Kujombolola 19:7 - Livulu lya Shukulu Kalunga

⁷ Tujoleleni nakuvwaelela, tushangazaleni vukama vwendi! Omwo simbu inete ya vulo vwa Muna Manga, co shombolwa yendi nalivwaesa laja.

Kujombolola 19:7 Iomraidhean Croise

Myaso 107:42

Vaka-vushunga vamona evi, co vajolela, oloni vaka-vuvi voshe vakavolwesa kuluu.

Myaso 48:11

Munkinda wa Siyone ujolele! Vana va vanakazi va ku Yunda vavwaelele, omwo kusompa kwove kwapwa kwa vushunga!

Myaso 9:14

ngeci njikemane ku mesho a vanu va mu Yelusalema, nakuvaleka vyuma vyoshe vije vinjikushangazala navyo. Njivwaelela omwo yove unanjovola.

Visimo 29:2

Omo vaka-vushunga vashwana, co vanu voshe valisamba, oloni omo vaka-vuvi vashwana, co vanu vakemanga.

Myaso ya Solomoni 3:11

Yeni vanakazi va mu Siyone, ijeni mumone Mwene Solomoni. Mwene Solomoni nazala cilongo cije civamuzikile vaina ku mutwe wendi, a litangwa lya vulo vwendi, a litangwa lyakuvwaelela nakujolela kwendi.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 62:5

Ngwe mukwenje ambata mumbanda uje kanda alimone na munalume kupwa shombolwa yendi, uje wakutangele akakwambata. Ngwe muka-kwambata avwaelela na shombolwa yendi, ngeci Njambi yove akavwaelela muli yove.

Isaya 66:10

Yeni voshe mwazema nganda eyi, joleleni na Yelusalema, nakuvwaelela nayo! Yeni voshe mwakele nakuyililila, ololo joleleni amo nayo!

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 1:20

Oloni simbu wacikele nakuyongola ngeci, kangelo ka Mwene washolokele kuli ikeye mu njozi ngwendi, “Ove Yosefa, wa ku naanga ya Ndaviti, kesi uzive lyova lyakwambata munakazi wove Maliya, omwo kafumba aka kalinako kanatundu ku Munzinzime Wakujela.

Mateo 22:2

“Vumwene vwa mwilu vunalifu ngwe mwene walingile ciwano ca vulo vwa munendi wa munalume.

Luka 12:36

ngwe vangamba vakengelela shukulu yavo eluke ku ciwano ca vulo. Omo aija nakutota ku cikolo, co vazambula nakumushokolwelako.

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

Efeso 5:23

Omwo munalume ali na moko ali munakazi wendi ngwe Kilistu lalo ali na moko a cikungulukilo, co Kilistu vavenya ikeye Muyoyesi wa cikungulukilo, muvila wendi.

Efeso 5:32

Kuli cisin̄iko ca kulova ca vushunga mu visoneka evi cije cinjinazivuka ngwange cilumbununa vya Kilistu na cikungulukilo.

Kwituluka mu Mashiko 32:43

“Yeni miyati munapande kushangazala vanu va Shukulu Kalunga. Ikeye akahisa voshe vaje vakatsiya vanu vendi, omwo ikeye akalinga shambandinga ali vitozi vendi, nakwamena vuvi vwa vanu vendi.”

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Kujombolola 11:13

Co a simbu ije vene kwakele mandunduma akama, mutambela wamulikumi wa nganda wasiwukile, co vanu vakupwa 7,000 vatsile, vaje vasaleleo vazivile manene lyova, co vashangazalele vukama vwa Njambi wa mwilu.

Kujombolola 19:9

Co kangelo wendekele kuli yange ngwendi, “Soneka ngwove, vanavezika vaje vavanalanya ku ciwano ca vulo vwa Muna Manga.” Co kangelo wendekele lalo ngwendi, “Awa akewo majwi a vushunga a Njambi.”

Kujombolola 21:2

Co njamwene Nganda Yakujela, Yelusalema yaiha, ilinakwija kutunda mwilu kuli Njambi, ije inalivwaesela cimweja ngwe shombolwa omwo eta kuli munalume wendi.

Kujombolola 21:9

Co kangelo umo wa vaje vatanu na vavali vaje vakele na malonga atanu na avali akushula na tuyando tutanu na tuvali twakumanesela wezile kuli yange wendekele ngwendi, “Ija kuno, co njikakumwesa Shombolwa, munakazi wa Muna Manga.”

1 Samwele 2:1

Hana walombelele ngwendi, “Mbunge yange ijolela muli Shukulu Kalunga, njavwaelela omwo a evi vyanalingi Shukulu Kalunga! Njilinakujola vitozi vange, njijolela manene omwo Njambi nanjikwasa!