

“Kuli kangelo wa ku cikungulukilo ca mu Salendisiya soneka ngwove, “Eli likelyo lijwi lyatundu kuli uje ali na minzinzime ya Njambi itanu na ivali na vingongonosi vitanu na vivali. Njinazivuka vije viwulinakulinga, njinazivuka ngeci uli na lizina ngeci ulinakuyoya, nameme ngoco unatsi laja.

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.