Kujombolola 19:5 - Livulu lya Shukulu Kalunga

⁵ Asinoni lijwi lyatundile ku litanda lyendekele ngwalyo, “Shangazaleni Njambi yetu, yeni vangamba vendi voshe vaje vamukomoka, vakama na ava vavandondo!”

Kujombolola 19:5 Iomraidhean Croise

Myaso 115:13

Shukulu Kalunga akavezikisa voshe vaje vamulemesa, vakama nambe vavandondo.

Myaso 134:1

Yeni voshe vangamba va Shukulu Kalunga, shangazaleni Shukulu Kalunga, yeni voshe vaka-kupanga vutsiki mu Njuvo ya Shukulu Kalunga.

Myaso 135:1

Shangazaleni Shukulu Kalunga! Yeni vangamba va Shukulu Kalunga, shangazaleni lizina lyendi,

Myaso 150:6

Vyuma vyoshe vyakuyoya vishangazale Shukulu Kalunga! Shangazaleni Shukulu Kalunga!

Myaso 22:23

“Mushangazaleni, yeni vangamba va Shukulu Kalunga! Musingimikeni, yeni vatekulwila va Yakomba! Mulemeseni, yeni vanu va Isalele!

Kujombolola 13:16

Uje cikashama wasindiiye vanu voshe, vavandondo na ava vakama, vaka-kufuka na tuutu, ndungo na vaka-kupatuka, kukala na cizivukiso cakwaka ku mavoko avo a cilyo na a maholo avo.

Kujombolola 16:17

Asinoni kangelo wamucitanu na vavali wetilile lilonga lyendi mu lihunzi. Co lijwi lyakama lyatundile ku litanda lya mu Njuvo ya Shukulu Kalunga lyendekele ngwalyo, “Kunau!”

Kujombolola 19:18

Ijeni mulye situ ya vimyene na vantwama vakama vanzita na mashwalale na situ ya tuvalu na vaka-kulondao na situ ya vanu voshe na vindungo na vaka-kupatuka, vakama na ava vavandondo!”

Kujombolola 20:12

Coi njamwene vatsi, vakama na ava vavandondo, vemanene kulutwe lwa litanda. Vafukwile mavulu, co lalo vafukwile livulu likwavo, likelyo livulu lya mwonyo. Co vatsi vavasompele ngwe ku vilinga vyavo vije vivalingile, ngwe muvavisonekele mu mavulu.

Kujombolola 7:15

Mukemwo vanemana kulutwe lwa litanda lya Njambi nakumupangela mutanya na vutsiki mu Njuvo yendi. Co uje natumbama a litanda akavanyunga.